Fréttir

Á morgun rennur stóri dagurinn upp, flautað verður til leiks í 1.deildinni á nýjan leik eftir 8 mánaða hlé. KA- menn ferðast suður í borg óttans og leika gegn ÍR-ingum á ÍR velli klukkan 14:00. Okkar menn hafa æft eins og brjálæðingar síðustu mánuði til að vera tilbúnir fyrir morgundaginn.

Ungverski framherjinn Dávid Disztl er aftur genginn í raðir KA-manna. Hann spilaði með KA sumarið 2009 og aftur sumarið 2010. Fyrra sumarið spilaði hann 22 leiki og skoraði í þeim 18 mörk. Sumarið 2010 kom hann við sögu í 24 leikjum með KA og skoraði 8 mörk.

Á kynningarkvöldi knattspyrnudeildar í gærkvöld var skrifað undir þrjá styrktarsamninga við yngriflokkastarf KA í knattspyrnu. Fyrirtækin sem samið var við að þessu sinni eru Íslensk verðbréf, Norðlenska og Höldur. Fjórða samstarfsfyrirtækið er Brynja ehf. og verður skrifað undir samning við það á næstu dögum. Í fyrra var skrifað undir samstarfssamning yngriflokkastarfsins við Bústólpa.

Það var fullt út úr dyrum á kynningarkvöldi knattspyrnudeildar í KA-heimilinu í gærkvöld þar sem farið var yfir komandi knattspyrnusumri. Greinilegt er að stuðningsmenn KA eru spenntir fyrir sumrinu og ætla ekki að láta sitt eftir liggja til að hjálpa liðinu í baráttunni.

Með 0-1 tapi gegn Georgíu í þriðju og síðustu umferð riðlakeppni Evrópukeppninnar í fótbolta í dag er ljóst að Ísland er úr leik. Íslenska liðinu hefði dugað jafntefli til þess að fara áfram í undanúrslit keppninnar eftir að Þjóðverjar unnu Frakka 3-0 en það voru Georgíumenn sem höfðu sigur. Ævar Ingi Jóhannesson spilaði nær allan leikinn í dag en Fannar Hafsteinsson var á varamannabekknum.

Þar sem veðurspá á sunnudaginn er tvísýn viljum við láta vita af því að farastjórar og bílstjóri rútunnar meta hvort ráðlagt sé að keyra af stað á áætluðum tíma eða bíða veðrið af sér.

Í kvöld klukkan 20.30 blæs knattspyrnudeild KA til kynningar á KA-liðinu sem verður í eldlínunni í sumar og þar viljum við sjá sem allra flesta stuðningsmenn. Kynningin verður í KA-heimilinu.

KA hefur samið við enska vinstri bakvörðinn Darren Lough, sem er 23ja ára gamall og spilaði með unglingaliðum og varaliði úrvalsdeildarliðsins Newcastle. Hann kom einnig við sögu í æfingaleikjum aðalliðsins. Í vetur hefur hann spilað með utandeildarliðinu Ashington. Darren er nú þegar kominn með keppnisleyfi með KA og því löglegur í fyrsta leik KA-liðsins í 1. deildinni nk. laugardag gegn ÍR-ingum.

Nú eru aðeins tveir dagar í mót og þá birtist síðasti hlutinn þar sem KA-menn spá í spilin fyrir sumarið. Í þetta skipti eru sex spámenn og hægt að segja að um er að ræða algjörar kanónur! Fyrstan má nefna Jón Óðinn Waage eða Óda Júdó eins og hann er alltaf kallaður hann þarf ekkert að kynna frekar en mann númer tvö, legöndið Þorvald Makan, næstur kemur svo Gunnar Þórir Björnssonm, harður stuðningsmaður, því næst Ragnar Heiðar Sigtrygsson, sem situr í svokallaðari vallarnefnd hjá félaginu þá er röðin komin að Sigga Gunnars, útvarps-, sjónvarps og Derby mann,i og að lokum er það svo Davíð Már Kristinsson, harður KA- maður.

Hér má finna allar upplýsingar fyrir hópana sem fara til Egilsstaða á föstudaginn.Brottför er kl.16.00 frá íþróttamiðstöðinni við Giljaskóla.