Fréttir

KA hefur samið við enska vinstri bakvörðinn Darren Lough, sem er 23ja ára gamall og spilaði með unglingaliðum og varaliði úrvalsdeildarliðsins Newcastle. Hann kom einnig við sögu í æfingaleikjum aðalliðsins. Í vetur hefur hann spilað með utandeildarliðinu Ashington. Darren er nú þegar kominn með keppnisleyfi með KA og því löglegur í fyrsta leik KA-liðsins í 1. deildinni nk. laugardag gegn ÍR-ingum.

Nú eru aðeins tveir dagar í mót og þá birtist síðasti hlutinn þar sem KA-menn spá í spilin fyrir sumarið. Í þetta skipti eru sex spámenn og hægt að segja að um er að ræða algjörar kanónur! Fyrstan má nefna Jón Óðinn Waage eða Óda Júdó eins og hann er alltaf kallaður hann þarf ekkert að kynna frekar en mann númer tvö, legöndið Þorvald Makan, næstur kemur svo Gunnar Þórir Björnssonm, harður stuðningsmaður, því næst Ragnar Heiðar Sigtrygsson, sem situr í svokallaðari vallarnefnd hjá félaginu þá er röðin komin að Sigga Gunnars, útvarps-, sjónvarps og Derby mann,i og að lokum er það svo Davíð Már Kristinsson, harður KA- maður.

Þá er komið að þrem góðum KA mönnum í viðbót og þeirra spá fyrir komandi sumar, að þessu sinni eru það þeir Hjörvar Maronsson, fyrrum leikmaður KA og nýr stjórnarmeðlimur, Siguróli Sigurðsson, harður stuðningsmaður og formaður Vinir Sagga og að lokum Hlynur Örn Ásgeirsson, harður KA-maður.

SportTV vefsíðan sýnir beint frá a.m.k. einum leik í hverri umferð 1. deildar karla í sumar. Þetta eru góð tíðindi og mun klárlega auka áhuga á leikjum í deildinni í sumar, sem verður alveg örugglega mjög spennandi og jöfn. Samningar um þetta tókust í gær milli Knattspyrnusambands Íslands og SportTV.

Nú er unnið hörðum höndum að því að endurvinna gamla, góða stuðningslag KA, sem Bjarni Hafþór Helgason samdið árið 1989 - árið sem KA varð Íslandsmeistari í knattspyrnu. Það er Jóhann Már Kristinsson, sem hefur haft veg og vanda að þessari vinnu og afraksturinn mun gleðja eyru stuðningsmanna KA og fleiri um það leyti sem KA tekur á móti Víkingi R í fyrsta heimaleiknum á þessu keppistímabili.

Nú eru einungis 4 dagar í að flautað verður til leiks í 1. deildinni og fékk ég því 9 góða KA menn til að spá í spilin fyrir komandi sumar. Fyrstir ríða á vaðið Egill Ármann (þjálfari), Aðalbjörn Hannesson (þjálfari) og Orri Gústafsson sem lék með KA í fyrra en tók sér frí frá fótboltanum og hélt til Japans í nám í sjávarútvegsfræði.

Þjóðverjar höfðu betur gegn okkar strákum í U-17 landsliðinu í Evrópumóti landsliða í Slóveníu í dag. Þjóðverjarnir skoruðu markið sem skildi liðin að á 20. mínútu leiksins. KA-mennirnir Fannar Hafsteinsson og Ævar Ingi Jóhannesson voru í byrjunarliðinu í dag - Ævari var skipt útaf rétt undir lok leiksins.  

Í árlegri spá fyrirliða og þjálfara 1.deildar á vefsíðunni Fótbolti.net er okkur KA-mönnum spáð 6. sæti í deildinni í sumar eða tveim sætum ofar en við enduðum í fyrra. Garðar Gunnar Ásgeirsson er sérfræðingur Fotbolti.net í þessum spádómi og hann hafði þetta  að segj um KA-liðið:

Íslenska U-17 landsliðið í knattspyrnu með KA-strákana Fannar Hafsteinsson og Ævar Inga Jóhannesson innanborðs mæta Þjóðverjum í öðrum leiknum í úrslitakeppni Evrópumótsins í knattspyrnu á morgun, mánudag. Leikurinn hefst kl. 16.30 að íslenskum tíma og er rétt að vekja athygli á því að hann verður sýndur í beinni útsendingu íþróttarásarinnar Eurosport.

Íslenska U-17 piltalandsliðið í knattspyrnu gerði í kvöld jafntefli við sterkt lið Frakka í fyrsta leik liðanna í úrslitakeppni Evrópumótsins í Slóveníu. Íslendingar lentu undir 0-2 en með miklu harðfylgi og baráttu í seinni hálfleik skoruðu þeir tvö mörk og uppskáru eitt stig. Fannar Hafsteinsson varði mark Íslands í leiknum í kvöld og greip oft gríðarlega vel inn í og Ævar Ingi Jóhannesson, sem var á vinstri kantinum, spilaði allan leikinn af þeim krafti og ódrepandi baráttuvilja sem er einkennandi fyrir hann.