Fréttir

Á morgun, þriðjudag, hefjast sumaræfingar hjá yngri flokkunum á KA-svæðinu. Á laugardaginn sl. var KA-dagurinn sem markaði upphafið á sumarstarfinu.

Klukkan tvö í dag mættust KA og HK í sól og blíðu á Akureyri. Miðað við leik liðana á miðvikudagskvöldið í bikarnum mátti búast við skemmtilegum leik og sú varð raunin. Bæði lið fengu mörg færi og hefðu auðveldlega getað skorað fleiri mörk. Um var að ræða leik í fimmtu umferð fyrstu deildarinnar.

Búið er að láta öll mörkin úr bikarleiknum gegn HK inn á netið. Björgvin Kolbeinsson tók leikinn upp og hefur klippt mörkin út og látið á vefsíðuna YouTube. Með því að smella á lesa meira er hægt að horfa á öll fimm mörkin.

Á laugardag er nóg að gerast í kringum félagið. KA-dagurinn, KA tekur á móti HK, leikur hjá 3. flokki kvenna og Vinir Sagga að hita upp fyrir leik og mikil stemning.

Eins og flestir ættu að vita eigast KA og HK við í annað skipti á fjórum dögum á laugardaginn. Á miðvikudaginn fóru KA-menn með 3-2 sigur af hólmi eftir framlengdan baráttuleik. HK-ingar börðust vel í leiknum og Tómas Ingi, þjálfari þeirra, getur verið sáttur með það. Heimasíðan heyrði í Tómasi eftir leikinn og spurði hann út í leikinn sem og viðureign liðana á laugardaginn.

Á morgun mætast KA og HK í annað sinn á fjórum dögum. Í þetta skiptið mætast liðin í fimmtu umferð fyrstu deildarinnar. Liðin mættust í 32 liða úrslitum Visa bikarsins á miðvikudaginn og fóru KA-menn með sigur af hólmi, 3-2 eftir framlengdan leik. Mörk KA manna komu frá Andra Fannari sem skoraði tvö og svo Guðmundi Óla sem skoraði stórglæsilegt mark með viðstöðulausu skoti utan teigs.

Nú fyrr í kvöld áttust við KA og HK á KA-vellinum í 32 liða úrslitum VISA-bikarsins. Búast mátti við hörkuleik enda um tvö góð lið að ræða og sú varð raunin. KA-menn börðust allan leikinn af krafti og eiga hrós skilið fyrir. Umfjöllun með myndum.

KA-menn unnu HK á KA-vellinum í 32-liða úrslitum í kvöld eftir framlengingu. Nánari umfjöllun og myndaveisla á leiðinni.

Vinir Sagga ætla að hita upp fyrir leikinn gegn HK á morgun með því að hittast á veitingastaðnum Bryggjunni og gera sig klára í leikinn sem fer fram á KA-svæðinu.

KA leitar að metnaðarfullum þjálfurum frá og með næsta hausti sem eru tilbúnir að leggja sitt af mörkum til að efla yngri flokkana hjá félaginu og vinna skv. stefnu félagsins. Reynsla af þjálfarastörfum og þjálfaramenntun frá KSÍ er skilyrði.