Fréttir

Meistaraflokkur tapaði úrslitaleiknum 1-0 gegn Þór og 2. flokkur sá ekki til sólar í 6-1 tapi gegn Völsungum í leik um 5. sætið.

Sigbjörn Gunnarsson fyrrverandi alþingismaður og sveitarstjóri er látinn, 57 ára að aldri. Hann lést á Sjúkrahúsinu á Akureyri sunnudaginn 15. febrúar s.l. Sigbjörn var kjörinn á Alþingi fyrir Alþýðuflokkinn í Norðurlandskjördæmi eystra árið 1991 og sat á þingi til ársins 1995 og var m.a. formaður fjárlaganefndar um tíma. Hann var sveitarstjóri Skútustaðarhrepps í átta ár og sveitarstjóri Þingeyjarsveitar í þrjú ár.

Leikurinn gegn Stjörnunni var nokkuð góður heilt yfir. Í byrjun leiks sýndu KA/Þór stelpur góðan leik og börðust vel í vörninni ásamt því að vera ákveðnar í sókninni. Nokkur klaufamistök urðu þó til þess að þegar fyrri hálfleik lauk var staðan jöfn, 13-13.

Síðastliðinn laugardag lék meistaraflokkur KA/Þórs sinn stærsta  leik á tímabilinu en þá spiluðu þær við lið FH í undanúrslitum Eimskipsbikars kvenna. FH stúlkur mættu ákveðnar til leiks og tóku strax öll völd á vellinum.  Mikil taugaspenna var í okkar stúlkum og reynslumikið lið FH nýtti sér aðstæður til hins ítrasta. FH leiddi með 12 mörkum í hálfleik og nokkuð ljóst að draumurinn um að komast í höllina var orðinn ansi fjarlægur.

Rétt í þessu var verið að velja Kolbrúnu Gígju í u-17 ára landslið kvenna. Hún hefur verið að æfa með þeim en nú er búið að velja hana í lokahópinn. Fyrirliggjandi verkefni landsliðsins er keppni í forkeppni EM dagana 6-8 mars. Kolbrún hefur farið mikinn í 4. flokk í vetur ásamt því hafa spilað nokkra leiki með unglinga og meistaraflokk og staðið sig þar með sóma. Við sendum Kolbrúnu til hamingju með þessa viðurkenningu og óskum henni áframhaldandi velfarnaðar í boltanum.

Þar sem þjálfari KA stúlkna var upptekinn þessa helgi út af undanúrslitaleik meistaraflokks var Vilhjálmur Einarsson fenginn til að fara suður með liðinu.  Á laugardeginum mættu stelpurnar Fjölni í Grafarvogi. Eitthvað gekk illa hjá Fjölnisstúlkum að manna liðið og fyrir vikið mættu einungis sex stelpur til leiks hjá Fjölni!

/* 4. flokkur karla lék um helgina í KA-Heimilinu. A-liðið lék gegn toppliði Stjörnunnar og vann þar mjög sannfærandi sigur 26-21 eftir að hafa leitt með fjórum mörkum í hálfleik. B-1 vann Þrótt stórt 31-17 en B-2 beið lægri hlut fyrir Stjörnumönnum 16-17 eftir hörkuleik. A-liðið hefur nú komið spennu í sína deild og er nú einungis 2 stigum á eftir toppliðinu. B-liðin bæði eru líka einum sigurleik á eftir efstu liðum. Það er því alls staðar að fara í gang mjög spennandi og áhugaverð báráttu um efstu sætin í deildunum og skiptir hver leikur gríðarlegu máli þessa stundina.

Öll þrjú lið 4. flokks karla leika um helgina í KA-Heimilinu. Í A-liðum kemur Stjarnan í heimsókn en Stjarnan er á toppi deildarinnar nokkuð á undan öðrum liðum. Ljóst er að til að okkar menn eigi möguleika á að berjast við þá á toppnum þá þarf KA sigur í leiknum. B-liðin bæði eru einnig í toppbaráttu í sínum deildum. B-2 leikur einnig við Stjörnuna sem er sæti neðar en þeir og B-1 spilar við Þrótt. Fólk er eindregið hvatt til að mæta á leikina. Laugardagur: 18:00: KA - Stjarnan (A-lið) Sunnudagur: 10:00: KA2 - Stjarnan (B-lið) 11:00: KA1 - Þróttur (B-lið)

Á morgun mætast KA og Þór í úrslitaleik Soccerademótsins en liðin sigruðu bæði sína riðla með fullt hús stiga. Á laugardaginn mætir 2. flokkur síðan Völsungum í leik um 5. sætið.

Um helgina fer fram undankeppni 2 í Brosbikarnum 2009. Alls verða 10 lið í mótinu sem verður í KA heimilinu frá kl. 19.00 á föstudag fram til 15.00 á laugardag.  Blakdeild KA sér um framkvæmd mótsins ásamt Blaksambandi Íslands. Kvennalið KA spilar fyrsta leik sinn á mótinu gegn Fylki kl. 19:00 á föstudag.  Karlalið KA spilar ekki á mótinu þar sem það hefur þegar tryggt sér sæti í fjögurra liða úrslitum með því að sigra sinn riðil á fyrra mótinu sem fram fór í Ólafsvík í haust.