Fréttir

Lokahóf yngriflokka Blakdeildar KA var haldið í vikunni.  Sú hefð hefur skapast í blakinu að halda hófið í Kjarnaskógi og setja þar upp útiblaknet, spila blak og fara í leiki. Foreldrar fjölmenntu og tóku þátt í fjörinu og spiluðu ýmist með eða á móti sínum börnum.

Þriðja umferð 1. deildar karla hófst á fimmtudag með tveimur leikjum. Leiknismenn, sem spáð var 9. sæti í spá fyrirliða og þjálfara, sem vefsíðan fótbolti.net framkvæmdi, tóku á móti norðanpiltum í blíðskaparveðri í Breiðholtinu. Aðstæður til knattspyrnuiðkunar voru góðar en völlurinn virtist þó vera eilítið loðinn.

Á öllum heimaleikjum sumarsins mun sérstök dómnefnd vera að störfum og að leik loknum velja mann leiksins. Sá sem verður fyrir valinu fær að launum út að borða á veitingastaðnum Strikinu.

Fundur á vegum aðalstjórnar með öllum deildum félagsins var haldinn í kvöld í KA Heimilinu. Á fundinn mættu fulltrúar frá hverri deild og kynntu þeir það sem starf hverrar deildar. Erlingur Kristjánsson kom frá handknattleiksdeild og Sigfús Karlsson frá unglingaráði handknattleiksdeildar. Gunnar Gunnarsson kynnti knattspyrnudeild og Unnur Sigurðardóttir kynnti unglingaráðið þeirra. Einnig komu á fundinn aðilar sem hafa unnið að félagakerfi fyrir unglingaráðið sem mun auðvelda þeim mjög vinnu við innheimtu æfingagjalda. Sigurður Arnar kynnti blakdeild félagsins en hinsvegar kom enginn fulltrúi frá júdódeild félagsins. Stefán Jóhannson var kallaður óvænt upp í pontu og kynnti fyrir viðstöddum stuttlega starf Akureyri-Handboltafélags. Eftir fundinn sköpuðust skemmtilegar umræður um ýmsa hluti.

Með hækkandi sól færist meira líf á KA svæðið sem legið hefur í dvala síðan í haust. Tíðindamaður síðunnar brá sér út í dag, spjallaði við starfsfólk KA heimilins og fylgdist með framkvæmdum sem að í gangi eru á vellinum.

Aðalfundur Blakdeildar KA verður haldinn miðvikudaginn 27. maí kl. 21:00 í KA heimilinu. Hefðbundin aðlafundarstörf. Blakáhugamenn, foreldrar og aðrir velunnarar eru hvattir til að mæta.  Stjórn Blakdeildar KA.

Helga Hansdóttir mun keppa á Ólympíuleikum æskunnar í Finnlandi í sumar. 

Vormót KA í júdó fór fram síðasta miðvikudag. 

Á mánudagskvöldið n.k., 25. maí, mun aðalstjórn KA halda fund með stjórnum allra deilda og unglingaráðum þeirra í KA - Heimilinu. Fundurinn hefst klukkan 20:30 og fundarstjóri verður hinn geysi vinsæli Gunnar Níelsson sem slegið hefur eftirminnilega í gegn á hverjum fundinum á fætur öðrum. Dagskrá er svo hljóðandi: 1.Stefán Gunnlaugsson formaður KA bíður fólk velkomið 2.Tryggvi Gunnarsson varaformaður KA og Gunnar Jónsson framkvæmdastjóri KA gera stuttlega grein fyrir störfum aðalstjórnar 3.Hver deild gerir stuttlega grein fyrir störfum sínum.. 4.Opnar umræður 5.Kaffi og með því

Valinn hefur verið 14 manna lokahópur U-17 landsliðs Íslands í handbolta sem mun fara fyrir Íslands hönd á Ólympíuleika æskunnar í Finnlandi en leikarnir fara fram í júlí. Tveir KA-menn eru í lokahópnum og heita þeir Ásgeir Jóhann Kristinsson og Guðmundur Hólmar Helgason. Drengirnir voru á yngra ári í 3. flokki í vetur en léku þó einnig báðir með 2. flokki hjá Akureyri Handboltafélagi, Guðmundur t.d. byrjaði úrslitaleikinn gegn FH. Þá var Ásgeir í hóp hjá meistaraflokki eitt sinn í vetur. Til hamingju strákar og gangi ykkur vel!