Fréttir

Á fimmtudagskvöld fengu KA menn Hauka í heimsókn á Akureyrarvellinum. Það var frekar kalt í veðri með smá úrkomu inn á milli og völlurinn blautur og virkaði í fínu standi. Ágæt mæting var á leikinn þar sem Vinir Sagga voru fremstir í flokki eins og oft áður.

Okkar menn sigruðu topplið Hauka nú fyrr í kvöld, lokatölur leiksins voru 1-0. Það var ungverjinn David Disztl sem að skoraði sigurmark okkar á 73. mínútu. Leikurinn var rólegur og það var lítið sem gladdi augað. Haukar voru sterkari aðilinn í fyrra hálfleik en liðin voru nokkuð jöfn í þeim seinni.

Vinir Sagga ætla að hittast fyrir leikinn í kvöld og hita upp á veitingastaðnum DJ Grill í miðbænum.

Í kvöld, fimmtudaginn 11.júní fá KA-menn Hauka í heimsókn. Leikurinn verður spilaður á Akureyrarvelli og hefst kl.19:15.

Þá er komið að því enn einu sinni N1 mót KA nálgast óðfluga og Gunnar Gunnarsson og Magnús Sigurólason eyða enn fleiri mínútum en venjulega í símanum við skipulagning mótsins en það þarf að líta í ansi mörg horn svo allt gangi upp. Mikill áhugi er fyrir mótinu og eykst hann með hverju ári en 144 lið eru skráð á mótið, þar af eitt frá Færeyjum líkt og í fyrra. Á næstu dögum fara málin að skýrast, riðlar verða klárir um helgina og 10 dögum fyrir mótið verður leikjaniðurröðun klár. Þann 30. júní kemur svo út blað N1-mótsins þar sem hægt verður að nálgast allar upplýsingar. Fyrir utan að spila fótbolta verður keppendum boðið í bíó og fá þeir að sjálfsögðu frítt í sund auk annara skemmtilegra viðburða.

Í dag, 8. júní, hófust fótboltaæfingar yngriflokka og leikjaskóli KA á KA svæðinu. Mikið líf færist jafnan yfir svæðið þegar þetta gerist og var fjöldi iðkenda og foreldra kominn á svæðið snemma í morgun. Leikjaskóli KA verður starfræktur fram í ágúst en alls verður boðið upp á fjögur tímabil. Hægt að spyrjast fyrir um leikjaskólan og æfingar yngriflokka í síma 462 3482.

Það var frekar fámennt á vellinum í kvöld þegar liðsmenn Aftureldingar tóku á móti KA mönnum á Varmárvelli. Aðstæður til knattspyrnuiðkunar voru þó einkar góðar. Logn, hiti á bilinu 7-10 gráður og völlur þeirra Aftureldingarmanna í flottu standi og greinilega að koma mjög vel undan vetri.

KA dagurinn sem haldinn er hvert ár og markar upphaf starfs yngriflokka KA var í dag. Fjöldi iðkenda og aðstandenda mættu á svæðið, greiddu æfingagjöld, keyptu KA varning og nutu veitinga. Meistaraflokkar KA og Þórs/KA voru kynntir fyrir viðstöddum og léku leikmenn þeirra við ungukynslóðina.

Okkar menn gerðu markalaust jafntefli við Aftureldingu fyrr í kvöld. Í þeim fimm leikjum sem við höfum leikið í deildinni hefur KA gert fjögur jafntefli og er þetta það þriðja í röð, þá er frátekinn sigur okkar á Dalvík/Reyni í bikarnum. Okkar menn áttu nokkur góð marktækifæri sem nýttust ekki en KA pressaði stíft allan seinni hálfleikinn.

Í dag, föstudaginn 5.júní fara KA-menn suður og mæta Aftureldingu í Mosfellsbænum í fimmtu umferð íslandsmótsins. Leikurinn hefst kl. 20:00