Fréttir

Loksins, loksins,  fyrsti heimaleikur okkar fer fram í kvöld.  Ég hef beðið þessarar stundar frá lokum október en nú er sú bið á enda. Lið okkar er klárt í slaginn, góður sigur um síðustu helgi eftir áfallið gegn ÍR helgina á undan staðfestir þessi orð mín.  

Ágætu KA-menn! Við þurfum áfram á liðsinni ykkar að halda í dag á Akureyrarvelli! Við ætlum að mæta kl. 16 og halda áfram þar sem frá var horfið í gær við annars vegar þökulagningu sunnan syðra marksins og hins vegar að setja niður sætin í stúkuna! Ef við fáum góðan hóp fólks förum við langt með þetta verkefni í dag. Sjáumst!    

Fyrsti heimaleikur KA á þessu keppnistímabili verður á Akureyrarvelli á morgun, föstudaginn 25. maí, og hefst hann kl 18.30. Fyrir leikinn verður boðið til grillveislu á vellinum og eru allir hvattir til þess að mæta snemma og hafa gaman. Veðurspáin er flott og því ekkert því til fyrirstöðu að eiga góða stund á vellinum, hvetja okkar stráka til sigurs og njóta þess að sitja í fyrsta skipti í nýju sætunum á Akureyrarvelli.

Þá loksins er okkar frábæra lag, ÁFRAM KA MENN, komið í nýjan búning eftir mikla vinnu. Hér að neðan má sjá afraksturinn. Ég vil þakka öllum þeim sem hjálpuðu til við verkefnið og sérstaklega Eyþóri Inga og Þórði Gunnari, upptökustjóra.

Miðvikudaginn 23. maí frá kl. 16.00 verður vinnudagur KA-manna á Akureyrarvelli. Hafist verður handa við að setja niður sæti í stúku Akureyrarvallar og einnig verða lagðar þökur sunnan syðra marks vallarins. Allar vinnufúsar hendur eru vel þegnar og eru allir stuðningsmenn KA og velunnarar hvattir til að koma í góða veðrinu á Akureyrarvöll - í vinnugallanum - og leggja sitt að mörkum!!!

Nýjasti liðsmaður KA er eins og flestir vita ungverski framherjinn Dávid Disztl sem er okkur KA-mönnum vel kunnu,r enda raðaði hann inn mörkum fyrir félagið 2009 (15 í 19 leikjum) og 2010.

Stuðningsmönnum KA í knattspyrnu er bent á að nú stendur yfir sala ársmiða á heimaleiki KA í sumar. Við hvetjum sanna stuðningsmenn að fá sér ársmiða á völlinn í sumar og tryggja sér um leið kaffi og meðlæti í hálfleik. Miðana er hægt panta með því að hringja í Óskar Þór, framkvæmdastjóra knattspyrnudeildar, í síma 773 3009 eða senda póst á oskar@ka-sport.is Við skorum á stuðningsmenn KA að sýna stuðning sinn í verki og tryggja sér ársmiða. Minnum á að fyrsti heimaleikurinn er nk. föstudag, 25. maí, þegar við tökum á móti Víkingi R, sem spekingarnir spá að tryggi sér úrvalsdeildarsæti á nýjan leik með því að verða annað hvort í 1. eða 2. sæti 1. deildar í haust.

KA-menn sigldu frábærum 1-3 útisigri í höfn gegn Leikni í Breiðholtinu í gær. Það er ár og dagur síðan KA hefur unnið Breiðhyltinga á þeirra heimavelli og því var sigurinn ákaflega sætur.

KA spilar á Akureyrarvelli gegn Fjarðabyggð í 32ja liða úrslitum bikarsins. Þetta varð ljóst eftir dráttinn í höfuðstöðvum KSÍ í dag. Margir aðrir spennandi leikir fara fram í þessari umferð bikarsins, en hæst ber vissulega endurtekinn slagur Skagamanna og KR á Akranesi

2.umferð 1.deildarinnar fer fram á morgun og líkt og í fyrstu umferðinni fara okkar menn í Breiðholtið og mæta núna Leikni Reykjavík kl 14:00 á morgun, laugardag.