Fréttir

Valinn hefur verið 14 manna lokahópur U-17 landsliðs Íslands í handbolta sem mun fara fyrir Íslands hönd á Ólympíuleika æskunnar í Finnlandi en leikarnir fara fram í júlí. Tveir KA-menn eru í lokahópnum og heita þeir Ásgeir Jóhann Kristinsson og Guðmundur Hólmar Helgason. Drengirnir voru á yngra ári í 3. flokki í vetur en léku þó einnig báðir með 2. flokki hjá Akureyri Handboltafélagi, Guðmundur t.d. byrjaði úrslitaleikinn gegn FH. Þá var Ásgeir í hóp hjá meistaraflokki eitt sinn í vetur. Til hamingju strákar og gangi ykkur vel!

Þrír KA-menn hafa verið valdir í landsliðshóp U-15 ára í handbolta. Sá hópur mun æfa saman í lok maí. Drengirnir frá KA eru: Daníel Matthíasson (línumaður), Finnur Heimisson (leikstjórnandi) og Kristján Már Sigurbjörnssson (hægri skytta). Allir eru þeir á yngra ári í 4. flokki. Við óskum þeim að sjálfsögðu innilega til hamingju með valið.

Lokahóf yngri flokka Handknattleiksdeildar KA fer fram í KA-heimilinu miðvikudaginn 20. maí kl. 18:00. Farið verður í ýmsa leiki og þrautir leystar undir leiðsögn Einvarðs Jóhannssonar þjálfara.

Núna á dögunum var valinn landsliðshópur U-17 í handbolta en sá hópur mun æfa um helgina. Alls voru fjórir KA-menn valdir í hópinn. Það eru þeir Ásgeir Jóhann Kristinsson (skytta), Guðmundur Hólmar Helgason (skytta og miðjumaður), Gunnar Bjarki Ólafsson (markvörður) og Sigþór Árni Heimisson (horna- og miðjumaður). Þetta er glæsilegt afrek fyrir drengina að vera valdir í þennan hóp en þessir fjórir hafa verið í hverjum einasta hóp síðan fyrst var farið að velja landsliðshópa fyrir þennan árgang. Við óskum þeim innilega til hamingju með valið en athygli vekur þó að ekki séu fleiri frá KA í þessum hóp því að auki þessum eru svo sannarlega einstaklingar sem eiga heima þarna

Ekki verða fleiri laugardagsæfingar hjá strákunum en mánudags- og fimmtudagsæfingarnar halda áfram til mánaðarmóta. Minnum á að lokahóf yngri flokka handboltans verður miðvikudaginn 20. maí en nánar verður fjallað um það hér á síðunni fljótlega.

KA/Þór lék sinn síðasta leik á tímabilinu á laugardag gegn Víkingi.  Þetta var lokaleikur í úrslitakeppni 2.deildar. Víkingar sigruðu í leiknum 26-25 eftir að staðan í hálfleik var 15-14 fyrir Víking.  Markahæstar í liði KA/Þórs voru Arna Erlingsdóttir með 8 mörk og Emma Sardarsdóttir með 6 mörk. Nú taka við þrek og kraftæfingar hjá stelpunum fram að sumarfríi í júní. Stefnan er svo sett á að æfingar hefjist um miðjan júlí og að æfa af krafti til að taka þátt í efstu deild á næsta vetri.

Á laugardaginn er komið að stærsta leik ársins í kvennaboltanum. KA/Þór og Víkingur leika þá til úrslita í 2. deild kvenna og er þetta jafnframt lokaleikur kvennahandboltans í ár.  Leikurinn fer fram á Blönduósi og hefst klukkan 13:00 á laugardaginn. Það er því tilvalið að skreppa í bíltúr á Blönduós, sjá skemmtilegan handbolta og hvetja stelpurnar til sigurs.

Hér koma tímasetningar fyrir dómara og tímaverði á 6. flokks mótinu í KA-Heimilinu um helgina.

Það verður stórleikur í KA heimilinu á fimmtudaginn þegar KA/Þór mæta FH í undanúrslitum 2. deildar kvenna í handbolta. Leikurinn hefst klukkan 18:30 og hvetjum við alla stuðningsmenn til að fjölmenna.

Aukaæfing á morgun, þriðjudaginn 28. apríl klukkan 16:00 í KA heimilinu hjá strákunum í 6. flokki. Kveðja Jóhannes Bjarnason