Stórleikur KA og Stjörnunnar í kvöld!

Daði er klár í slaginn!

Olís deild karla í handboltanum fer aftur af stað í kvöld eftir landsleikjapásu og það með engum smá leik. KA tekur á móti Stjörnunni í KA-Heimilinu í kvöld klukkan 19:00 og má búast við hörkuleik. Fyrir leikinn er KA með 4 stig í 7. sæti deildarinnar en gestirnir eru aðeins einu stigi á eftir í 10. sætinu.

Strákarnir ætla sér sæti í úrslitakeppninni í vor og því ansi mikilvæg stig í húfi í kvöld í þeirri baráttu. Þegar liðin mættust í fyrra gerðu þau ævintýralegt jafntefli og allt sauð uppúr, það skiptir því öllu máli að við fyllum stúkuna og sjáum til þess að strákarnir okkar fari með sigur af hólmi!

Fyrir þá sem ómögulega komast á leikinn í kvöld þá verður leikurinn í beinni útsendingu á KA-TV og er hægt að nálgast útsendinguna hér fyrir neðan, áfram KA!