Komnir í úrslit!

Sigri fagnað í kvöld! Mynd: Harpa

KA tók á móti Stjörnunni í undanúrslitum til Íslandsmeistara í kvöld. KA menn sigruðu 3 - 0 (25-19, 25-22, 25-19) í skemmtilegum leik og tryggðu sig þar með inn í úrslitin. Stigahæstu menn hjá KA voru Piotr Kempisty með 24 stig, Marteinn Möller með 11 og Ævarr Freyr Birgisson með 10. Hjá Stjörnunni voru það Alexander Stefánsson með 14 stig, Róbert Karl Hlöðversson með 7 og Benedikt Baldur Tryggvason með 4.

Í úrslitakeppninni sem hefst mánudaginn 18. apríl mæta KA menn HK. HK lagði Þrótt Nes 3 - 0 í báðum undanúrslitaleikjunum. Það verða því bikarmeistararnir og deildarmeistararnir sem mætast í úrslitum og má búast við hörkuleikjum. HK á heimaleikjaréttinn og verður því fyrsti leikur í Fagralundi.