Fréttir

Í árlegri spá fyrirliða og þjálfara 1.deildar á vefsíðunni Fótbolti.net er okkur KA-mönnum spáð 6. sæti í deildinni í sumar eða tveim sætum ofar en við enduðum í fyrra. Garðar Gunnar Ásgeirsson er sérfræðingur Fotbolti.net í þessum spádómi og hann hafði þetta  að segj um KA-liðið:

Íslenska U-17 landsliðið í knattspyrnu með KA-strákana Fannar Hafsteinsson og Ævar Inga Jóhannesson innanborðs mæta Þjóðverjum í öðrum leiknum í úrslitakeppni Evrópumótsins í knattspyrnu á morgun, mánudag. Leikurinn hefst kl. 16.30 að íslenskum tíma og er rétt að vekja athygli á því að hann verður sýndur í beinni útsendingu íþróttarásarinnar Eurosport.

Íslenska U-17 piltalandsliðið í knattspyrnu gerði í kvöld jafntefli við sterkt lið Frakka í fyrsta leik liðanna í úrslitakeppni Evrópumótsins í Slóveníu. Íslendingar lentu undir 0-2 en með miklu harðfylgi og baráttu í seinni hálfleik skoruðu þeir tvö mörk og uppskáru eitt stig. Fannar Hafsteinsson varði mark Íslands í leiknum í kvöld og greip oft gríðarlega vel inn í og Ævar Ingi Jóhannesson, sem var á vinstri kantinum, spilaði allan leikinn af þeim krafti og ódrepandi baráttuvilja sem er einkennandi fyrir hann.

Nú eru aðeins átta dagar í að flautað verði til fyrsta leiks KA í 1. deildinni, þegar við heimsækjum ÍR-inga suður yfir heiðar. Í aðdraganda knattspyrnusumarsins blæs knattspyrnudeild til kynningarkvölds í KA-heimilinu nk. fimmtudagskvöld, 10. maí, kl. 20.30

Jóhann Helgason, oft kenndur við Sílastaði, gekk í raðir KA á nýjan leik nú í október eftir að hafa spilað hjá Grindavík frá 2006. Hann er uppalinn hjá KA og hefur leikið 51 leik í deild og bikar fyrir félagið en það var frá 2002 til 2005. Það má segja að Jóhann sé hvalreki á strendur KA en leikmaðurinn er gífurlega reynslumikill, með 122 leiki í meistaraflokki og á örugglega eftir að reynast KA vel í sumar.

KA-strákarnir Fannar Hafsteinsson (markmaður) og Ævar Ingi Jóhannesson (vinstri kantur) verða báðir í byrjunarliði Íslands sem mætir Frökkum í fyrsta leik úrslitakeppni Evrópumótsins í knattspyrnu í Slóveníu í dag. Leikurinn hefst kl. 18.30 að íslenskum tíma og verður unnt að fylgjast með textalýsingu af leiknum á vefsíðunni http://www.uefa.com/. KA sendir þeim Fannari og Ævari Inga og öllu íslenska liðinu barátttukveðjur fyrir leikinn í kvöld. Áfram Ísland!

Þá er komið að seinni hlutanum og er af nógu að taka á miðjunni og framlínunni og á formaðurinn í stökustu vandræðum.

Formaðurinn Gunnar Níelsson hefur í aðdraganda Íslandsmótsins sest niður og krassað niður á blað besta KA-lið sögunnar að hans mati. Liðið kemur hér inn á í tveimur pörtum og sá fyrri kemur í dag og seinni á morgun, gefum Gunnari orðið.

Greifamót KA í 8. flokki, 7. flokki karla og kvenna og 6. flokki kvenna verður haldið nk. laugardag í Boganum. Um 50 lið eru skráð til þátttöku. Spilað verður á átta völlum - 5 í liði. Þátttakendur koma frá KA, Þór, Völsungi, Samherjum, Magna, KF, Dalvík og Hetti á Egilsstöðum.

Nú eru 11 dagar þangað til flautað verður til leiks í 1.deild karla þegar okkar menn mæta ÍR á ÍR-velli. Fyrsti heimaleikurinn verður föstudaginn 25. maí og stefnir allt í að leikurinn fari fram á Akureyrarvelli, í fyrsta sinn í fjöldamörg ár sem fyrsti heimaleikur færi þar fram.