Fréttir

KA og Fram mætast nk. laugardag í Lengjubikarnum hér í Boganum. Leikurinn átti upphaflega að fara fram síðar á vormánuðum en hann hefur verið færður til laugardagsins 6. mars.

Aðalfundur Knattspyrnudeildar var haldinn s.l. fimmtudagskvöld. Um 30 manns mættu á fundinn. Á fundinum var kjörin ný stjórn en í henni eru,

Um helgina verður nóg að gera hjá KA mönnum ungum sem og eldri leikmönnum. kl 15:00 í dag verður flautað til leiks á Goðamóti þórs en mótið er fyrir 5.fl karla. KA sendir þar til leiks 4 lið sem etja kappi við mörg af sterkustu liðum landsins í þessum aldursflokki. Þjálfarar eru Dean Martin (m.fl þjálfari) og Egill Ármann Kristinsson

Aðalfundur knattspyrnudeildar KA verður haldinn í kvöld, fimmtudagskvöldið 25. febrúar, kl 20:00 í KA - heimilinu. Allir félagsmenn eru hvattir til þess að mæta til að fyljast með starfi deildarinnar. Einnig er þetta ágætur vettvangur til að ræða mál sem brenna á mönnum en orðið verður gefið laust undir lok fundar.

Undirbúningsmótin halda áfram og eftir svekkjandi silfur á Soccerade mótinu er komið að baráttunni í Lengjubikarnum. Með okkur í riðli eru FH, Fjölnir, Fram, Leiknir R., Selfoss, Valur og Víkingur R. Fyrsti leikurinn fer fram um helgina og munu við sækja Víkinga heim en leikurinn mun fara fram í Egilshöll á laugardag. Hann hefst kl 17:00 og hvetjum við alla KA menn á svæðinu til þess að mæta og styðja strákana til sigurs. Næsti leikur verður svo á Akranesi gegn Selfoss en fyrsti heimaleikur okkar er ekki fyrr en 14. mars. Leikjaplan er hægt að sjá undir lesa meira.

KA vann Þór 3-2 í leik um 7. sætið á Soccerademótinu í kvöld. Leikurinn var hraður og nokkuð skemmtilegur en KA-menn byrjuðu hann hörmulega, lentu 0-2 undir eftir tíu mínútur. Míló tók greinilega fjórfalda hárþurrkumeðferð í hálfleik a la Ferguson og átti KA allan seinni hálfleikinn. Í honum uppskáru þeir þrjú mörk og í heildina verður að telja sigur KA sanngjarnan.

Á sunnudaginn er einn af aðal dögum ársins, jú konudagurinn. Á þeim degi má alls ekki klikka á því að gefa konunni blóm því annars gæti farið illa. Í fyrra bauð knattspyrnudeild KA upp á afar góðan kost en hægt var að panta blómvönd sem síðan var sendur heim til viðkomandi. Gekk þetta svo vel að ákveðið hefur verið að endurtaka leikinn. Hægt er að kaupa tvær gerðir af blómvöndum, fyrir 2500. kr og 3500. kr og verður svo vendinum keyrt heim fyrir hádegi sunnudaginn n.k. Þetta er kjörin leið til að gleðja það sem veitir manni mesta ánægju í lífinu, jú konuna og að sjálfsögðu KA! Áhugasamir sendið pantanir á gassi@ka-sport.is eða hafið samband við: Gassa - 899 7888 Dóra - 861 5525

Hinn geysi sterki fótboltamaður frá Ólafsfirði, Ingi Freyr Hilmarsson, sem leikið hefur með KA undanfarin ár er á förum frá liðinu. Ingi hefur gert samning við 3. deildarliðið Årdal FK og mun halda utan á næstunni og hefja æfingar með þeim. Knattspyrnudeild KA óskar honum góðs gengis úti.

Úrlistaleikur um 1. sætið á Soccerade-mótinu fór fram í gærkvöld. Þar mættu okkar menn liði Völsungs. Staðan var 1 - 1 eftir venjulegan leiktíma og því þurfti að grípa til vítaspyrnukeppni sem Völsungar unnu svo. Deanó sagði í samtali við tíðindamann síðunnar að honum hafi fundist við vera mun betri aðilinn í leiknum en vandamálið hafi bara verið að við gátum ekki klárað færin. Næstu helgi hefst svo Lengjubikarinn og verður spennandi að sjá hvernig okkar menn standa sig þar.

Nú fer Soccerade-mótinu að ljúka og á einungis eftir að leika um sæti. Eins og fram hefur komið þá leikur KA 1 til úrslita á móti Völsungi og KA 2 leikur um 7. sæti á móti Þór 2. Leikur KA og Völsungs fer fram á sunnudaginn en leikur KA 2 fer fram næstkomandi miðvikudag.