Fréttir

Ingvar Már Gíslason hefur verið ráðinn aðstoðarþjálfari mfl. karla í knattspyrnu.  Samningur KA við Ingvar er til eins árs.  Ingvar sem er 34 ára hefur  á undanförnum árið leikið með Magna Grenivík og Dalvík/Reyni ásmat því sem hann hefur þjálfað hjá KA.

Aksentije Milisic, Jóhann Örn Sigurjónsson og Stefán Hafsteinson voru allir boðaðir aftur á úrtaksæfingar næstu helgi fyri drengi fædda 1993.

4. flokkur kvenna spilaði á laugardeginum gegn toppliði 1. deildar í bikarkeppninni. KA/Þór spilar í 2. deild og hafa sýnt það í fyrstu leikjum vetrarins að þær eru til alls líklegar. Fylkir trónir á toppi 1. deildar taplausar og því ljóst að um verðugan andstæðing var að ræða. KA/Þór byrjaði leikinn af miklum krafti og náði fljótt yfirhöndinni. Fylkisstelpum virtist hálf brugðið og KA/Þór virtist ætla að gera út um leikinn í fyrri hálfleik. Þá var eins og þeim brygðist kjarkurinn og Fylkisstelpur gengu á lagið. Síðustu mínúturnar í seinni hálfleik voru algjörlega í eigu Fylkis og fóru verðskuldað inn í hálfleikinn með tveggja marka forustu.

Biðröðin sem myndaðist í KA-heimilinu í morgun þegar sala hófst í knattspyrnuskóla Arsenal gefur til kynna að mikill áhugi sé á að taka þátt í skólanum dagana 13.-17. júní næsta sumar. Salan hófst klukkan 10  í morgun og lauk klukkan 13 og á þeim tíma seldist drjúgur hluti lausra aðgangskorta í skólann. En þeir sem ekki gátu keypt aðgang að Arsenalskólanum í morgun hafa enga ástæðu til að fara í jólaköttinn því áfram verður selt í skólann í næstu viku.

Sala í Arsenalskólann sem fer fram í sumar hefst á laugardag. Eins og greint var frá í síðustu viku mun skólinn fara fram 13.-17. júní 2011 á KA-svæðinu en skólinn á síðasta ári þóttist takast frábærlega og er stefnan sett á að endurtaka leikinn.

Aksentije Milisic, Jóhann Örn Sigurjónsson og Stefán Hafsteinson hafa verið boðaðir á U19 úrtak og Ævar Ingi Jóhannesson hefur verið boðaður á U17 úrtak næstu helgi.

Um helgina fóru fram úrtaksæfingar fyrir stráka á Norðurlandi. Sjö strákar frá KA voru valdir á þessar æfingar og stóðu þeir sig með mikilli prýði.

Handknattleiksdeild/unglingaráð KA er í samstarfi við Íslenska Gámafélagið að breiða út Grænu tunnuna en sem er liður í umhverfisstefnu Akureyrarbæjar. Um leið er þetta fjáröflun fyrir félagið. Viltu losna við að fara í grenndargáma? Viltu styrkja KA í leiðinni? Verð 950 kr. á mánuði. Verum umhverfisvæn, flokkum rusl í grænu tunnuna og losnum við ferðir í grenndargáma. Í grænu tunnuna fer endurvinnanlegt sorp t.d. dagblöð, fernur, plast, rafhlöður og áldósir. Hafið samband og pantið tunnu. Þú getur hringt í síma 892-2612 eða 462-3482 og svo má líka senda tölvupóst á ka-handbolti@ka-sport.is.

KA 1 og KA 2 í 6.fl. karla eldra ár fóru á mót um helgina sem haldið var af Haukum í Hafnarfirði. KA 1 keppti í 1. deild og stóðu þeir sig vel þótt tveir leikir hafi tapast með aðeins einu marki en upp úr stóð jafntefli við FH sem vann mótið og tapaði aðeins stigi á móti okkar mönnum. Þessi deild er mjög jöfn að getu og vantaði okkur bara smá heppni til að ná lengra.

Helga Hansdóttir náði þeim frábæra árangri að ná 1. og 3ja sæti á alþjóðlegu dönsku unglingameistaramóti í dag.  Hún keppti í aldursflokknum 17-21 árs en þar sem hún er aðeins 17 ára gömul gerir það árangur hennar enn glæsilegri. Helga sigraði opna flokkin í sínum aldursflokki og lenti í 3ja sæti í -63kg. flokki.  Helgu hefur gengið afar vel á alþjóðlegum mótum að undanförnu.  Hún lenti í 5. sæti á mjög stóru alþjóðlegu móti í Svíþjóð í haust.  Þar var hún aðeins hársbreidd frá þriðjasætinu.  Auk þess náði hún 3ja sæti á Norðurlandamótinu í vor. Júdódeild KA óskar Helgu til hamingju með árangurinn.