Fréttir

KA tók á móti Magna í gærkveldi í Boganum, eins og við var að búast var skítakuldi. 

Núna rétt í þessu var að ljúka leik KA og Magna á Soccerademótinu, leikurinn var sá síðasti í riðlakeppnina og voru KA öruggir í úrslit fyrir leikinn þar sem Þór2 tapaði sínum leik. KA sigraði 4-1, mörkin skoruðu þeir Orri Gústafsson, Jóhann Örn Sigurjónsson (2) og Jón Heiðar Magnússon. Umjföllun má vænta í fyrramálið

KA/Þór lék gegn  Stjörnunni í 2. deild Íslandsmótsins í handknattleik kvenna á laugardag. Þetta var leikur tveggja efstu liðanna í deildinni og því búist við hörkuleik.   Liðin skiptust á að hafa forustuna fram í miðjan fyrri hálfleik en röð af mistökum KA/Þórs olli því að Stjarnan seig framúr og náði 7 marka forystu.  Þá tóku heimastúlkur leikhlé og tókst að laga leik sinn og minnka muninn í 2 mörk, 21-23 í hálfleik. 

Það var mikið hlegið, talað og skemmt sér þegar um 50 konur mættu á konukvöld í Ka heimilinu. Boðið var upp á fordrykk og gómsæta rétti frá hótel KEA og konfekt frá Nóa Síríus. Ragga og Ingi tóku á móti gestum með skemmtilegri tónlist. Stefán Guðnason, handboltaþjálfari og reynslubolti í samskiptum kynjanna, var ræðumaður kvöldsins og fór á kostum. Sýnd voru föt, hönnuð og saumuð af Lindu og Heddu, og vöktu þau mikla hrifningu. Veislustjóri kvöldsins var Eva Reykjalín. Auk þess að vera stórskemmtileg og heillandi dró hún allar konurnar fram á gólfið í smá danskennslu enda salsa drotting bæjarins. Ekki má gleyma Rúnari og Hlyn sem stóðu sig vel á barnum.

Á sunnudaginn leikur KA 1 gegn Magna kl 20.15. Á mánudaginn leikur KA 2 gegn Þór 1 kl 19.00 en sá leikur er jafnframt úrslitaleikur A-riðils.

Okkur Akureyringum er nú horfinn sjónum einn fremsti forystumaður félagsstarfa hér í bæ um áratuga skeið og fyrrverandi formaður KA. Jón S. Arnþórsson, fyrrum fulltrúi hjá SÍS og safnstjóri Iðnaðarsafnsins á Akureyri, andaðist á FSA sunnudaginn 23. Janúar,79 ára að aldri.

Í vetur munu ung og efnileg ungmenni keppa undir merkjum KA á mörgum mótum. Það fyrsta er núna um helgina en þegar Goðamót 4. flokks kvenna fer fram í Boganum. 

KA/Þór leikur gegn Stjörnunni í 2.deild kvenna í handbolta á laugardaginn kl.12:00 í KA heimilinu.  Stjarnan er í efsta sæti deildarinnar og hefur innanborðs margar fyrrverandi landsliðskonur. KA/Þór fylgir fast á eftir og er í 2. sæti í deildinni og því má búast við spennandi leik.  Stelpurnar okkar þurfa á stuðningi að halda og því er fólk hvatt til að mæta og hvetja liðið.

Það verður mikið líf og fjör í KA - Heimilinu um helgina en alls verða leiknir 9 leikir í handbolta og blaki. Hér hetur þú séð tímasettningar á leikjunum. Við hvetjum alla að líta við og fylgjast með öllu þessu efnilega íþróttafólki sem KA á.

Ævar Ingi Jóhannesson fer á U17 úrtaksæfingar næstu helgi en hann hefur staðið sig vel í vetur en hann spilaði seinustu helgi sinn fyrsta meistaraflokksleik. Ásamt honum fer markmaðurinn Fannar Hafsteinsson á U17 úrtaksæfingarnar. Jóhann Örn Sigurjónsson, Ómar Friðriksson og Stefán Hafsteinsson fara á U19 úrtaksæfingar næstu helgi einnig.