Fréttir

Í sumar munum við hér á KA-sport reyna eftir fremsta megni að uppfæra næstu leiki og úrslit hjá yngriflokkum félagsins. Leikjakerfið er í hægrahorni síðunnar, þar er hægt að sjá næstu leiki og nýjustu úrslit skipt eftir greinum og kyni. Til þess að sjá nánari upplýsingar um hvern leik fyrir sig er hægt að smella á merkið fyrir aftan upplýsingarnar um hann sem að líkist blöðum. Þar er að finna staðsetningu, frekari upplýsingar um hvaða lið er að keppa (A,B,C....) o.s.frv. Einnig er hvetjum við þjálfara, iðkendur eða aðstandendur til að senda okkur upplýsingar um leikinn, t.d. smá umfjöllun sem hægt verður að nálgast á sama stað. Tölvupósturinn er sem fyrr siggi@ka-sport.is

Dregið var í 32-liða úrslit í Vísabikarnum í hádeginu í dag. Skemmst er frá því að segja að okkar menn drógust á móti Aftureldingu sem við sækjum einmitt heim annað kvöld. Mun sá leikur eflaust setja tóninn fyrir viðureignina í bikarnum. Leikurinn mun fara fram á Akureyrarvelli en það skýrist á næstunni hvenær það verður.

Eins og kannski flestir hafa tekið eftir í fjölmiðlum standa nú yfir smáþjóðaleikar á kýpur. Blakdeild KA á þar þrjá leikmenn sem spila fyrir hönd þjóðarinnar en þeir eru Hafsteinn og Kristján Valdimarssynir og Hilmar Sigurjónsson. Kemur hér smá pistill sem þeir félagar sendu hingað heim til okkar. Vefsíða leikanna er: http://www.cyprus2009.org.cy/ sjá einnig fréttir á http://www.bli.is/ og http://www.isi.is/

Okkar menn komust áfram 32 liða úrslit í Vísabikarnum eftir sigur á Dalvík/Reyni í dag. Leikurinn fór fram í ágætis veðri á Akureyrarvelli og þrátt fyrir dræma mætingu var nokkur hávaði og stemming á vellinum þar sem klapp lið beggja liða lögðu sitt af mörkum.

Norbert Farkas var valinn maður leiksins í leik KA og Dalvík/Reynis sem fram fór á Akureyrarvelli. Norbert fær eins og allir aðrir sem valdir eru menn leiksins út að borða á Strikinu. 

Á morgun, mánudaginn 1.júní klukkan 17:00 hefja KA menn leik í VISA-Bikarnum. Þetta er önnur umferðin en KA sátu hjá í þeirri fyrstu og fengu KA-menn Dalvík/Reyni á Akureyrarvelli.

Túfa var valinn maður leiksins í leik KA og Fjarðarbyggðar sem fram fór í kvöld. Maður leiksins er valin af leynilegri dómnefnd sem fylgist náið með leiknum. Það er svo veitingastaðurinn Strikið sem að verðlaunar menn leiksins með gjafabréfi. Túfa getur því skellt sé út að borða á þessum glæsilega veitingastað á næstunni.

KA menn gerðu markalaust jafntefli við Fjarðarbyggð í kvöld. Leikurinn var þó spennandi og áttu KA menn þó nokkur færi og voru óheppnir að ná ekki allavegana einu marki úr leiknum. Sandor Matus varði einnig víti sem dæmt var á KA í seinni hálfleik. Nánari umfjöllun um leikinn er að vænta á næstunni frá fréttaritara KA-Sport sem var á staðnum.

Í kvöld taka KA-menn á móti Fjarðabyggð á Akureyrarvellinum. Flautað verður til leiks kl. 19:15 en Vinir Sagga ætla að hittast á DJ-Grill klukkan fimm í dag og hefja upphitun.

Hátt í 400 manns mættu á lokahóf handknattleiksdeildar sem haldið var miðvikudaginn 20. maí s.l. Veturinn hefur verið mjög góður fyrir handboltann í KA en mikil fjölgun var í iðkendafjölda, voru þeir nú um 250. Það má m.a. þakka olympíusilfri Íslendinga þessum aukna áhuga á sportinu. Einnig endurheimti KA þrjá reynslumikla þjálfara í vetur þá Jóa Bjarna, Sævar Árna og Einvarð.