Fréttir

Hér á eftir fara nýjar upplýsingar varðandi ferðatilhögun 6. flokks til Vestmannaeyja.

Stelpurnar í KA/Þór fóru suður um helgina til að keppa í undanúrslitum Íslandsmótsins. Mótherjarnir voru lið Stjörnustelpur sem enduðu í 2. sæti í deildinni en KA/Þór stúlkur enduðu í 3. sæti. Framan af leik var jafnt á öllum tölum en um miðbik fyrri hálfleiks fór allt í baklás hjá norðanstúlkum.

3. flokkur KA/Þór leikur um helgina í úrslitakeppni um Íslandsmeistaratitilinn.  Liðið leikur á laugardag kl. 13:00 við Stjörnuna í undanúrslitum og síðan á sunnudag annað hvort um 3. sætið eða 1. sætið.  Allir leikirnir fara fram í Víkinni. Komið og hvetjið stelpurnar ef þið eruð stödd á höfuðborgarsvæðinu.

Stelpurnar í 5. flokki fóru í síðasta mót vetrarins núna um helgina sem leið. Sama keppnisfyrirkomulag var á þessu móti og öðrum mótum vetrarins þ.e. keppt var í deild, alls fjórir leikir. Að þessu sinni kepptu stelpurnar í efstu deild í fyrsta skiptið eftir að hafa byrjað í haust í neðstu deild. Eins og flestir vita hefur gengið afar vel í vetur, stelpurnar ekki tapað leik og liðið tekið stöðugum framförum.

KA/Þór – Haukar leika í 8-liða úrslitum Íslandsmótsins í 3. fl. kvenna á sunnudag kl. 16:00 í KA heimilinu. KA/Þór varð í 3. sæti mótsins í vetur en Haukar í 6. sæti.  Komið og hvetjið stelpurnar okkar í erfiðum leik.

Í dag var haldinn aðalfundur Handknattleiksdeildar KA. Erlingur Kristjánsson rakti helstu viðburði liðins árs sérstaklega hvað varðar kvennaboltann en Sigfús Karlsson rakti gang mála hjá unglingaráði. Ljóst er að starfsemin hefur gengið býsna vel í vetur, öflugur og samhentur hópur komið til starfa og bjart framundan.

Á morgun föstudag frá klukkan 14:30 - 15:30 verður aukaæfing í KA heimilinu fyrir 6. flokk stráka. Mjög mikilvægt er að allir mæti þar sem nú styttist í Vestmannaeyjaferðina. Kveðja Jóhannes Bjarnason

Aðalfundur Handknattleiksdeildar KA verður haldinn 16. apríl í KA heimilinu kl. 18:00. Dagskrá  aðalfundar Handknattleiksdeildar KA Fundur settur. Kosning fundarstjóra og fundarritara. Skýrsla stjórnar Reikningar Handknattleiksdeildar 2008 lagðir fram. Kosning í stjórn Handknattleiksdeildar Önnur mál Allir áhugamenn um handbolta á Akureyri eru hvattir til að mæta. Kveðja Erlingur formaður

A-lið 4. flokks lék gegn Haukum í 8-liða úrslitum Íslandsmótsins í gær. Leikurinn fór fram á Ásvöllum en liðin höfðu endað jöfn að stigum í deildinni. Haukar höfðu hins vegar innbyrðis viðureignirnar á KA. Það er skemmst frá því að segja að Haukar unnu sanngjarnan sigur 34-30 eftir að hafa verið 18-14 yfir í hálfleik. KA er því úr leik í A-liðum.

Stelpurnar í 4. flokk kvenna spiluðu þrjá daga í röð í páskafríinu. Á Íslandsmótinu átti A liðið eftir einn leik við Fjölni og B liðið átti eftir einn leik gegn HK. HK ákvað þó að koma með allan sinn flokk hingað norður og nýta tækifærið og spila æfingaleiki við lið KA. Í A liðum hefur HK verið á miklu skriði í 1. deildinni en eftir slæma byrjun hafa þær unnið sig upp töfluna og sitja nú í 4. sæti 1. deildarinnar.