Fréttir

KA tryggði sér í gærkvöldi silfurverðlaun í deildarkeppni BLÍ með því að leggja að leggja deildar- og bikarmeistara Þróttar Reykjavík 3-2.   

Í gærkvöld var haldinn fundur stjórnar knattspyrnudeildar KA með leikmönnum þar sem aðalmálið var að kynna nyja meðlimi stjórnarinnar. Fundurinn þótti takst vel og voru liflegar umræður i gangi. Að fundinum loknu fengu menn sér Greifa pizzur og ískalt Pepsi og er þvi var lokið fór fram siðbúinn verðlauna afhending. Eins og allir KA menn nær og fjær vita var markmaður KA Sandor Matus valinn íþróttamaður ársins 2008 hjá KA.

Yngri flokkar KA gerðu góða ferð suður um helgina. Skafti Þór Hannesson KA vann öruggann sigur í -38 kg flokki í aldurshópi 11-12 ára. Skafti er mjög efnilegur judomaður og á örugglega eftir að láta mikið af sér kveða í framtíðinni. Flestar glímur Skafta tóku aðeins örfáar sekúndur og unnust á Ippon. Baldur Bergsveinsson KA vann einnig brons í þessum flokki.

Í síðustu viku komu Selfyssingar norður í æfingaferð og léku æfingaleik við KA-menn en skemmst er frá því að segja að KA fór með 3-1 sigur af hólmi í prýðilegum leik.

KA spilaði enn einn úrslitaleikinn í bikarnum á sunnudaginn og var grátlega nærri því að vinna. Liðið var í miklu stuði framan af og komst í 2-0. Þróttarar efldust þegar á leið og eftir mikla rimmu hömpuðu þeir bikarnum eftir 3-2 sigur. KA-liðið sýndi flotta takta í leiknum og á vel að geta unnið hvaða lið sem er með meiri grimmd og stöðugleika. Það sem skildi liðin af í þessum leik var örlítið betri hávörn Þróttara og svo voru þeir að bjarga mun fleiri boltum aftur á vellinum.

/* ÍSÍ býður upp á fræðslukvöld að Glerárgötu 26 á Akureyri 19. mars kl. 17.00-21.00 um íþróttameiðsl.  Stefán Ólafsson sjúkraþjálfari mun m.a. fjalla um algengustu meiðsl og orsakaþætti, samvinnu íþrótta- og sjúkraþjálfara, forvarnir meiðsla, teipingar og vafninga.  Öllum opið og um leið liður í þjálfaramenntun 2. stigs ÍSÍ.

Stelpurnar í 4. flokki fóru suður um liðna helgi. Fyrir lágu fimm leikir, þrír hjá B liðinu og tveir hjá A liðinu. A liðið átti tvo leiki gegn Gróttu liðunum tveimur. Fyrst Gegn Gróttu3 og á sunnudeginum við Gróttu1.

KA menn mættu Fylki í undanúrslitum bikarkeppninnar í dag og unnu  leikinn 3-0.  Fyrirfram var vitað að lið Fylkis gæti orðið KA mönnum skeinuhætt þó það spili í annarri deild enda skipað reynslumiklum leikmönnum.  Það koma líka á daginn að KA menn þurftu að hafa töluvert fyrir sigri í leiknum. 

Tveir leikir fara fram um helgina hjá KA/Þór í Meistaraflokki og 3. flokki kvenna.  Á laugardag kl.14:00 leikur meistaraflokkur við Þrótt.  KA/Þór er í 2. sæti í deildinni því er mikilvægt að vinna alla leiki sem eftir eru.  Á sunnudag kl. 13:30 leikur 3. flokkur kvenna við HK í KA heimilinu.  3.flokkur er í toppbaráttunni í efstu deild og er sigur gegn liðum sem eru neðar í deildinni nauðsynlegir. Fólk er hvatt til að koma og sjá skemmtilegan kvennahandbolta í KA heimilinu um helgina.

Í kvöld mætast KA og Selfoss í æfingaleik. Leikurinn fer fram í Boganum og hefst kl. 19:00.