Fréttir

Landslið Íslands i karlaflokki í knattspyrnu undir 17 ára gerði sér lítið fyrir í dag og sigraði Ísraelsmenn í lokaleik síns riðils í undankeppni Evrópumóts landsliða í Ísrael og þar með sigruðu Íslendingar riðilinn og tryggðu sér farseðilinn í milliriðla keppninnar. KA-maðurinn Fannar Hafsteinsson stóð á milli stanganna í marki Íslands í öllum þremur leikjunum og stóð sannarlega fyrir sínu.

Í lokahófi Þórs/KA sl. föstudagskvöld fengu þrjár KA-stelpu viðurkenningar fyrir að skara framúr í 2. flokki á liðnu keppnistímabili. Ágústa Kristinsdóttir var valin sú besta í flokknum, Lára Einarsdóttir efnilegust og Freydís Kjartansdóttir var útnefnd leikmaður leikmannanna.

2.flokkur KA kemur saman að nýju eftir haustfrí 25.október kl 18:30 í boganum.

Davíð Rúnar Bjarnason og Ómar Friðriksson, leikmenn meistaraflokks KA í knattsyrnu, framlengdu í dag samninga sína við félagið til næstu tveggja ára.

Ómar Friðriksson hefur verið valinn í U-19 landsliðið sem spilar í undankeppni Evrópumótsins á Kýpur dagana 21. til 26. október nk.

Lokahóf 2. flokks var haldið um helgina með pompi og prakt. Óskar Þór Halldórsson, framkvæmdarstjóri knattspyrnudeildar, sá um grilla ofan í mannskapinn og Petar Ivancic sá um skemtiatriði.

KA-mennirnir Fannar Hafsteinsson, markmaður og Ævar Ingi Jóhannesson, miðjumaður, hafa verið valdir í landslið Íslands U-17 ára sem keppir í undankeppni Evrópumótsins í Ísrael 12. til 17. október nk.

Getraunastarf KA hefst á ný eftir sumarfrí. Fyrirkomulagið verður með öðru sniði en áður eða deildarkeppni þar sem allir þátttakendur mætast innbyrðis í einfaldri eða tvöfaldri umferð. Samstarfsaðilar okkar í vetur eru fjölmargir og meðal vinninga má nefna borgarferð í vetur (flug, bíll, gisting, matur og leikhús fyrir tvo) sem eru fyrstu verðlaun fyrir áramót. Einnig eru veitt verðlaun fyrir 2. og 3. sætið bæði fyrir og eftir áramót sem og fyrir besta seðil ársins og bestan samanlagðan árangur í keppnunum tveimur. Heildarverðmæti vinninga er tæp hálf milljón króna.

Nú þegar eru farnar að berast fyrirspurnir um hvenær hið vinsæla N1-mót KA í knattspyrnu í 5. aldursflokki drengja verði á næsta ári. Það skal hér með upplýst að mótið verður haldið dagana 4. til 7. júlí 2012 á KA-svæðinu. Mótið hefst að vanda á miðvikudegi - 4. júlí - og því lýkur laugardaginn 7. júlí. Nánari upplýsingar verða birtar á heimasíðu mótsins - sjá hnapp hér efst á síðunni lengst til hægri.

Kvennalið Þórs/KA spilar á morgun, miðvikudaginn, 27. september, kl. 16.15 við þýska liðið 1. FFC Turbine Potsdam á Þórsvelli og eru allir hvattir til að fjölmenna á völlinn og styðja við bakið á stelpunum.