Fréttir

Á morgun sunnudag leikur eitt liða 4. flokks karla, B-2, við Víking. Leikurinn fer fram klukkan 10:00 í KA-Heimilinu og er fólk eindregið hvatt til að mæta á leikinn. Á miðvikudaginn næsta verður svo stórleikur í 4. flokk þegar Þór kemur í heimsókn og spilar við A-lið KA. Sá leikur er klukkan 17:15 á miðvikudeginum.

Svokallað kyu-mót fer fram í júdósalnum í KA-heimilinu laugardaginn 22. nóvember n.k.  Á kyu-mótum mega aðeins keppa þeir sem eru með lægri gráðu (belti) en 1. kyu (brúnt belti).  Keppendur á mótinu verða rúmlega 60 og koma frá öllum félögum á landinu.  Mótið hefst kl. 10:00.

Athugið að laugardagsæfingin fellur niður um þessa helgi en í staðinn verður æfing á sunnudaginn klukkan 12:30. Sú æfing verður 1,5 klukkustund þannig að við æfum frá klukkan 12:30 - 14:00. Kveðja Jóhannes Bjarnason

Karen Birna Þorvaldsdóttir og Helena Jónsdóttir hafa verið boðaðar á landsliðsæfingar aðra helgina í röð í sínum aldursflokki.

Það verður líf og fjör á æfingum í yngri flokkum KA nk. laugardag, 22. nóvember.  Ólafur Jóhannesson, landsliðsþjálfari karla, mætir á svæðið og stýrir æfingum í karlaflokkunum og landsliðskonurnar Ásta Árnadóttir, leikmaður Vals, og Rakel Hönnudóttir, leikmaður Þórs/KA, stýra æfingum í kvennaflokkunum.

Leikurinn sem var fyrirhugaður gegn ÍA á laugardagsmorgun féll niður þar sem strákarnir komust ekki suður vegna ófærðar.

Stelpurnar í 4. flokk kvenna fóru suður um liðna helgi. Fyrir lágu fjórir leikir, tveir hjá A liði og tveir hjá B liði. A-liðið spilaði gegn Víking á laugardegi og Stjörnunni á sunnudegi. Helsti höfuðverkur þessara stúlkna hingað til er hversu litla trú þær hafa á sjálfum sér. Við minnsta mótlæti hafa þær brotnað og kastað frá sér sigrum í leikjum sem þær ættu að vinna.

Öll þrjú lið 4. flokks fóru suður um helgina og léku allt í allt sjö leiki. Liðunum gekk misjafnlega en það voru bæði B-liðin sem báru af um helgina en leikmenn þeirra liða mættu virkilega klárir í þessa helgi, lögðu sig alla fram og höfðu gaman af því að spila. 5 leikir unnust af 7 að þessu sinni.

KA-menn eru nú á toppnum í blakinu eftir tvo góða sigra á Stjörnunni um helgina. Á föstudagskvöld vann KA nokkuð öruggan 3-1 sigur og í dag endurtóku þeir leikinn þótt sigurinn hafi verið mun torsóttari.

KA-menn og Stjarnan áttust við í kvöld og fóru KA-menn með nokkuð öruggan sigur af hólmi 3-1. Hrinurnar enduðu (25-22, 23-25, 25-16, 25-18).Stigahæstir hjá KA voru Piotr með 24 stig og Hafsteinn skoraði 12 stig þar af 5 blokkir. Strákarnir eiga svo aftur að spila við Stjörnuna á morgun og vonumst við að sem flestir leggji leið sína í KA-heimilið og styðji strákana.