Fréttir

Í gær, fimmtudag, var haldin sérstök æfing fyrir stóra handboltamenn á Íslandi. Mikið hefur verið rætt og ritað um það að undanförnu hve brýn nauðsyn sé á slíkum mönnum í íslenskan handbolta í framtíðinni. KA menn hafa stóra leikmenn líkt og önnur lið og vildu að sjálfsögðu senda sína leikmenn á þessa æfingu.

Í dag, föstudag, leika KA-menn sinn annan heimaleik á tímabilinu en þann fyrsta á Akureyrarvellinum þegar Selfyssingar sem eru í öðru sæti deildarinnar koma í heimsókn. Leikurinn hefst kl. 19:15 en Vinir Sagga og aðrir stuðningsmenn ætla að hittast á Allanum kl. 18:00.

Nú er komið sumar hjá meistaraflokki og hafa æfingatímar tekið mið af því.  Það verða þrjár þrekæfingar í viku úti, sunnan við Hrafnagilsskóla og tvær júdóæfingar í KA heimili. Æfingar í sumar verða á eftirtöldum tímum: Útiæfingar: Þriðjudaga - kl. 20:00 Föstudaga - kl. 20:00 Sunnudaga - kl. 15:00 Júdóæfingar í KA heimili: Mánudaga - kl. 20:00 Fimmtudaga - kl. 20:00 Tímar geta breyst og því gott að hafa samband við Óda í síma 898-5558 ef þið hafið ekki mætt nýlega.

Stefnt er að því að Fótboltaskóli Grétars Rafns Steinssonar, Bolton og Vífilfells verði með fimm daga námskeið á Akureyri dagana 9. til  13. júní nk.

Heimasíðunni hafa borist fjölmargar stórgóðar myndir úr leiknum í fyrradag gegn Víkingum sem eins og áður segir fór 3-1 fyrir heimamönnum.

Hinn ungi fyrirliði okkar manna, Almarr Ormarsson, hefur verið dæmdur í tveggja leikja bann fyrir rauða spjaldið sem hann fékk í leiknum gegn Víking R.

Um helgina lék A-liðið annars flokks sína fyrstu leiki í Íslandsmótinu í sumar en B-liðið hefur ekki leik fyrr en á laugardaginn nk.

Kæru blakarar og foreldrar/forráðamenn Nú er frábærum blakvetri að ljúka og verður lokahóf 3. – 6. flokks haldið þriðjudaginn 20. maí kl. 17:00. Við ætlum að hittast við KA-heimilið kl. 17:00, sameinast þar í bíla og halda út í Kjarnaskóg ef veður leyfir. Þar munum við spila blak og skemmta okkur saman. Fari svo að veðrið verði okkur ekki hliðhollt munum við vera í KA-heimilinu í staðinn.

Aðalfundur Blakdeildar KA var haldin 7. maí síðastliðinn. Nýr formaður var kosinn á fundinum Sigurður Arnar Ólafsson en Hjörtur Halldórsson sem áður var formaður deildarinnar lét af embætti. Hjörtur mun þó  áfram sitja í stjórn deildarinnar. Sigurður Arnar hefur lengi setið í stjórn Blakdeildar KA og er þar flestum hnútum kunnugur. Hann hefur m.a. stýrt yngriflokkamálum deildarinnar í áraraðir.

KA-menn sóttu Víkinga heim í 2. umferð 1. deildar karla í gærdag. Aðstæður til knattspyrnuiðkunar voru prýðilegar, veður nokkuð stillt og þurrt, völlurinn virðist koma ágætlega undan vetri.