Fréttir

Það hefur væntanlega ekki farið fram hjá neinum að mikið stendur til um næstu helgi en þá fer fram 2. umferð Íslandsmóts eldra árs. Jafnframt hefur verið valið eitt lið leikmanna af yngra ári til þátttöku til að jafna út riðla á mótinu. Nú liggur fyrir lokaniðurröðun leikja á mótinu og eru foreldrar beðnir um að kynna sér dagskrána vel. Eins og fram kom á foreldrafundi sl. mánudagskvöld munu drengirnir taka virkari þátt í mótinu en áður þegar spilað hefur verið hér á heimavelli. Okkar drengir mega fara í kvöldverð bæði kvöldin, fá frítt í sund og að sjálfsögðu mæta þeir á kvöldvöku á laugardagkvöldið.

Foreldrar  krakka í 5. flokki  sem eru að fara til Vestmannaeyja næstkomandi helgi, eru beðnir um að greiða kostnaðinn við ferðina kr. 11.000 inn á banka 0162-05-63299 kt. 450902-2680 og setja kennitölu barns í skýringu. Kveðja, Unglingaráð

KA/Þór sótti stig í Kópavoginn í dag þegar stelpurnar léku gegn HK en liðin skildu jöfn, 26:26, í N1 deild kvenna í Digranesinu í dag. Ásdís Sigurðardóttir 7, Anna Valgerður Erlingsdóttir 6, Emma Sardarsdóttir 4, Martha Hermannsdóttir 4, Guðrún Tryggvadóttir 3, Katrín Viðarsdóttir 2

Næsti leikur meistaraflokks KA/Þór er á útileikur gegn HK og fer hann fram í Digranesi klukkan 14:00 á laugardaginn. KA/Þór gerði góða ferð suður um síðustu helgi þegar þær sigruðu Víkinga og náðu þar með í tvö góð stig. Nú ætla stelpurnar að fylgja þeim árangri eftir, vissulega má reikna með erfiðari leik en KA/Þór liðið hefur verið mjög vaxandi í síðustu leikjum. Tveir sigurleikir í röð gefa þeim góðan byr í seglin.

Næstkomandi mánudag 23. nóvember kl. 18:00 verður fundur í KA heimilinu fyrir foreldra bæði stráka og stelpna sem keppa á 6. flokks mótinu  hjá KA helgina 27.-29. nóv. Rætt verður fyrirkomulag og vinna á mótinu, miklvægt er að hver keppandi eigi fulltrúa á fundinum. Kveðja - Þjálfarar og Unglingaráð

Foreldrar/forráðamenn Næstkomandi þriðjudag 24/11 kl. 18:00 verður foreldra fundur vegna Partille ferðar 4. flokks karla og kvenna í KA heimilinu.  Við erum búin að fá tvö  verðtilboð í ferðina og tímasetningar  og nú þurfum við að ákveða framhaldið.  Mjög miklvægt er að öll börn í flokknum eigi fulltrúa á fundinum því við þurfum að ganga frá pöntun sem fyrst.  Á  fundinum verður einnig rætt um áframhaldandi fjáröflun fyrir ferðina. Með von um að sjá sem flesta. Partille nefndin

Stelpurnar í KA/Þór fylgdu eftir góðum sigri á Víkingum í Eimskipsbikarnum þegar liðin mættust í N1-deildinni í gær. Leikurinn fór fram í Víkinni og var ljóst í fyrri hálfleik að KA/Þór stelpurnar voru komnar til að sækja bæði stigin. Eftir fyrri hálfleik munaði sjö mörkum á liðinum, staðan 17-10 okkar stelpum í vil. Í seinni hálfleik var meira jafnræði með liðunum og hélst munurinn áfram þannig að þegar upp var staðið var sjö marka sigur í höfn 29:22.

4. flokkur kvenna lék sinn annan leik á tímabilinu klukkan 09:00 á  sunnudagsmorgunn. Um síðustu helgi steinlá liðið heima fyrir Víking í  afskaplega döprum leik. Í þeim leik voru stelpurnar engan veginn  tilbúnar í kollinum til að spila handbolta og var sett sú krafa á þær  fyrir þennan leik að mæta klárar.

Það er nóg að gera í handboltanum þessa dagana. Sigurleikur gegn Stjörnunni í gær eftir rafmagnaðar lokasekúndur. Á sunnudaginn verður sannkallaður risaslagur í Eimskipsbikarnum þegar Akureyri tekur á móti FH í Íþróttahöllinni klukkan 16:00. Akureyringar fá nú kærkomið tækifæri til að hefna fyrir deildarleikinn á dögunum þegar FH-ingar flugu suður með 2 stig úr Höllinni.

Það var skemmtileg stemming í KA heimilinu í dag þegar KA/Þór lék sinn fyrsta bikarleik á tímabilinu. Andstæðingarnir voru úrvalsdeildarlið Víkings. Fyrirfram áttu menn von á spennandi leik þar sem jafnt er komið með liðunum sem sitja án stiga á botni N1-deildarinnar.