Fréttir

Fyrirliði 2.flokks, Aksentije Milisic, tyllti sér fyrir framan tölvunna og fór ítarlega í tímabilið hjá 2.flokki í sumar Tímabilið hjá okkur í 2.flokknum var virkilega skemmtilegt og áhugavert en að lokum enduðum við í 7.sæti í 10 liða deild. Margt spilað inn í hjá okkur í sumar en oftar en ekki urðu lykilmenn meiddir en við áttum í miklum vandræðum með markmenn í sumar og voru allt að 4 markmenn í búrinu hjá okkur.

Getraunastarf knattspyrnudeildar KA fer senn að hefjast. Fyrirkomulagið verður með talsvert breyttu sniði sem gerir fleirum kleift að vera með. Hópleikir tímabilsins verða tveir að þessu sinni, einn fyrir áramót og annar eftir áramót. Síðustu ár hafa vinningarnir verið einkar glæsilegir og það verður engin breyting þar á.

Undirritaður hefur verið samningur knattspyrnudeildar og miðvarðarins Gauta Gautasonar sem er uppalinn KA-strákur og hefur unnið sér sæti í U-17 landsliði Íslands. Samningurinn er til ársloka 2014.

KA-stelpurnar Lára Einarsdóttir og Helena Jónsdóttir hafa verið valdar í U-19 landsliðshópinn, sem mun spila í undankeppni Evrópumótsins í Danmörku dagana 20.-25. október nk. Ísland mætir Slóvakíu í fyrsta leik 20. október, Moldavíu 22. október og lokaleikurinn verður við Danmörku 25. október.

Hallgrímur Mar Steingrímsson er í liði ársins í 1. deildinni, að loknu nýafstöðnu keppnistímabili, að mati fótboltavefsíðunnar Fotbolti.net. Lið ársins var kunngjört í hófi í gærkvöld.

U-17 landslið karla í knattspyrnu lenti í 3. sæti í undankeppni Evrópumótsins í knattspyrnu á Möltu, sem lauk í gær. Liðið spilaði þrjá leiki - gegn Portúgal, Noregi og Möltu - tapaði leikjunum gegn Portúgal og Noregi en hafði sigur á Möltu. Fulltrúi KA í liðinu, miðvörðurinn Gauti Gautason var í byrjunarliðinu í öllum leikjunum og spilaði leikina til enda og stóð sig að sjálfsögðu mjög vel, samkvæmt okkar upplýsingum.

Bjarni Jóhannsson er næsti þjálfari meistaraflokks KA í knattspyrnu. Bjarni og Gunnar Níelsson, formaður knattspyrnudeildar KA, skrifuðu undir samning þess efnis í KA-heimilinu síðdegis í dag og er samningurinn til þriggja ára.

Hallgrímur Mar Steingrímsson, kantmaðurinn knái í KA-liðinu, framlengdi samning sinn við KA í dag og er nú samningsbundinn félaginu næstu tvö keppnistímabil.

Nýr þjálfari KA í knattspyrnu verður kynntur til sögunar í KA heimilinu í dag (fimmtudag) kl 17:15, í leiðinni mun einn okkar allra efnilegasti leikmaður skrifa undir nýjan samning. ALLIR KA menn og konur eru hjartanlega velkomin í KA-Heimilið í dag og bera nýjan þjálfara augum, boðið verður uppá kaffi og  jafnvel með því! Mætum KA fólk!

Gunnlaugur Jónsson lét af störfum sem þjálfari KA á lokahófi kanttspyrnudeildar um síðustu helgi en hann hafði stýrt liðinu í 2 ár og var á réttri braut með liðið en fjölskylduaðstæður urðu til þess að ómögulegt var fyrir hann að halda áfram á Akureyri.