Fréttir

Loksins, loksins,  fyrsti heimaleikur okkar fer fram í kvöld.  Ég hef beðið þessarar stundar frá lokum október en nú er sú bið á enda. Lið okkar er klárt í slaginn, góður sigur um síðustu helgi eftir áfallið gegn ÍR helgina á undan staðfestir þessi orð mín.  

Ágætu KA-menn! Við þurfum áfram á liðsinni ykkar að halda í dag á Akureyrarvelli! Við ætlum að mæta kl. 16 og halda áfram þar sem frá var horfið í gær við annars vegar þökulagningu sunnan syðra marksins og hins vegar að setja niður sætin í stúkuna! Ef við fáum góðan hóp fólks förum við langt með þetta verkefni í dag. Sjáumst!    

Fyrsti heimaleikur KA á þessu keppnistímabili verður á Akureyrarvelli á morgun, föstudaginn 25. maí, og hefst hann kl 18.30. Fyrir leikinn verður boðið til grillveislu á vellinum og eru allir hvattir til þess að mæta snemma og hafa gaman. Veðurspáin er flott og því ekkert því til fyrirstöðu að eiga góða stund á vellinum, hvetja okkar stráka til sigurs og njóta þess að sitja í fyrsta skipti í nýju sætunum á Akureyrarvelli.

Aðalstjórn KA boðar til félagsfundar í KA-heimilinu miðvikudaginn 30. maí kl. 20.00. Á fundinum verður fjallað um málefni og framtíðarstarf júdódeildar KA. Allir júdóiðkendur og aðstandendur þeirra ásamt öllum félagsmönnum KA eru hvattir til þess að mæta á fundinn.

Alþrif á fimleikasalnum fara fram í næstu viku.Það þýðir það að við þurfum að taka nánast öll áhöldin niður og færa yfir í íþróttasalinn.Við óskum eftir sjálfboðaliðum til að aðstoða okkur við þetta föstudagskvöldið 25.

Í næstu viku fara fram alþrif á fimleiksalnum.Það þýðir það að við þurfum að taka nánast öll áhöldin niður og færa yfir í litla salinn.Við óskum eftir sjálfboðaliðum á föstudagskvöldið 25.

Guðlaugur Arnarsson hefur ákveðið að hætta þjálfun meistaraflokks KA/Þórs í handbolta. Þetta kemur sér illa fyrir liðið sem er að undirbúa sig fyrir næsta keppnistímabil. Nú er hafin leit að nýjum þjálfara og eru allar ábendingar vel þegnar í því sambandi. Guðlaugi eru þökkuð góð störf í vetur fyrir kvennaliðið.

Þá loksins er okkar frábæra lag, ÁFRAM KA MENN, komið í nýjan búning eftir mikla vinnu. Hér að neðan má sjá afraksturinn. Ég vil þakka öllum þeim sem hjálpuðu til við verkefnið og sérstaklega Eyþóri Inga og Þórði Gunnari, upptökustjóra.

Miðvikudaginn 23. maí frá kl. 16.00 verður vinnudagur KA-manna á Akureyrarvelli. Hafist verður handa við að setja niður sæti í stúku Akureyrarvallar og einnig verða lagðar þökur sunnan syðra marks vallarins. Allar vinnufúsar hendur eru vel þegnar og eru allir stuðningsmenn KA og velunnarar hvattir til að koma í góða veðrinu á Akureyrarvöll - í vinnugallanum - og leggja sitt að mörkum!!!

Hægt er að panta dvd-mynd af sýningunum fjórum með því að senda tölvupóst á erla@fimak.is.Diskurinn kostar 1.500 krónur og er hægt að greiða hann með millifærslu eða á skrifstofu félagsins.