Fréttir

Næstkomandi miðvikudag verður sannkallaður stórleikur í íþróttahúsi Síðuskóla. Þar munu eigast við Þór og KA. Bæði lið hafa staðið sig mjög vel í deildinni í vetur og eru liðin í topp 4.  Þessi lið hafa mæst einu sinni í vetur og sýndu þar að miklir hæfileikar eru til staðar. Því viljum við hvetja alla sem vilja sjá alvöru handbolta að koma í íþróttahús Síðuskóla miðvikudaginn 28. janúar kl. 20:00.  Athugið að leiktímanum var breytt!

Bæjarráð Akureyrar hefur samþykkt samkomulag við KA vegna notkunar og reksturs Akureyrarvallar sem fyrirhugað var að rífa fljótlega.

Í kvöld leikur KA sinn annan leik í Soccerademótinu og er andstæðingurinn annar flokkur Þórs.

Á fimmtudagskvöldið sl. náði annar flokkur í sín fyrstu stig í Soccerademótinu með sigri á Magna.

Helga Hansdóttir, sem vann sigur í fullorðinsflokki í gær, keppti í dag í sínum aldursflokki sem er 15-16 ára.  Helga vann yfirburðasigur og kom því heim með tvenn gullverðlaun frá mótinu.  Faðir Helgu, Hans Rúnar Snorrason, kom heim með tvenn bronsverðlaun svo óhætt er að segja að Helga hafi verið föðurbetrungur :).

Bæði B-lið 4. flokks karla fylgdu fordæmi A-liðsins frá því í gær eftir og unnu bæði leiki sína gegn HK í dag. B-1 vann sannfærandi sigur 31-12 eftir að hafa verið 13-8 yfir í hálfleik. B-2 aftur á móti lentu í hörkuleik en unnu að lokum 18-17 en liðið hafði verið mest fjórum mörkum yfir í leiknum. Góð helgi hjá 4. flokk því staðreynd.

Hans Rúnar Snorrason og Helga Hansdóttir kepptu á Afmælismót Júdósambandsins sem fram fór í Reykjavík í gær. 

A-lið 4. flokks karla lék í dag gegn HK í KA-Heimilinu. Um var að ræða hörkuleik þar sem KA-menn léku mjög vel og bættu leik sinn mikið frá seinustu helgi. Þeir spiluðu góða vörn og unnu 31-26 sigur eftir að hafa verið 15-12 yfir í hálfleik. Liðið lék mjög hraðan handbolta og fékk t.d. fjölda góðra marka úr hraðaupphlaupum sem vörnin skapaði.

Nú í hádeginu var dregið um hvaða lið mætast í  undanúrslitum Eimskipsbikars kvenna. 2. deildar lið KA/Þór dróst á móti FH sem leikur í N1 deildinni og fær KA/Þór heimaleikinn. Í hinum undanúrslitaleiknum mætast Haukar og Stjarnan. Leikirnir fara fram 14. - 15. febrúar.

Öll þrjú lið 4. flokks karla í handbolta eiga leiki um helgina í KA-Heimilinu en HK-ingar koma norður. Fólk er eindregið hvatt til þess að mæta en öll liðin eru að berjast á toppnum í sínum deildum og þurfa á góðum leikjum um helgina að ræða. Dagskráin er svohljóðandi: Laugardagur: 15:00: KA - HK (A-lið) Sunnudagur: 10:00: KA2 - HK2 (B-lið) 11:00: KA - HK (B-lið)