Fréttir

KA spilaði æfingaleik við Dalvík/Reyni í boganum í gær og gengu okkar menn yfir Dalvíkinga. Dan Howell kaninn sem er á reynslu skoraði tvö mörk, þá skoruðu þeir Jakob Hafsteinsson, Guðmundur Óli og Haukur Heiðar sitt markið hvert. Dalvíkingar kláruðu svo leikinn með sjálfsmarki

Á fimmtudaginn verður einn af stóru leikjum N1 deildarinnar þegar stórveldið Haukar úr Hafnarfirði mæta til leiks í Íþróttahöllinni. Í gegnum tíðina hafa Haukar verið einn erfiðasti mótherji Akureyrarliðsins og þá sérstaklega hér á heimavelli. Þegar liðin mættust í Íþróttahöllinni þann 22. október síðastliðinn tókst Akureyri reyndar í fyrsta sinn í sögunni að leggja Haukana að velli og þar með er búið að sýna fram á að slíkt er vel hægt.

Mfl karla varði í gær bikarmeistaratitil sinn í blaki þegar liðið lagði Stjörnuna í úrslitaleik í Lagardagshöll.

Vegna fráfalls Steindórs Gunnarssonar hefur herrakvöldi knattspyrnudeildar KA, sem vera átti þann 1. apríl nk., verið frestað um óákveðinn tíma. Ný dagsetning verður gefin upp síðar hér á heimasíðunni.

Steindór Gunnarsson, einn af dyggustu félagsmönnum Knattspyrnufélags Akureyrar, lést á Kanaríeyjum aðfararnótt 19. mars á 64. aldursári. Steindór Gunnarsson fæddist 30. mars 1947. Alla tíð vann hann gríðarlegt starf fyrir KA, sem ekki var alltaf sýnilegt.

Það var eins stigs hiti í Akraneshöllinni í dag þegar KA-menn mættu Selfyssingum og stuðningsmenn KA í töluverðum meirihluta í stúkunni þar sem 4. flokkur kvenna hjá KA átti leik í höllinni síðar um daginn og mættu stelpurnar á völlinn til að styðja sína menn. Samkvæmt leikskýrslu var reyndar 51 áhorfandi í húsinu en til að ná þeirri tölu þyrfti líklega að telja með varamenn, þjálfara, liðsstjóra og sjúkraþjálfara beggja liða. Hugsanlega dómaratríóið líka.

KA heldur á morgun suður fyrir heiðar, nánar tiltekið til Akraness. Þar munu taka á móti okkur liðsmenn Loga Ólafssonar í Selfossi, leikurinn fer fram í frystikistu Íslands, Akraneshöllinni og verður flautaður á klukkan 15:00 og eru allir KA menn með boðsmiða að vanda.

Herrakvöld knattspyrnudeildar KA verður haldið á Hótel KEA föstudagskvöldið 1. apríl. Algjör skyldumæting dyggra unnenda knattspyrnunnar í KA er á herrakvöldið og óhætt er að segja að þeir verði ekki sviknir af góðum mat og góðri skemmtun. Á þessu stigi málsins eru allir sem vettlingi geta valdið beðnir að taka kvöldið frá og vinsamlegast skipuleggja ekki annað að kvöldi 1. apríl (þetta er ekki aprílgabb).

Dagana 25.- 26.mars fer fram Akureyrarfjör hjá Fimleikafélaginu.Þetta er innanfélagsmót þar allir iðkendur sem æfa á virkum dögum taka þátt.Á föstudeginum eru það A-hópar, yngri F-hópar (þeir hópar sem ekki hafa farið suður á mót í vetur) og yngri K-hópar (þeir hópar sem ekki hafa farið suður að keppa í vetur).

Greifamót 4.flokks karla verður haldið um helgina, spilað er í A og B liðum og eru 16 lið skráð til leiks frá 8 félögum.