Fréttir

Fannar Hafsteinsson og Ævar Ingi Jóhannesson, leikmenn 2. flokks og meistaraflokks KA, hafa verið valdir í U-17 landslið Íslands sem spilar í milliriðli Evrópumóts landsliða í Skotlandi dagana 19.-25. mars.

Mótsnefnd Greifamóta KA vill þakka af heilum hug öllum sem lögðu hönd á plóg við framkvæmd Greifamóts KA í 4. flokki karla í knattspyrnu um helgina. Án ykkar allra væri þetta ómögulegt!

Þórsarar gerðu sér lítið fyrir og sigruðu bæði í A- og B-liðum í Greifamóti KA, sem lauk á fjórða tímanum í dag. Í öðru sæti í A-liðum varð BÍ með jafnmörg stig og Þór, en markatala Vestfirðinganna var þremur mörkum óhagstæðari en Þórs. KA varð síðan í þriðja sæti í A-liðum.

4.fl kvenna er nú í Reykjavík þar sem þær spila 3 æfingaleiki bæði A og B lið. Í dag spilaði hvort lið 2 leiki. Á móti Aftureldingu í morgun og Stjörnunni núna seinni partinn. Á morgun sunnudag spila bæði lið við Víking R

KA-menn sóttu ekki gull í greipar Skagamanna í Akraneshöllinni í dag í þriðja leik liðsins í Lengjubikarnum. Heimamenn höfðu sigur 4-1. Hallgrímur Mar Steingrímsson skoraði mark KA í síðari hálfleik.

Eins og vera ber er staðan í Greifamóti KA í 4. flokki spennandi þegar einn keppnisdagur er eftir. Staðan er sem hér segir:

KA sækir úrvalsdeildarlið Skagamanna heim í Lengjubikarnum í dag og hefst leikurinn kl. 14. Þetta er þriðji leikur KA í keppninni, í fyrsta leiknum tapaði liðið 2-3 fyrir Stjörnunni en hafði 2-0 sigur á ÍR í síðasta leik.

Þorlákur Árnason, landsliðsþjálfari U-17 kvennalandsliðsins, hefur valið Láru Einarsdóttur úr KA í landsliðshópinn sem mætir Dönum í tveimur vináttulandsleikjum í Egilshöll í Reyjavík dagana 18. og 20. mars nk.

Nóg er um að vera þessa helgina hjá Knattspyrnufólki KA og öðrum KA mönnum. Í kvöld kl 19.00 hefst Herrakvöld á hótel KEA. Í dag hefst Greifamótið í 4.fl karla í boganum og 4.fl kvenna leggur af stað til Reykjavíkur til að spila nokkra æfingarleiki. Síðan er það M.fl karla sem spila á Akranesi á morgun laugardag

Síðustu helgi var Goðamót haldið í 5. og 6.fl kvenna. KA sendi til leiks 6 lið eða 3 lið í hvorum flokk og voru þetta allt í allt voru þetta 52 stelpur sem tóku þátt. Á mótinu voru nokkur lið frá Reykjavíkursvæðinu sem og lið hérna í kring.