Fréttir

KA-menn áttu ekki sjö dagana sæla í kvöld þegar þeir voru flengdir harkalega af liðinu sem spilar í ljótustu búningum á landinu. Reykjavíkur-Þróttarar voru í miklum ham og rúlluðu yfir KA í þremur hrinum. Liðin eigast við aftur á morgun, laugardag og er leikurinn kl 14:00.

Um síðustu helgi fóru 5 stúlkur frá KA á landsliðsæfingar í Reykjavík.  Þar var æft 3-4 sinnum með tveimur landsliðum. Kolbrún Gígja Einarsdóttir og Sunnefa Níelsdóttir æfðu með landsliði U-17 ára og Arna Valgerður Erlingsdóttir, Emma Sardarsdóttir og Unnur Ómarsdóttir æfðu með landsliði U-19 ára.  Það er frábært að svo stór hópur eigi erindi á þessar æfingar og sýnir vel gróskuna í kvennaboltanum.

KA og Þróttur mætast í kvöld kl: 20:00´í fyrsta sinn í vetur en bæði liðin er taplaus í 1. deild karla og með jafn mörg stig en Þróttarar eru þó í toppsætinu með færri tapaðar hrinur. Leikurinn fer fram í KA heimilinu. Liðin mætast svo aftur á laugardag kl. 14:00 einnig í KA heimilnu.

5 flokkur kvenna í knattspyrnu kemur til með á næstu dögum ganga í öll hús á Akureyri og bjóða til sölu leikritið Óvitar á DVD.

Kvennaráð Þór/KA fór óvenjulega leið í styrktarbeiðni til bæjarbúa þegar það sendi út greiðsluseðla fyrir skömmu. Viðtökurnar voru vinsamlegar og fyrir það er liðið þakklátt. Hafin er metnaðarfullur undirbúningur fyrir komandi sumar. Þeir sem hafa áhuga á að styrkja liðið geta enn greitt seðilinn, hann finnst m.a. í heimabankanum.

Toppslagur verður í blakinu um helgina en tvö lið eru ósigruð í 1. deild karla þar sem af er keppnistímabilsins. Það eru lið KA og Þróttar Reykjavík. Um helgina mætast þessi lið í tvígang á Akureyri þar sem það skýrist hvaða lið verður á toppi deildarinnar eftir tvær umferðir.

Það var hart tekist á í leikjum KA gutta og Hamars um helgina enda mættust þar feðgar. Svo fór að synirnir höfðu betur enda má segja að þeir hafi haft nokkra forgjöf hvað hæðina varðar eins og þessi stórskemmtilega mynd sem fylgir fréttinni sýnir.

Nú um liðna helgi tók 5. flokkur kvenna þátt í sínu fyrsta móti vetur.  Haldið var sem leið lá til Hafnarfjarðar þar sem keppt var á Hafnarfjarðarmóti Hauka og Actavis. Leikstaður KA-stelpna var Ásvellir og gist var í næsta nágrenni í Hvaleyrarskóla. Þetta var annað mótið á Íslandsmótinu en þjálfarar höfðu áður tekið þá ákvörðun að taka ekki þátt í fyrsta móti vetrarins sem fram fór í Vestmannaeyjum um miðjan október.

Andri Fannar Stefánsson og Haukur Heiðar Hauksson hafa verið boðaðir á æfingar hjá U19 ára landsliðinu sem fram fara um helgina.

Á laugardaginn sl. var boðið upp á skemmtilega tilbreytingu í Boganum á hinum hefðbundnu laugardagsæfingum hjá yngri flokkum KA en Ólafur Jóhannesson, landsliðsþjálfari A-landsliðs karla mætti í Bogann ásamt landsliðskonunum Ástu Árnadóttir og Rakeli Hönnudóttir.