Fréttir

Á fundi framkvæmdastjórnar Þórs í dag var beiðni knattspyrnudeildar KA um að fá að leika fyrsta heimaleik okkar á Þórsvellinum hafnað. Ástæður sem gefnar eru að völlurinn sé ekki í nógu góðu ásigkomulagi og veðurspá næstu daga sé ekki hagstæð. Í ljósi þessarar niðurstöðu hefur knattspyrnudeild KA nú þegar óskað eftir því við KSÍ að leikurinn fari fram í Boganum nk. föstudagskvöld kl. 19.00. Beðið er ákvörðunar KSÍ í málinu.

Fimmtudaginn 19/5 kl. 18:00 verður lokahóf yngri flokka handboltans haldið í KA heimilinu.  Veittar verða viðurkenningar, farið í leiki og endað á pizzuveislu.  Allir iðkendur eru hvattir til að mæta og foreldrar og systkini velkomin með. Æfingar hjá yngstu krökkunum hætta eftir lokahóf en eldri flokkar halda áfram í samráði við þjálfara. Sjáumst hress í KA heimilinu! Unglingaráð handknattleiksdeildar KA

Þá er komið að næsta manni á dagskrá en það er KA-goðsögnin Þorvaldur Makan Sigbjörnsson, mæli með því að allir lesi þennan pistil frá Makan.

Vormótið gékk frábærlega og allir sem komu að því voru til fyrirmyndar.Hér koma úrslit frá Vormóti FSÍ sem haldið var á Akureyri.

Stelpurnar í Þór/KA léku sinn fyrsta leik á Íslandsmótinu í gær laugardag. Stelpurnar guldu afhroð í leiknum en ÍBV sigraði með 5 mörkum gegn engu. Í samtali við thorsport.is viðurkenndi Viðar Sigurjónsson að þessi úrslit væru niðurlæging.  Hann benti þó á að liðið hafi verið meira með boltann, fengið mun fleiri hornspyrnur og að leikmönnum ÍBV hafi nokkrum sinnum tekist að bjarga á línu. 

Það var mikil tilhlökkun í þeim gulu og bláu fyrir deginum í dag enda tæplega sjö mánaða undirbúningstímabili lokið og loksins átti að byrja Íslandsmótið á leik gegn Leikni. KA-menn fengu verðugt verkefni í fyrsta leik en andstæðingarnir úr Breiðholtinu voru hársbreidd frá því að komast upp í úrvalsdeild síðasta haust og er þeim spáð töluvert betra gengi en KA í sumar.

KA gerði markalaust jafntefli gegn Leikni fyrr í kvöld. Heimasíðan heyrði í manninum í brúnni eftir leik, sem var sáttur með stig á erfiðum útivelli. “Heilt yfir var ég sáttur með spilamennskuna, við vorum betri aðilinn í fyrri hálfleik og áttum klárlega að skora þá,” sagði Gulli og hélt áfram: “Í þeim síðari, komust Leiknismenn betur inn í leikinn og áttu þá hættulegar sóknir. En ég held að þetta hafi verið sanngjarnt.” 

Knattspyrnudeild KA hefur endurnýjað samstarfssamning við Landsbankann til tveggja ára og var skrifað undir hann í Landsbankahúsinu á Akureyri sl. miðvikudag.

Knattspyrnudeild KA hefur gert samstarfssamning við Flugfélag Íslands, sem er deildinni afar mikilvægur.

KA-menn ganga inn á Leiknisvöll kl. 20.00 í kvöld í splunkunýjum treyjum, sem raunar eru sáralítið öðruvísi en treyjurnar á síðasta keppnistímabili, en merki tveggja nýrra stuðningsaðila hafa þó bæst við á ermarnar.