Fréttir

Annað af B-liðum 4. flokks karla lauk keppni á Íslandsmótinu í dag. B-2 liðið lék í 2. deild og stóð sig þar með prýði en í dag unnu þeir Fylki 29-23 eftir að hafa verið nokkra stund í gang. Liðið er í öðru sæti 2. deildar eins og er en mun að öllum líkindum enda í fjórða sæti. Í 18 leikjum vann liðið 12 sigra, gerði 1 jafntefli og tapaði 5 leikjum. Gleðilegt er að liðið skuli enda tímabilið á sigri því í allan vetur hafa leikmenn liðsins verið að bæta sig mikið. Margir leikmenn eru að spila stærri hlutverk en oft áður og aðrar stöður og hafa skilað þeirri áskorun frábærlega.

Þriðji leikur KA og Stjörnunnar, um að komast í úrslit Íslandsmótsins, fór fram í KA heimilinu í kvöld.  Hvort lið hafði unnið einn leik og því þurfti oddaleik til að skera úr hvort liðið kæmist áfram í úrslitaleikina gegn Þrótti. Það er skemmst frá því að segja að Stjarnan vann í hörkuleik 3:1 en KA færði gestunum allt of mörg auðveld stig og því fór sem fór.

KA og Stjarnan áttust við öðru sinni á þremur dögum í undanúrslitum úrslitakeppninnar í Garðabæ í gær.  Eins og í fyrri leik liðanna var um hörku viðureig að ræða en nú snérstu úrslitn við og Stjörnumenn unnu leikinn 3-2 (25-16) (22-25) (25-17) (19-25) (15-8).

4. flokkur karla lék við Gróttu í dag tvo æsispennandi leiki. A-liðið lék á undan og átti mjög góðan leik. Eftir mikinn baráttuleik varð niðurstaðan 26-26 jafntefli eftir að Grótta hafi jafnað úr aukakasti þegar leiktíminn var búinn. B-1 lék afar furðulegan leik gegn Gróttu2. Eftir að hafa leitt framan af leik varð niðurstaðan 25-26 tap undir afar sérkennilegum kringumstæðum.

Um helgina fara fram stórleikir í 4. flokki karla. Öll þrjú lið flokksins eiga sína seinustu leiki í deild og er um mikið að keppa. Eftir slæma suðurferð fyrir stuttu þarf KA á góðum leikjum um helgina að halda. A-lið og B-1 eru nú að reyna að ná sem allra bestum sætum fyrir úrslitakeppnina og leikirnir því einkar mikilvægir. B-2 leika sinn seinasta leik í vetur en þeir hafa verið á mikilli uppleið í allan vetur. Laugardagur: 15:00: KA - Grótta (A-lið) 17:30: KA1 - Grótta2 (B-lið) Sunnudagur: 10:00: KA2 - Fylkir (B-lið) 11:00: KA1 - Grótta (B-lið)

KA-menn fóru suður um síðustu helgi og léku gegn liði Aftureldingar í Lengjubikarnum. Upphaflega átti leikurinn að fara fram utandyra á Varmárvelli en að lokum var hann færður inn í hið glæsilega hús, Kórinn.

Á mánudaginn mættust KA og Þór í Lengjubikarnum og skemmst er frá því að segja að leiknum lauk með 1-1 jafntefli. Umfjöllun með myndum.

Tvær KA/Þórs stúlkur, Arna Valgerður Erlingsdóttir og Unnur Ómarsdóttir  hafa verið valdar í landslið U-19 ára í handbolta sem keppir í forkeppni Evrópumóts í Sarajevo í Bosníu um páskana.  Emma Sardarsdóttir var einnig í æfingahópi fyrir ferðina en hlaut ekki náð fyrir augum landsliðsþjálfarans að þessu sinni.

Síðustu leikirnir í deildarkeppninni hjá 3. flokki kvenna og meistaraflokki eru um helgina.  Síðan tekur við úrslitakeppni sem verður eftir páska. Leikirnir eru : Laugardagur 28. mars  3.fl.kvenna  kl. 16:00 KA/Þór – Grótta Sunnudagur 29. mars meistarafl. kvenna kl. 13:00 KA/Þór – Víkingur 2 Komið og sjáið stelpurnar tryggja sætin sín í fyrir 8 liða úrslitin.

Meistaraflokkur KA í knattspyrnu hefur hafið sölu á forláta könnum sem merktar eru KA og nafni þess er kaupir könnuna. Þetta stóra og fallega drykkjarmál kostar aðeins 1.250 kr. Því er beint til allra KA félaga að eignast þessa forláta könnu sem nota má sem t.d. jólagjöf, afmælisgjöf, sumargjöf eða bara drykkjarmál fyrir þig! Það skal tekið fram að sölu likur þann 4. april. Því er KA félögum nær og fjær til sjávar og sveita bent á að hafa hröð handtök og hafa samband við Gunnar nokkurn Nielsson yfirmann könnusölu i síma 8606751 eða á email bjorgun@isl.is