Fréttir

Strákarnir eru núna á helgaræfingu með kvöldvöku og gistingu í KA heimilinu. Okkur hafa nú borist myndir frá vídeófundi frá því í kvöld. Smelltu hér til að skoða myndirnar

Annað kvöld, föstudagskvöld verður mikið um að vera hjá strákunum í 6. flokki handboltans, en á dagskrá verður handbolti, matur,  kvöldvaka, gisting, kennsla og meiri handbolti. Fjörið stendur frá klukkan 20:15 á föstudag og fram til klukkan 11:30 á laugardag.  Strákarnir eiga að mæta klukkan 20:15 í KA Heimilinu og þurfa að hafa með sér 500 krónur upp í kostnað.  Dagskráin fer hér á eftir:

Meistaraflokkur kvenna fór suður um helgina til að spila sína fyrstu leiki í 2. deild. Það var ljóst að einhver forföll væru í hópnum. Nokkrar af þeim eldri komust ekki með suður þessa helgina, meðal annars var Lilja Þórisdóttir í rannsóknarferð í Svíþjóð.  Það er skemmst frá því að segja að stelpurnar unnu báða leikina og eru því með fullt hús stiga í deildinni auk þess að vera komnar í 8 liða úrslit bikarkepninnar. Hér fylgir pistill um leiki helgarinnar.

Öll þrjú lið 4. flokks karla í handbolta léku um helgina í KA-Heimilinu en þetta voru fyrstu leikir KA í vetur á Íslandsmótinu. Segja má að veturinn fari mjög vel af stað hjá strákunum en öll liðin unnu sína leiki eftir mikla spennu og hörku leiki. 34 strákar spiluðu fyrir KA liðin þrjú um helgina og vantaði samt tvo við þann hóp sem gátu ekki verið með.

Kvennalið KA/Þórs heldur suður yfir heiðar um næstu helgi og leikur tvo leiki í 2. deild Íslandsmótsins. Fyrri leikurinn er í Víkinni þar sem leikið verður gegn heimamönnum Víkingum á laugardaginn kl. 17:00. Á sunnudaginn verður leikið við Fjölni og hefst sá leikur kl. 11:00 í íþróttamiðstöðinni Grafarvogi. Allir stuðningsmenn liðsins á höfuðborgarsvæðinu eru hvattir til að mæta og styðja stelpurnar.

Um síðustu helgi átti að fara fram fyrsti leikur kvennaliðs KA/Þórs í 2. deild Íslandsmótsins í handbolta. Eins og við höfum greint frá sáu andstæðingarnir FH sér ekki fært að koma þannig að í staðinn var slegið upp æfingaleik gegn Völsungi sem einnig sendir lið í sömu deild. Þórir Tryggvason var mættur með myndavélina og hér er hægt að skoða myndasyrpu frá æfingaleiknum.

Leik kvennaliðs KA/Þór og FH í 2. deild Íslandsmótsins sem vera átti á laugardaginn hefur verið frestað vegna þess að FH treystir sér ekki til að koma! Ótrúlegt en satt. Málið er í vinnslu í samráði við HSÍ. Í staðinn verður æfingaleikur KA/Þór-Völsungur í KA heimilinu á laugardag kl. 14:30. Auk þess er sjón að sjá ofvaxinn þjálfara sem þarf að sitja á 2-3 stólum. Allir velkomnir til að koma og horfa á skemmtilegan kvennahandbolta.

Ágætu foreldrar/forráðamenn Við í unglingaráði handknattleiksdeildar KA  viljum þakka fyrir mjög góð skil á æfingagjöldum vetrarins, en þar sem margir þeirra sem misstu af  innheimtudögunum í byrjun mánaðarins hafa haft samband við okkur  þá ætlum við að vera í KA heimilinu miðvikudaginn 29/10 fimmtudaginn 30/10 og mánudaginn 3/11 kl.17:00-18:30 og taka á móti greiðslum.

/* Sjö strákar í 3. og 4. flokki KA hafa verið valdir í ungmennalandslið í handbolta, annars vegar U-17 landslið og U-15 landslið hins vegar.

/* Næstkomandi föstudagskvöld fer fram fyrsti leikur í Íslandsmóti hjá 3.flokki karla og er sá leikur ekki af verri endanum þar sem KA strákar mæta nágrönnum sínum í Þór. Viljum við hvetja alla til að koma og styðja við bakið á strákunum. Leikurinn hefst kl. 19:30 á föstudagskvöldið og fer fram í KA-Heimilinu.