Fréttir

KA fékk vesturbæjarstórveldið KR í heimsókn sl. föstudagskvöld. Ljóst var að leikurinn yrði erfiður fyrir KA- menn enda eru KR-ingar virkilega vel mannaðir með menn eins og Bjarna Guðjónsson og Baldur Sigurðsson, svo tveir af mörgum öflugum liðsmönnum KR séu nefndir.

Lára Einarsdóttir er nú stödd með U-17 landsliðinu í Póllandi þar sem spilaður er milliriðill í Evrópukeppni landsliða. Eftir tvo 2-0 sigra gegn Englandi og Póllandi er ljóst að Ísland er komið í undanúrslit. Undanúrslitin og úrslitin fara fram í Sviss í lok júlí.

Sænskur miðvörður að nafni Boris Lumbana frá sænska úrvalsdeildarfélaginu Örebro verður á reynslu hjá KA næstu daga. Lumbana er væntanlegur til landsins í dag og tekur að óbreyttu þátt í æfingu hjá KA á morgun, þriðjudag.

Um helgina fór fram heil umferð á Íslandsmótinu hjá 5. flokki karla. Það voru KA og Þór sem önnuðust þessa umferð og var leikið í KA heimilinu og Íþróttahúsi Síðuskóla. Smelltu hér til að skoða allar upplýsingar, leikjaskipulag og úrslit leikja og ljósmyndir.

Til er það fólk, því miður, sem þrífst á því að skemma eigur annarra og er einskis svifist í þeim efnum. Dæmi um þetta blasti við fólki í KA-heimilinu í morgun, sunnudag, þegar litið var yfir þann hluta KA-vallarins sem í daglegu tali kallast Wembley og er sunnan KA-heimilisins.

Úrslitin hefjast á morgun kl. 19:30 þegar meistarar KA taka á móti HK í KA-heimilinu á morgun.

Nú ætlum við að fara af stað með nýjung hérna á ka-sport.is. Liðurinn heitir "Mynd vikunnar",. Viljum við leita til allra KA-manna, sem eigið einhverjar flottar, skrítnar, fyndnar eða skondnar KA-myndir að senda okkur þær með texta þar sem komi eitthvað fram um viðkomandi mynd, hverjir eru á henni og hvenær hún er tekin. Þessi liður mun birtast hér á síðunni á föstudögum.

KA og Þróttur léku annan leik sinn í úrslitakeppni Mikasa-deildarinnar í kvöld. Þróttur hafði yfirburði í fyrstu tveimur hrinunum og vann þær 13-25 og 11-25. Síðasta hrinan virtist ætla að vera á sömu nótum en í henni hrukku KA-stelpurnar allt í einu í gang og skoruðu hvert stigið á fætur öðru með Auði Önnu í fararbroddi. KA jafnaði loks 23-23 og komst svo yfir 24-23. Eftir æsilegan lokakafla þer sem hjólhestaspyrna Birnu Bald var hápunkturinn náðu Þróttarar loks að innbyrða sigur 26-28. KA-liðið er nú komið í sumarfrí en Þróttur fer í úrslit um íslandsmeistaratitilinn.  

KA tryggði sig í gær í úrslit um Íslandsmeistaratitilinn í blaki karla og þar með getur liðið unnið þrefalt í ár því nú þegar eru komnir í hús bæði deildarmeistara- og bikarameistaratitillinn.

Heimasíðan náði á Gulla þjálfara KA fyrir leikinn á morgun gegn KR.  Nokkra sterka leikmenn vantar í lið KA, þar á meðal þremenningana Hafþór Þrastarson, sem er í Portúgal með FH, Andrés Vilhjálmsson, sem er í fríi og Dan Howell, sem er farinn til Bandaríkjanna.