Fréttir

Það hafa nokkrir haft samband vegna greiðsluseðils sem er á eindaga í dag 7.maí.Þessi krafa er þriðja og síðasta krafan fyrir vorönn 2012.Æfingagjöldum vorannar var skipt upp í 3 greiðslur, sú fyrsta var á eindaga í byrjun febrúar, önnur var á eindaga í byrjun mars og sú þriðja er með eindaga í dag.

Um næstu helgi, 11.-13.maí, verður Vormót FSÍ í hópfimleikum haldið á Egilsstöðum.Það er gaman að segja frá því að frá FIMAK fara 8 lið á mótið og eða um 100 iðkendur.

Íslenska U-17 landsliðið í knattspyrnu með KA-strákana Fannar Hafsteinsson og Ævar Inga Jóhannesson innanborðs mæta Þjóðverjum í öðrum leiknum í úrslitakeppni Evrópumótsins í knattspyrnu á morgun, mánudag. Leikurinn hefst kl. 16.30 að íslenskum tíma og er rétt að vekja athygli á því að hann verður sýndur í beinni útsendingu íþróttarásarinnar Eurosport.

Strákarnir í 2. flokki settu nú rétt í þessu glæsilegan lokapunkt á tímabilið þegar þeir urðu fyrstu Íslandsmeistarar Akureyrar Handboltafélags eftir framlengdan úrslitaleik gegn Fram. Sjá umfjöllun um leikinn.

Mikið fjör var á Greifamóti KA fyrir yngstu krakkana í Boganum í dag. Á fjórða hundrað krakkar skemmtu sér þar konunglega við að elta og sparka í bolta og gleðinni lauk síðan með því að sporðrenna pizzu í KA-heimilinu.

Í dag, laugardag er komið að stóra deginum hjá strákunum í 2. flokki þegar þeir mæta Fram í úrslitaleik um Íslandsmeistaratitilinn. Leikurinn hefst klukkan 15:30 og verður leikið á heimavelli Hauka, Schenker-höllinni. Það er ástæða til að hvetja stuðningsmenn Akureyrar á höfuðborgarsvæðinu til að fjölmenna í Hafnarfjörðinn í dag og standa með strákunum í baráttunni.

Íslenska U-17 piltalandsliðið í knattspyrnu gerði í kvöld jafntefli við sterkt lið Frakka í fyrsta leik liðanna í úrslitakeppni Evrópumótsins í Slóveníu. Íslendingar lentu undir 0-2 en með miklu harðfylgi og baráttu í seinni hálfleik skoruðu þeir tvö mörk og uppskáru eitt stig. Fannar Hafsteinsson varði mark Íslands í leiknum í kvöld og greip oft gríðarlega vel inn í og Ævar Ingi Jóhannesson, sem var á vinstri kantinum, spilaði allan leikinn af þeim krafti og ódrepandi baráttuvilja sem er einkennandi fyrir hann.

Nú eru aðeins átta dagar í að flautað verði til fyrsta leiks KA í 1. deildinni, þegar við heimsækjum ÍR-inga suður yfir heiðar. Í aðdraganda knattspyrnusumarsins blæs knattspyrnudeild til kynningarkvölds í KA-heimilinu nk. fimmtudagskvöld, 10. maí, kl. 20.30

Jóhann Helgason, oft kenndur við Sílastaði, gekk í raðir KA á nýjan leik nú í október eftir að hafa spilað hjá Grindavík frá 2006. Hann er uppalinn hjá KA og hefur leikið 51 leik í deild og bikar fyrir félagið en það var frá 2002 til 2005. Það má segja að Jóhann sé hvalreki á strendur KA en leikmaðurinn er gífurlega reynslumikill, með 122 leiki í meistaraflokki og á örugglega eftir að reynast KA vel í sumar.

KA-strákarnir Fannar Hafsteinsson (markmaður) og Ævar Ingi Jóhannesson (vinstri kantur) verða báðir í byrjunarliði Íslands sem mætir Frökkum í fyrsta leik úrslitakeppni Evrópumótsins í knattspyrnu í Slóveníu í dag. Leikurinn hefst kl. 18.30 að íslenskum tíma og verður unnt að fylgjast með textalýsingu af leiknum á vefsíðunni http://www.uefa.com/. KA sendir þeim Fannari og Ævari Inga og öllu íslenska liðinu barátttukveðjur fyrir leikinn í kvöld. Áfram Ísland!