Fréttir

Í dag á vormóti FSÍ í hópfimleikum varð I4 deildarmeistari í 5.flokk.Þær urðu einnig Íslandsmeistarar fyrr í vetur.

Í dag varð FIMAK deildarmeistari í 3.flokki í hópfimleikum.Mix liðið okkar lenti í 3.sæti í opnum flokk.

KA-maðurinn góðkunni, Andrés Vilhjálmsson sem lék með liðinu fyrri hluta tímabilsins í fyrra áður en hann sleit krossbönd gegn Selfossi, fluttist í vetur til Noregs og verður því ekkert með liðinu í sumar, hann mun hins vegar fá annað hlutverk fyrir félagið og verður okkar sérfræðingur fyrir leiki og spáir í spilin. KA mætir ÍR á morgun og hvað segir Andrés um þá viðureign? 

Á morgun rennur stóri dagurinn upp, flautað verður til leiks í 1.deildinni á nýjan leik eftir 8 mánaða hlé. KA- menn ferðast suður í borg óttans og leika gegn ÍR-ingum á ÍR velli klukkan 14:00. Okkar menn hafa æft eins og brjálæðingar síðustu mánuði til að vera tilbúnir fyrir morgundaginn.

Ungverski framherjinn Dávid Disztl er aftur genginn í raðir KA-manna. Hann spilaði með KA sumarið 2009 og aftur sumarið 2010. Fyrra sumarið spilaði hann 22 leiki og skoraði í þeim 18 mörk. Sumarið 2010 kom hann við sögu í 24 leikjum með KA og skoraði 8 mörk.

Á kynningarkvöldi knattspyrnudeildar í gærkvöld var skrifað undir þrjá styrktarsamninga við yngriflokkastarf KA í knattspyrnu. Fyrirtækin sem samið var við að þessu sinni eru Íslensk verðbréf, Norðlenska og Höldur. Fjórða samstarfsfyrirtækið er Brynja ehf. og verður skrifað undir samning við það á næstu dögum. Í fyrra var skrifað undir samstarfssamning yngriflokkastarfsins við Bústólpa.

Það var fullt út úr dyrum á kynningarkvöldi knattspyrnudeildar í KA-heimilinu í gærkvöld þar sem farið var yfir komandi knattspyrnusumri. Greinilegt er að stuðningsmenn KA eru spenntir fyrir sumrinu og ætla ekki að láta sitt eftir liggja til að hjálpa liðinu í baráttunni.

Með 0-1 tapi gegn Georgíu í þriðju og síðustu umferð riðlakeppni Evrópukeppninnar í fótbolta í dag er ljóst að Ísland er úr leik. Íslenska liðinu hefði dugað jafntefli til þess að fara áfram í undanúrslit keppninnar eftir að Þjóðverjar unnu Frakka 3-0 en það voru Georgíumenn sem höfðu sigur. Ævar Ingi Jóhannesson spilaði nær allan leikinn í dag en Fannar Hafsteinsson var á varamannabekknum.

Þar sem veðurspá á sunnudaginn er tvísýn viljum við láta vita af því að farastjórar og bílstjóri rútunnar meta hvort ráðlagt sé að keyra af stað á áætluðum tíma eða bíða veðrið af sér.

Í kvöld klukkan 20.30 blæs knattspyrnudeild KA til kynningar á KA-liðinu sem verður í eldlínunni í sumar og þar viljum við sjá sem allra flesta stuðningsmenn. Kynningin verður í KA-heimilinu.