Fréttir

3. flokkur karla leikur síðustu tvo leiki sína á þessu ári nú um helgina. Strákarnir mæta ÍR í tveimur leikjum, sá fyrri fer fram á laugardaginn kl. 16:00 og er það leikur í 16-liða úrslitum bikarsins. Á sunnudag mætast svo þessi sömu lið aftur en nú í Íslandsmótinu og hefst leikurinn kl. 14:00. Viljum við hvetja sem flesta til að koma í KA heimilið um helgina og styðja liðin okkar til sigurs.

Um helgina leika öll lið 4. flokks karla í handbolta heimaleiki á Íslandsmótinu. Þetta eru seinustu leikir liðanna á þessu ári og hvetjum við fólk eindregið til að mæta og horfa á fyrirtaks handbolta. Dagskráin: Laugardagur: 15:00: KA - Fram (A-lið) Sunnudagur: 10:00: KA - Fram (B-lið) 11:00: KA2 - ÍR (B-lið)

KA/Þór leikur sinn fyrsta heimaleik á tímabilinu í 3. fl. kvenna á föstudaginn kl. 17:00 í KA heimilinu.  Allir eru hvattir til að mæta og hvetja stelpurnar. Þetta verður væntanlega hörkuleikur, í liði KA/Þór eru nokkrar stúlkur sem hafa verið valdar til æfinga með unglingalandsliðum Íslands en í liði Fram eru m.a. tvær stúlkur sem hafa verið viðloðandi A-landslið kvenna.

Um síðustu helgi fóru 5 stúlkur frá KA á landsliðsæfingar í Reykjavík.  Þar var æft 3-4 sinnum með tveimur landsliðum. Kolbrún Gígja Einarsdóttir og Sunnefa Níelsdóttir æfðu með landsliði U-17 ára og Arna Valgerður Erlingsdóttir, Emma Sardarsdóttir og Unnur Ómarsdóttir æfðu með landsliði U-19 ára.  Það er frábært að svo stór hópur eigi erindi á þessar æfingar og sýnir vel gróskuna í kvennaboltanum.

Nú um liðna helgi tók 5. flokkur kvenna þátt í sínu fyrsta móti vetur.  Haldið var sem leið lá til Hafnarfjarðar þar sem keppt var á Hafnarfjarðarmóti Hauka og Actavis. Leikstaður KA-stelpna var Ásvellir og gist var í næsta nágrenni í Hvaleyrarskóla. Þetta var annað mótið á Íslandsmótinu en þjálfarar höfðu áður tekið þá ákvörðun að taka ekki þátt í fyrsta móti vetrarins sem fram fór í Vestmannaeyjum um miðjan október.

KA og Þór áttust við í hörkuleik í gær í 4. flokki karla. Leikurinn, sem fór fram í KA-Heimilinu, var æsispennandi og jafnræði lengst af í leiknum. Þór leiddi 13-15 í hálfleik og var fjórum mörkum yfir þegar skammt var til leiksloka. KA menn sýndu hins vegar mikinn karakter og héldu áfram og náðu í stig í leiknum. Þrátt fyrir það verður að segjast að KA liðið á að geta spilað betur og náð sigri en þeir réðu ekki við mjög öflugan leikmann Þórs í leiknum.  

Stelpurnar áttu þrjá leiki, einn á laugardag og tvo á sunnudag. Á laugardeginum var spilað við Fylki. Leikurinn var í járnum framan af og skiptust liðin á að skora. Varnarlega voru stelpurnar langt frá sínu besta og skoraði Fylkir allt of mörg auðveld mörk. Sóknin aftur á móti gekk ágætlega framan af, þrátt fyrir að Fylkir væri að spila mjög grimma framliggjandi vörn.

Á morgun, miðvikudag klukkan 17:15, fer fram stórleikur í KA-Heimilinu en þá mætast KA og Þór í 4. flokki karla í handbolta. Ljóst er að um hörkuleik er að ræða og er fólk eindregið hvatt til að leggja leið sína í KA-Heimilið og sjá alvöru Akureyrarslag. Áfram KA!

Alls voru 12 ungmenni valinn í yngri landslið HSÍ í dag bæði í karla og kvennaflokki. Landsliðin spanna allt frá u-15 ára og upp í u-19 ára. Þetta er glæsilegur árangur hjá þessu handboltafólki en þeir sem fara á landsliðsæfingarnar eru eftifarandi:

/* B-2 mætti Víkingi fyrr í dag í leik á Íslandsmótinu í 4. flokk. Strákarnir áttu fínan dag og unnu öruggan sigur 23-14 eftir að hafa leitt 12-7 í hálfleik. Liðið sýndi oft flotta takta í dag en strákarnir eru nú búnir að leika fjóra leiki í deildinni og vinna þá alla.