Fréttir

/* 4. flokkur karla lék um helgina í KA-Heimilinu. A-liðið lék gegn toppliði Stjörnunnar og vann þar mjög sannfærandi sigur 26-21 eftir að hafa leitt með fjórum mörkum í hálfleik. B-1 vann Þrótt stórt 31-17 en B-2 beið lægri hlut fyrir Stjörnumönnum 16-17 eftir hörkuleik. A-liðið hefur nú komið spennu í sína deild og er nú einungis 2 stigum á eftir toppliðinu. B-liðin bæði eru líka einum sigurleik á eftir efstu liðum. Það er því alls staðar að fara í gang mjög spennandi og áhugaverð báráttu um efstu sætin í deildunum og skiptir hver leikur gríðarlegu máli þessa stundina.

Öll þrjú lið 4. flokks karla leika um helgina í KA-Heimilinu. Í A-liðum kemur Stjarnan í heimsókn en Stjarnan er á toppi deildarinnar nokkuð á undan öðrum liðum. Ljóst er að til að okkar menn eigi möguleika á að berjast við þá á toppnum þá þarf KA sigur í leiknum. B-liðin bæði eru einnig í toppbaráttu í sínum deildum. B-2 leikur einnig við Stjörnuna sem er sæti neðar en þeir og B-1 spilar við Þrótt. Fólk er eindregið hvatt til að mæta á leikina. Laugardagur: 18:00: KA - Stjarnan (A-lið) Sunnudagur: 10:00: KA2 - Stjarnan (B-lið) 11:00: KA1 - Þróttur (B-lið)

Stelpurnar í meistaraflokki og 3. flokki kvenna fóru suður um liðna helgi. 4 leikir voru á dagskrá, tveir í meistaraflokki og tveir í unglingaflokki. Þar sem margar í meistaraflokk eru einnig gjaldgengar í unglingaflokk var nokkuð ljóst að skipta þurfti leikjunum niður á mannskapinn.

Á laugardaginn verður stærsti leikur tímabilsins í kvennahandboltanum þegar lið KA/Þór tekur á móti úrvalsdeildarliði FH í 4-liða úrslitum Eimskipsbikarsins.  Leikurinn hefst klukkan 16:00 og verður í KA heimilinu.  Það kostar ekkert á leikinn og því ástæða til að hvetja alla til að koma og styðja stelpurnar sem hafa tekið gríðarlegum framförum í vetur.  Skemmst er að minnast þess að á leið sinni í bikarkeppninni sigruðu þær úrvalsdeildarlið Gróttu 22-21 í hörkuleik. 

Aðalstjórn hefur ákveðið að hafa opinn viðtalstíma annan fimmtudag í mánuði frá kl 18-19. Tveir aðalstjórnarmenn munu vera í KA-heimili á áðurnefndum tíma til að taka á móti þeim sem vilja koma og ræða um félagið. Næstkomandi fimmtudag, 11. febrúar, verða Guðmundur Guðmundsson, gjaldkeri KA, og Jón Óðinn Waage formaður júdódeildar á staðnum.

B-2 lið 4. flokks fór suður um helgina og lék tvo leiki. Leikirnir voru gegn Fylki og Víkingi og unnust þeir báðir naumlega eftir mikla spennu í lokin. Frammistaða strákanna var misjöfn um helgina, þeir léku á köflum mjög vel en duttu niður þess á milli. Ánægjulegast er að tveir sigrar unnust og að strákarnir hafi skemmt sér vel í ferðinni.

Á laugardagsmorguninn kl: 11.00 leika KA - strákarnir síðasta heimaleik sinn í bili. Valsmenn koma þá í heimsókn og eru strákarnir staðráðnir í að gera allt sem þeir geta til að landa sigri í þessum leik og snúa þar með ofan af þeirri taphrinu sem þeir voru komnir í.

Athugið breytingu á æfingatímum á laugardögum. Framvegis verða æfingar 6. flokks drengja klukkan 9:30 - 11:00 á laugardögum og verður þannig það sem eftir er tímabilsins.

Tvö lið 4. flokks karla léku í gær. A-liðið fór suður og lék í 8-liða úrslitum bikars gegn Gróttu B og unnu þann leik 29-19. Liðið er því komið í undanúrslit bikarkeppninnar. B-2 fékk Völsung í heimsókn og tapaði þar 23-26.

Á morgun laugardag (31. jan) fá KA strákar Fram í heimsókn. Framarar hafa verið á góðu skriði upp á síðkastið á meðan KA menn töpuðu fyrir Þór á miðvikudaginn í hörku leik. Strákarnir ætla hins vegar að snúa við blaðinu á móti Fram og koma alveg trítilóðir inn í þann leik. Viljum við endilega hvetja sem flesta til að koma og horfa á strákana, þeir hafa svo sannarlega verið að gera góða hluti og eru sem stendur í öðru sæti í deildinni. Leikurinn hefst kl: 16.00 í KA heimilinu.