Fréttir

KA framlengdi samning sinn við hinn kornunga Andra Fannar Stefánsson á sunnudaginn. Heimasíðunni þykir ekki leiðinlegt að heyra að pilturinn sé tilbúinn að spila með norðlenska stórveldinu áfram. Flest liðin í efstu deild voru búin að bera víurnar í kappann en hann tók þá skynsamlegu ákvörðun að vera áfram í föðurhúsum. Maturinn hjá mömmu þótti meira freistandi en að hækka sig um deild og spila með miðlungsliði á höfuðborgarsvæðinu.

Í útvarpsþættinum Fótbolti.net á X-inu á morgun laugardag mun verða leitað svara við því af hverju Akureyri eigi ekki lið í efstu deild karla.

Þorvaldur Sveinn Guðbjörnsson varnarmaðurinn reyndi sem lék með KA í sumar er genginn til liðs við KS/Leiftur sem leikur í 2. deildinni.

Í dag fór fram blaðamannafundur á Hótel KEA þar sem var gengið frá samstarfi milli KA og Arsenal um knattspyrnuskóla Arsenal sem fram fer á KA-svæðinu næsta sumar og skólinn kynntur nánar. Einnig var skrifað undir samning við styrktaraðila sem munu koma að skólanum. Hér má sjá það sem fyrir augu bar.

Paul Shipwright, talsmaður Arsenal Soccer School, skrifaði undir samning við KA á Hótel KEA í dag en hann segist vera spenntur fyrir skólanum næsta sumar.

Í dag var skrifað undir samstarf milli KA og Arsenal um að enska úrvalsdeildarfélagið verði með knattspyrnuskóla á Akureyri næsta sumar en Pétur Ólafsson yfirþjálfari yngriflokka KA er forsprakkinn að þessu samstarfi.

Yngriflokkaráð og knattspyrnuskóli Arsenal, Arsenal soccer school, hafa samið um að í júní næsta sumar verði Arsenal með 5 daga námskeið á KA svæðinu. Skrifað var undir samning þess efnis í dag, 20. október. Skólinn verður fyrir iðkendur í 5., 4. og 3. flokki og að sjálfsögðu bæði fyrir stráka og stelpur.

Miðvallarleikmaðurinn og fyrirliði KA síðasta sumar, Arnar Már Guðjónsson, er farinn aftur til uppeldisfélags síns á Skaganum en þetta var staðfest bæði á vefsíðu Skagamanna og fótbolta.net

Yngriflokkaráð knattspyrnudeildar KA hefur boðað til blaðamannafundar n.k. þriðjudag kl. 14.00 Mikil leynd hefur verið yfir þessum fundi og því ekki vitað hvað ráðið er að fara að kynna. Þó er vitað að von er á erlendum aðilum á fundinn. Heimasíða KA mun fylgjast með og koma með fréttir af fundinum strax að honum loknum.

Fyrr í dag lék U-19 landsliðið 3 og síðasta leik sinn í undankeppni EM gegn Búlgaríu í grenjandi rigningu. Að vanda voru okkar menn Andri Fannar og Haukur Heiðar í byrjunarliði og áttu stórleik. Þeir félagur lögðu upp öll mörk liðsins eða þrjú talsins,  Andri lagði upp 2 mörk og Haukur lagði upp 1 mark en leiknum lauk með 3-2 sigri íslendinga. Ísland lenti tvisvar undir í leiknum en góður loka kafli og mörk frá Papa Faye og Arnari Sveini Geirssyni innsigluðu sigurinn.