Fréttir

Íslensku stelpunum í U-17 landsliðinu í fótbolta tókst ekki að fylgja eftir góðum sigri á Englandi í milliriðli Evrópumótsins. Í gær urðu þær að sætta sig við 0-1 tap gegn Sviss. Í hinum leik riðilsins unnu þær ensku belgísku stallsystur sínar. Það er því allt opið í riðlinum fyrir síðustu umferðina.

KA lauk Lengjubikarnum með sigri á Eyjamönnum í dag á Leiknisvelli í Breiðholtinu með tveimur mörkum gegn einu. Jóhann Helgason gerði bæði mörk KA.

Stelpurnar í U-17 landsliði kvenna gerðu sér lítið fyrir og sigruðu enskar jafnöldrur sínar í milliriðli Evrópumóts landsliða í Belgíu í dag með einu marki gegn engu. Lára Einarsdóttir úr KA og leikmaður Þórs/KA var í byrjunarliðinu í dag. Sigurmark Íslands skoraði Sandra María Jessen úr Þór og leikmaður Þórs/KA á 14. mínútu leiksins.

Öll munum við eftir skelfingunni sem blasti við okkur þegar að vora tók í fyrra og KA svæðið leit út eins og fínasta strönd á Flórída og gerði það í raun mest allt síðasta sumar sem olli miklum erfiðleikum fyrir flokka félagsins sem og N1 mót og Arsenalskólann. Það virðist ætla að vera annað uppá tengingum þetta árið. Fyrir tæpu ári síðan sendi Þórir Tryggva mér mynd af ströndinni okkar og fór á á sama stað í morgun og smellti af mynd af svæðinu. Mynd segir meira en þúsund orð.

Stjórn KSÍ hefur samþykkt að heimila KA að spila heimaleiki sína á Akureyrarvelli næsta sumar með því skilyrði að 300 aðskilin sæti verði komin í stúku vallarins fyrir 15. júlí nk.

Í dag var dregið í riðla í lokakeppni Evrópumóts U-17 landsliða pilta, sem fram fer í Slóveníu dagana 4.-16. maí nk. Íslenska liðið er í A-riðli ásamt Frökkum, Þjóðverjum og Georgíumönnum. Tveir KA-menn, Fannar Hafsteinsson, markvörður og kantmaðurinn Ævar Ingi Jóhannesson, voru í U-17-landsliðinu, sem tryggði sér farseðilinn í lokakeppnina.

Þorlákur Árnason, landsliðsþjálfari U-17 landsliðs kvenna, hefur valið KA-stelpuna Láru Einarsdóttur í liðið fyrir milliriðil Evrópumóts landsliða í Belgíu 13.-18. apríl nk.

Nú eru eftir aðeins fá sæti í Arsenalskólann á Akureyri í júní í sumar. Nánari uppýsingar gefur Pétur í síma 861 2884.

Liverpool goðsögnin Robbie Fowler skrifaði nú rétt í þessu undir samning við KA sem nær út komandi keppnistímabil. Það er ljóst að Robbie mun verða góð viðbót við KA-liðið enda með áralanga reynslu úr ensku úrvalsdeildinni þar sem hann er einn markahæsti leikmaður deildarinnar frá upphafi.