Fréttir

Stelpurnar í A liði mættu liði Stjörnunnar á sunnudagsmorgun. Stjarnan hafði fyrir leikinn aðeins tapað einum leik í deildinni og því ljóst að erfiður leikur var í vændum.

Á sunnudag leikur A-lið 4. flokks í undanúrslitum bikarkeppninnar. Strákarnir mæta Stjörnunni í Mýrinni klukkan 15:00 á sunnudag og munu með sigri komast í sjálfa Laugardalshöllina. Um seinustu helgi vann KA þetta sama Stjörnulið 26-21 í KA-Heimilinu. KA-menn í Reykjavík eru hvattir til að mæta á leikinn. B-2 í 4. flokki á svo leik á Húsavík á sunnudag.

Leikurinn gegn Stjörnunni var nokkuð góður heilt yfir. Í byrjun leiks sýndu KA/Þór stelpur góðan leik og börðust vel í vörninni ásamt því að vera ákveðnar í sókninni. Nokkur klaufamistök urðu þó til þess að þegar fyrri hálfleik lauk var staðan jöfn, 13-13.

Síðastliðinn laugardag lék meistaraflokkur KA/Þórs sinn stærsta  leik á tímabilinu en þá spiluðu þær við lið FH í undanúrslitum Eimskipsbikars kvenna. FH stúlkur mættu ákveðnar til leiks og tóku strax öll völd á vellinum.  Mikil taugaspenna var í okkar stúlkum og reynslumikið lið FH nýtti sér aðstæður til hins ítrasta. FH leiddi með 12 mörkum í hálfleik og nokkuð ljóst að draumurinn um að komast í höllina var orðinn ansi fjarlægur.

Rétt í þessu var verið að velja Kolbrúnu Gígju í u-17 ára landslið kvenna. Hún hefur verið að æfa með þeim en nú er búið að velja hana í lokahópinn. Fyrirliggjandi verkefni landsliðsins er keppni í forkeppni EM dagana 6-8 mars. Kolbrún hefur farið mikinn í 4. flokk í vetur ásamt því hafa spilað nokkra leiki með unglinga og meistaraflokk og staðið sig þar með sóma. Við sendum Kolbrúnu til hamingju með þessa viðurkenningu og óskum henni áframhaldandi velfarnaðar í boltanum.

Þar sem þjálfari KA stúlkna var upptekinn þessa helgi út af undanúrslitaleik meistaraflokks var Vilhjálmur Einarsson fenginn til að fara suður með liðinu.  Á laugardeginum mættu stelpurnar Fjölni í Grafarvogi. Eitthvað gekk illa hjá Fjölnisstúlkum að manna liðið og fyrir vikið mættu einungis sex stelpur til leiks hjá Fjölni!

/* 4. flokkur karla lék um helgina í KA-Heimilinu. A-liðið lék gegn toppliði Stjörnunnar og vann þar mjög sannfærandi sigur 26-21 eftir að hafa leitt með fjórum mörkum í hálfleik. B-1 vann Þrótt stórt 31-17 en B-2 beið lægri hlut fyrir Stjörnumönnum 16-17 eftir hörkuleik. A-liðið hefur nú komið spennu í sína deild og er nú einungis 2 stigum á eftir toppliðinu. B-liðin bæði eru líka einum sigurleik á eftir efstu liðum. Það er því alls staðar að fara í gang mjög spennandi og áhugaverð báráttu um efstu sætin í deildunum og skiptir hver leikur gríðarlegu máli þessa stundina.

Öll þrjú lið 4. flokks karla leika um helgina í KA-Heimilinu. Í A-liðum kemur Stjarnan í heimsókn en Stjarnan er á toppi deildarinnar nokkuð á undan öðrum liðum. Ljóst er að til að okkar menn eigi möguleika á að berjast við þá á toppnum þá þarf KA sigur í leiknum. B-liðin bæði eru einnig í toppbaráttu í sínum deildum. B-2 leikur einnig við Stjörnuna sem er sæti neðar en þeir og B-1 spilar við Þrótt. Fólk er eindregið hvatt til að mæta á leikina. Laugardagur: 18:00: KA - Stjarnan (A-lið) Sunnudagur: 10:00: KA2 - Stjarnan (B-lið) 11:00: KA1 - Þróttur (B-lið)

Stelpurnar í meistaraflokki og 3. flokki kvenna fóru suður um liðna helgi. 4 leikir voru á dagskrá, tveir í meistaraflokki og tveir í unglingaflokki. Þar sem margar í meistaraflokk eru einnig gjaldgengar í unglingaflokk var nokkuð ljóst að skipta þurfti leikjunum niður á mannskapinn.

Á laugardaginn verður stærsti leikur tímabilsins í kvennahandboltanum þegar lið KA/Þór tekur á móti úrvalsdeildarliði FH í 4-liða úrslitum Eimskipsbikarsins.  Leikurinn hefst klukkan 16:00 og verður í KA heimilinu.  Það kostar ekkert á leikinn og því ástæða til að hvetja alla til að koma og styðja stelpurnar sem hafa tekið gríðarlegum framförum í vetur.  Skemmst er að minnast þess að á leið sinni í bikarkeppninni sigruðu þær úrvalsdeildarlið Gróttu 22-21 í hörkuleik.