Fréttir

Um helgina leika öll lið 4. flokks karla í handbolta heimaleiki á Íslandsmótinu. Þetta eru seinustu leikir liðanna á þessu ári og hvetjum við fólk eindregið til að mæta og horfa á fyrirtaks handbolta. Dagskráin: Laugardagur: 15:00: KA - Fram (A-lið) Sunnudagur: 10:00: KA - Fram (B-lið) 11:00: KA2 - ÍR (B-lið)

Stefán Gunnlaugsson formaður KA mun sjá um mál framkvæmdastjórans, Ögga, á meðan hann er í fæðingarorlofi. Stefán hefur nú sama númer og Öggi hafði, 899-3482 og er hann við á skrifstofu KA-Heimilisins alla virka daga frá 09:00-10:00 og 13:00-14:00. Öggi eignaðist dóttur fyrir stuttu og vill heimasíðan koma á framfæri hamingjuóskum til fjölskyldu hans. Hann snýr svo aftur til starfa á nýju ári.

Þann 5. desember s.l. tók Hans Rúnar Snorrason gráðun 1. dan, eða svart belti.  Það sem merkilegt er við þessa gráðun að upphaflega stóð til að Hans tæki þetta próf fyrir tæpum 20 árum síðan. En þar sem að Hans var upptekinn við það að eignast 4 börn og læra til kennara þá frestaðist prófið "aðeins".  En betra er seint en aldrei.  

KA/Þór leikur sinn fyrsta heimaleik á tímabilinu í 3. fl. kvenna á föstudaginn kl. 17:00 í KA heimilinu.  Allir eru hvattir til að mæta og hvetja stelpurnar. Þetta verður væntanlega hörkuleikur, í liði KA/Þór eru nokkrar stúlkur sem hafa verið valdar til æfinga með unglingalandsliðum Íslands en í liði Fram eru m.a. tvær stúlkur sem hafa verið viðloðandi A-landslið kvenna.

Sóknarmaðurinn Sveinn Elías Jónsson ákvað að ganga til liðs við nágranna okkar í Þór nú á dögunum.

Kvennalið KA heimsótti Völsung á fimmtudaginn var í 2. deild kvenna norðurriðli. Skemmst er frá því að segja að KA liðið átti frábæran leik gegn sterku liði Völsunga og vann leikinn 2-1. (32-30,21-25,10-15).

Á laugardaginn lék annar flokkur sinn fyrsta æfingaleik í vetur en nokkrum dögum áður hafði Örlygur Þór verið ráðinn þjálfari flokksins.

Í dag efndi Samherji hf. til samsætis í Ketilhúsinu á Akureyri þar sem þess var minnst að 25 ár eða aldarfjórðungur er liðinn frá því að fyrirtækið var stofnað. Jafnframt var þess minnst að feður þeirra Samherjafrænda, Kristjáns og Þorsteins, tvíburabræðurnir Vilhelm og Baldvin Þorsteinssynir, hefðu orðið 80 ára á þessu ári, hefðu þeir lifað, en báðir létust þeir langt um aldur fram.

 Í vikunni var gengið frá ráðningu Örlygs Þórs Helgasonar eða einfaldlega Ögga sem þjálfara annars flokks og mun hann strax hefja störf.

KA og Þróttur spiluðu aftur í dag og voru KA menn mun betri en í gærkvöldi. Þrátt fyrir það vann Þróttur á ný, í þetta skiptið 1-3. Allt annað var að sjá til KA-manna í þessum leik en þó vantar heilmikið uppá til að rúlla upp reynslumiklu og massífu liði sem Þróttur er. Röndóttu Reykvingingarnir eru nú langefstir í deildinni en KA heldur öðru sætinu.