Strákarnir töpuðu fyrir Þrótti Nes.

Úr leik KA og Þróttar Nes

Þróttur Nes sigraði karlalið KA 3-1 í leik liðanna á laugardaginn. Fyrsta hrinan var mjög spennandi og jöfn upp í 8-8 þá tóku Þróttarar forystuna og komust í 15-11, KA jafnaði 19-19 og komst yfir 22-20 en Þróttarar kláruðu hrinuna og unnu 25-23. Önnur hrinan var jöfn framan af svo tók KA forystuna en Þróttarar náðu að jafna 15-15 og létu forystuna ekki af hendi eftir það og unnu hrinuna 25-20. Þriðja hrinan var í járnum upp í 7-7 en þá komst KA yfir og kláraði hrinuna 25-15. Fjórða hrinan var jöfn og spennandi upp í 23-23 en þá meiddist Valþór Ingi sem kom sér afar illa fyrir KA. Ekki virtust reglur um skiptingu leikmanna á hreinu í tilvikum sem þessu sem varð til þess að KA menn máttu ekki skipta Filip inn á í stað Valþórs og höfðu því ekki uppspilara í lok hrinunnar. Þróttur Nes nældu því auðveldlega í tvö síðustu stigin og vann hrinuna 25-23 og leikinn 1-3. Að leik loknum kom í ljós að KA menn hefðu mátt skipta Filip inn á vegna meiðsla Valþórs sem hefði getað haft áhrif á úrslit leiksins.

Stigahæstir í liði KA voru Piotr Kempisty með 33 stig og Hrystiyan Dimitrov með 11 stig. Stigahæstir í liði Þróttar Nes voru Matthías Haraldsson með 15 stig og Valgeir Valgeirsson með 14 stig.