Fréttir

Búið er að færa til leik KA-liðanna í Kjarnafæðismótinu í knattspyrnu um einn sólarhring. Hann verður ekki spilaður miðvikudagskvöldið 23. janúar, eins og upphaflega var gert ráð fyrir, heldur fimmtudaginn 24. janúar kl. 19.00 í Boganum.

5 leikir verða hjá yngri flokkum um helgina ásamt leik meistaraflokks kvenna á móti ÍR sem verður á laugardaginn kl 16:00 í KA heimilinu þannig að það er löng og spennandi handboltahelgi framundan

KA mætti Dalvík/Reyni í 3.umferð Kjarnafæðismótsins í Boganum kl 15:15 í dag. Byrjunarlið KA var svipað liðinnu sem vann KF um síðustu helgi.

Í morgun var hafist handa við að grafa fyrir væntanlegum gervigrasvelli á KA-svæðinu. Í stað moldar verður keyrt möl í holuna og síðan er ætlunin að fergja svæðið í ákveðinn tíma áður en lengra verður haldið með framkvæmdina.

Á laugardaginn á meistaraflokkur kvenna í KA/Þór heimaleik gegn Fjölni og hefst leikurinn klukkan 16:00 í KA heimilinu. Leikurinn er í utandeildinni en þar er KA/Þór í toppbaráttunni með 12 stig eftir 7 leiki en Fjölnir er með 10 stig eftir 11 leiki. Þetta verður eiginlega fyrsti heimaleikur KA/Þór síðan 20. október því að bæði Haukar og Fylkir gáfu sína leiki þegar liðin áttu að koma hingað norður. Við hvetjum alla til að koma og styðja stelpurnar til dáða í þessum leik.

Núna fara getraunirnar á fullt aftur og við byrjum nýjan hópleik n.k laugardag og í þetta sinn fær sá sem lendir í fyrsta sæti ferðavinning með Úrval útsýn. Einnig er fullt af öðrum flottum vinningum.

Hér má finna nýjustu útgáfu stundatöflu vorannar.

Næstkomandi helgi verða heimaleikir hjá eftirtöldum flokkum: Laugardagur kl. 18:00  KA/Þór - Fjölnir 2  4. flokkur stúlkna yngra ár (2. deild) Sunnudagur  kl. 11:00  KA/Þór - Fjölnir  3. flokkur stúlkna  (2. deild)                      kl. 12:30  KA/Þór - Stjarnan  4. flokkur stúlkna eldra ár (1. deild)                      kl. 13:30  KA/Þór - Stjarnan  4. flokkur stúlkna yngra ár (2. deild) Aðrir leikir hjá yngri flokkum eru: Föstudagur   kl. 14:30  KR - KA  3. flokkur drengja  (bikarleikur)     DHL-Höllinn                      kl. 20:00 Fylkir - KA  3. flokkur drengja (2. deild)         Fylkishöll Laugardagur kl. 13:30 Fylkir - KA  3. flokkur drengja (2. deild)         Fylkishöll

Val á Íþróttamanni Akureyrar verður kunngjört í athöfn sem hefst á Hótel KEA miðvikudaginn 16.janúar kl.17.00.Húsið opnar kl.16.30.DAGSKRÁ Í TILEFNI AF KJÖRI Á ÍÞRÓTTAMANNI AKUREYRAR.

Á stórafmælum KA er hefð fyrir að veita gull-, silfur- og bronsmerki sem þakklætisvott fyrir vel unnin störf í þágu félagsins. Engin breyting var þar á s.l. laugardagskvöld á 85 ára afmælishátíð KA. Alls voru veitt 65 merki, 36 brons, 23 silfur og 6 gull.