Fréttir

Arsenalskólinn fer fram 20.-24. júní 2012 og sala hefst eftir rúma viku á plássum í skólann. Nánar með því að smella á myndina eða á http://ka.fun.is/arsenal

Nú liggur fyrir töfluröð fyrir komandi keppnistímabil í 1. deildinni, en dregið var í höfuðstöðvum KSÍ sl. laugardag. Hér er einungis um að umferðarröðina, en dagsetningar leikjanna liggja ekki fyrir. Eins og sjá má byrjar KA á tveimur útileikjum gegn Breiðholtsliðunum báðum. Á móti kemur síðan að síðari umferðin hefst á tveimur heimaleikjum og því er uppi sú óvenjulega staða að KA er með þrjá heimaleiki í röð um mitt sumar. KA lýkur síðan móti með lengsta ferðalaginu á útivöll - vestur á Ísafjörð. Það sem er vissulega nokkuð óvenjulegt við komandi keppnistímabil er fjöldi liða í deildinni af landsbyggðinni. Þau voru reyndar fimm sl. sumar, en fjölgar nú um eitt. Upp úr 1. deildinni fóru tvö landsbyggðarlið - ÍA og Selfoss - og úr deildinni féllu tvö lið af höfuðborgarsvæðinu - HK og Grótta. Úr Pepsídeildinni féllu niður í 1. deild annars vegar Þór Ak og hins vegar Víkingur R. Upp í 1. deildinni úr 2. deild komu Tindastól á Sauðárkróki og Höttur á Egilsstöðum. Helmingur liða í 1. deildanna næsta sumar kemur af landsbyggðinni: KA, Þór, Víkingur Ó, BÍ/Bolungarvík, Tindastóll og Höttur. Hin sex liðin eru af höfuðborgarsvæðinu: Haukar, Leiknir, ÍR, Víkingur R, Þróttur R og Fjölnir. Töfluröðin fyrir komandi keppnistímabil er sem hér segir: 1. umferð:ÍR-KA 2. umferð:Leiknir-KA 3. umferð:KA-Víkingur 4. umferð:Fjölnir-KA 5. umferð:KA-Tindastóll 6. umferð:Höttur-KA 7. umferð:KA-Þór 8. umferð:Þróttur R-KA 9. umferð:KA-Haukar 10. umferð:Víkingur Ó-KA 11. umferð:KA-BÍ-Bolungarvík 12. umferð:KA-ÍR 13. umferð:KA-Leiknir R 14. umferð:Víkingur R-KA 15. umferð:KA-Fjölnir 16. umferð:Tindastóll-KA 17. umferð:KA-Höttur 18. umferð:Þór-KA 19. umferð:KA-Þróttur R 20. umferð:Haukar-KA 21. umferð:KA-Víkingur Ó 22. umferð:BÍ/Bolungarvík-KA

Fjölmargir KA-krakkar eru boðaðir á landsliðsúrtaksæfingar í sínum aldurshópi um komandi helgi. Í landsliðshópi U17-kvenna er Lára Einarsdóttir boðuð á æfingar og í U-19 landsliðshópi kvenna er Helena Einarsdóttir boðuð á æfingar. Einnig verða úrtaksæfingar í Boganum fyrir drengi af Norðurlandi f. 1997 - þ.e. á yngra ári í 3. flokki.

KA-stelpurnar Lára Einarsdóttir (f. 1995) og Helena Jónsdóttir (f. 1994) hafa verið valdar á úrtaksæfingar um komandi helgi í annars vegar U-17 landsliði og hins vegar U-19 landsliði kvk. Þetta er í annað skiptið á skömmum tíma sem stelpurnar eru boðaðar á landsliðsæfingar.

Fannar Hafsteinsson markvörður hjá KA og U-17 landsliðinu verður þessa viku við æfingar hjá enska úrvalsdeildarliðinu Tottenham.

Fjórir piltar úr KA hafa verið valdir í U-17 landsliðsúrtak um komandi helgi. Þetta eru þeir Fannar Hafsteinsson og Ævar Ingi Jóhannesson, báðir fæddir 1995, og Ívar Örn Árnason og Gauta Gautason, báðir fæddir árið 1996.

KA-maðurinn Ómar Friðriksson spilaði allan leikinn með U-19 landsliðinu í undankeppni Evrópumótsins á Kýpur í gær í 2-2 jafntefli gegn Norðmönnum.

Húsvíkingurinn Bjarki Baldvinsson hefur gengið til liðs við KA og mun hann spila með liðinu í 1. deildinni næsta sumar. Gengið var í dag frá samningi við Bjarka til tveggja ára.

Öllum æfingum KA í knattspyrnu í dag, fimmtudaginn 27. október, í Boganum er aflýst vegna hreinsunar sem ráðist var í í morgun á gervigrasinu í Boganum. Ljóst er að grasið þornar ekki nægilega til þess að unnt sé að hleypa knattspyrnuiðkendum þar inn í dag og því þarf að aflýsa öllum æfingum dagsins. Næsti æfingadagur verður því nk. laugardagur.

KA-stelpurnar Lára Einarsdóttir og Helena Jónsdóttir hafa verið valdar í landsliðsúrtak um næstu helgi - Lára í U-17 og Helena í U-19. Báðar eru þær leikmenn Þórs/KA, Lára miðju- og kantspilari en Helena markvörður.