Fréttir

Í kvöld mætast KA og Njarðvík á Akureyrarvellinum og leikurinn hefst kl. 19:15. Í síðasta leik liðanna hirtu Njarðvíkingar öll þrjú stigin af KA-mönnum og vonandi að strákarnir nái að taka þrjú stig í kvöld til að bæta upp fyrir það.

Það er æfing í kvöld (þriðjudag) klukkan 19:00 í KA heimilinu.  Allar áhugasamar stelpur eru hvattar til að mæta en þær sem ekki komast í dag ættu endilega að hafa samband við Stefán Guðnason í síma 8682396

Æfingar eru hafnar hjá meistara- og unglingaflokki KA/Þórs í handbolta.  Næstu æfingar eru í kvöld þriðjudag kl.18:30 í KA heimili og á morgun miðvikudag kl.18:30 í KA-Heimilinu. Þjálfari hefur verið ráðinn Stefán Guðnason og honum til aðstoðar verða Jóhannes Bjarnason og Erlingur Kristjánsson.

Nú rétt í þessu var að ljúka leik okkar KA manna gegn Haukum á Ásvöllum. KA og Haukar hafa mæst tvisvar á undanförnum árum á Ásvöllum, ávallt hefur rignt og ávallt hafa bæði lið skorað sitthvort markið. Á því varð þó ein breyting - Haukarnir skoruðu ekkert. Sigur í útileik 0-1 gegn liði sem fyrirfram mátti búast við erfiðari leik gegn.

Í kvöld mætast KA-menn og Haukar á gervigrasinu að Ásvöllum í Hafnarfrði, leikurinn fer fram kl 19:15 og hvetjum við alla KA-menn fyrir sunnan að kíkja á leikinn og styðja sína menn til sigurs.

Nú er að hefjast undirbúningur hjá meistara- og unglingaflokki kvenna í handboltanum fyrir komandi tímabil.  Fyrsta æfing verður miðvikudaginn 6. ágúst kl. 18:00 í KA heimilinu. Fljótlega verða svo settir á fastir æfingatímar.   Allar nánari upplýsingar fást hjá Erlingi í síma 690-1078.

Heimasíðan heyrði hljóðið í Skagamanninum Andra Júlíussyni í dag en í vikunni var ákveðið að hann kæmi til KA á láni út tímabilið frá úrvalsdeildarliði ÍA. Andra líst vel á þessa tilbreytingu og hlakkar til að koma norður.

Í dag fékkst það staðfest að sóknarmaðurinn Andri Júlíusson sem er á mála hjá ÍA mun koma á láni til KA út leiktímabilið en Andra hefur gengið illa að festa sig í sessi hjá Landsbankadeildarliðinu í sumar.

Miðvallarleikmaðurinn Guðmundur Óli Steingrímsson er farinn aftur á heimaslóðir til Húsavíkur þar sem hann mun leika með Völsungum, uppeldisfélagi sínu.

Á þriðjudag mættust KA og Selfoss á heimavelli þeirra síðarnefndu en þeir fóru með 2-1 sigur af hólmi í flottu fótboltaveðri á Selfossi.