Fréttir

Fyrir rúmri viku léku KA-menn æfingaleik gegn Tindastól í Boganum sem lauk með 8-1 sigri þeirra gulklæddu.

Þrír leikmenn frá KA hafa verið boðaðir á landsliðsæfingar um helgina. Andri Fannar og Haukur Heiðar æfa með U19 og Ómar Friðriksson æfir með U17.

Mjög góð reynsla hefur fengist af því verkefni sem kallað hefur verið “KA-sérþjálfun” og yngriflokkastarf KA í knattspyrnu stendur fyrir. Fyrsti vísir að þessu verkefni var sumarið 2007 þegar efnt var til morgunæfinga fyrir nokkra valda stráka í 3. og 4. aldursflokki. Æfingarnar voru viðbót við hefðbundnar æfingar í viðkomandi flokkum. Árangurinn af þessum æfingum var mjög góður og ákvað yngriflokkaráð að þróa þær áfram.

Fyrirhuguð er ferð til Reykjavíkur 13.-15. mars á Íslandsmót 6. flokks. Mótið fer fram í Framhúsinu í Safamýri og gist verður á keppnisstað. Lagt verður af stað um kaffileytið föstudaginn 13. mars en heimkoma ræðst af gengi liðanna á mótinu. Unglingaráð greiðir niður ferðina og þ.a.l. verður kostnaður drengjanna 3.000 krónur. Þeir drengir sem ekki fara á mótið eru vinsamlega beðnir um að tilkynna það sem fyrst. Nánari upplýsingar koma á heimasíðu KA og með miða mánudaginn 9. mars. Þeir foreldrar sem vilja fara sem fararstjórar vinsamlega hafið samband við undirritaðan. Jóhannes G .Bjarnason s. 662-3200

Ómar Friðriksson hefur verið boðaður á æfingar hjá U17 ára landsliði karla sem fram fara um helgina.

Föstudagskvöldið 27. febrúar fer af stað hópleikur í getraunum í KA-Heimilinu. Leikurinn mun standa næstu sex vikur og sigurvegarar/inn hljóta vinning sem gleður! Opið er fyrir tipp í KA - Heimilinu á föstudagskvöldum frá 20:00 - 21:30 þar sem að menn geta spjallað saman og spáð í spilin og freistað þess að auðgast verulega, enda veitir ekki af á þessum síðustu og verstu. Rétt er að geta þess að með því að tippa í KA - Heimilinu styrkir þú einnig knattspyrnudeildina og því er þetta kjörið tækifæri fyrir þá sem vilja að efla það góða starf sem þar er unnið. Munið! KA - Heimilið - föstudagskvöld kl 20:00 - 21:30 - Hópleikur í getraunum með glæsilegum vinningum!

Eftir mikil vonbrigði síðastliðinn sunnudag sýndi A-lið 4. flokks svo um munar hvað í þá er spunnið. Liðið mætti Þór í gær í Síðuskóla. KA vann öruggan 8 marka sigur 34-42 í 50 mínútna handboltaleik eftir að hafa leitt 17-24 í hálfleik. KA lék mjög óhefðbundin handknattleik í leiknum og komu Þórsurum algjörlega úr jafnvægi með leik sínum.  KA-menn geta þakkað sigrinum það að allir 9 leikmenn sem voru á leikskýrslu voru klárir til leiks og allir skiluðu þeir, hvort sem það var í vörn eða sókn. Liðsheildin á þennan sigur 100%.

4. flokkur kvenna vann í dag öruggan sigur á Víkingum. Það er ekki hægt að segja að leikurinn hafi verið mikið fyrir augað en stelpurnar gerðu það sem þurfti til að klára leikinn og unnu að lokum 12 marka sigur 24-12.

Á morgun mætast KA og Tindastóll í æfingaleik í Boganum. Leikurinn hefst kl. 18:15.

Rétt er að benda á að æfingar hjá 6. flokki drengja eru með óbreyttum hætti þrátt fyrir vetrarfrí í skólum. Einnig er því komið á framfæri að hafinn er undirbúningur vegna suðurferðar strákanna 13.-15. mars næstkomandi og eru þeir foreldrar sem hafa áhuga á að koma sem fararstjórar beðnir um að hafa samband við Jóhannes Bjarnason þjálfara í síma: 662 3200.