Fréttir

Undirbúningsmótin halda áfram og eftir svekkjandi silfur á Soccerade mótinu er komið að baráttunni í Lengjubikarnum. Með okkur í riðli eru FH, Fjölnir, Fram, Leiknir R., Selfoss, Valur og Víkingur R. Fyrsti leikurinn fer fram um helgina og munu við sækja Víkinga heim en leikurinn mun fara fram í Egilshöll á laugardag. Hann hefst kl 17:00 og hvetjum við alla KA menn á svæðinu til þess að mæta og styðja strákana til sigurs. Næsti leikur verður svo á Akranesi gegn Selfoss en fyrsti heimaleikur okkar er ekki fyrr en 14. mars. Leikjaplan er hægt að sjá undir lesa meira.

KA vann Þór 3-2 í leik um 7. sætið á Soccerademótinu í kvöld. Leikurinn var hraður og nokkuð skemmtilegur en KA-menn byrjuðu hann hörmulega, lentu 0-2 undir eftir tíu mínútur. Míló tók greinilega fjórfalda hárþurrkumeðferð í hálfleik a la Ferguson og átti KA allan seinni hálfleikinn. Í honum uppskáru þeir þrjú mörk og í heildina verður að telja sigur KA sanngjarnan.

Á sunnudaginn er einn af aðal dögum ársins, jú konudagurinn. Á þeim degi má alls ekki klikka á því að gefa konunni blóm því annars gæti farið illa. Í fyrra bauð knattspyrnudeild KA upp á afar góðan kost en hægt var að panta blómvönd sem síðan var sendur heim til viðkomandi. Gekk þetta svo vel að ákveðið hefur verið að endurtaka leikinn. Hægt er að kaupa tvær gerðir af blómvöndum, fyrir 2500. kr og 3500. kr og verður svo vendinum keyrt heim fyrir hádegi sunnudaginn n.k. Þetta er kjörin leið til að gleðja það sem veitir manni mesta ánægju í lífinu, jú konuna og að sjálfsögðu KA! Áhugasamir sendið pantanir á gassi@ka-sport.is eða hafið samband við: Gassa - 899 7888 Dóra - 861 5525

Hinn geysi sterki fótboltamaður frá Ólafsfirði, Ingi Freyr Hilmarsson, sem leikið hefur með KA undanfarin ár er á förum frá liðinu. Ingi hefur gert samning við 3. deildarliðið Årdal FK og mun halda utan á næstunni og hefja æfingar með þeim. Knattspyrnudeild KA óskar honum góðs gengis úti.

Úrlistaleikur um 1. sætið á Soccerade-mótinu fór fram í gærkvöld. Þar mættu okkar menn liði Völsungs. Staðan var 1 - 1 eftir venjulegan leiktíma og því þurfti að grípa til vítaspyrnukeppni sem Völsungar unnu svo. Deanó sagði í samtali við tíðindamann síðunnar að honum hafi fundist við vera mun betri aðilinn í leiknum en vandamálið hafi bara verið að við gátum ekki klárað færin. Næstu helgi hefst svo Lengjubikarinn og verður spennandi að sjá hvernig okkar menn standa sig þar.

Nú fer Soccerade-mótinu að ljúka og á einungis eftir að leika um sæti. Eins og fram hefur komið þá leikur KA 1 til úrslita á móti Völsungi og KA 2 leikur um 7. sæti á móti Þór 2. Leikur KA og Völsungs fer fram á sunnudaginn en leikur KA 2 fer fram næstkomandi miðvikudag.

Nú fer óðum að styttast í að fótboltasumarið hefjist, en það eru um þrír mánuðir þangað til að boltinn byrjar að rúlla. KSÍ er hefur nú gefið út frá sér drög að leikjum sumarsins. Nú geta menn farið að skipuleggja sig, t.d. hvenær skuli fara í hina árlegu ferð til Fjarðabyggðar.

KA vann Dalvíkinga í úrslitaleik riðils síns í Soccerade-mótinu í dag. Fóru leikar 3-2 eftir að Dalvíkingar höfðu náð forustunni. Andri Fannar setti tvö mörk og Orri Gözza eitt. KA vann alla leikina í riðlinum og spilar úrslitaleikinn á mótinu gegn Stubbi og félögum hans í Völsungi. Leikurinn verður spilaðursunnudaginn 14. febrúar kl 18:15. Strax á eftir munu Þór og Dalvík berjast um þriðja sætið á mótinu. KA2 steinlá fyrir Þór í gærkvöldi 12-2.

KA1 (mfl. KA) mætir sauðkræklingunum í Tindastól í kvöld. Leikurinn fer fram í Boganum og hefst kl 18:00. KA1 hefur unnið alla leiki sína á mótinu hingað til, við hvetjum því alla til að mæta og styðja þá til sigurs í þessum leik. Leiknum lauk með 13 - 0 sigri KA......

Meistaraflokkur KA lagði 2. flokk Þórs á Soccerademótinu á föstudagskvöld. Haukur Hinriksson skoraði fyrsta mark leiksins, Hallgrímur Steingrímsson skoraði annað markið og svo kláraði Arnór Egill Hallson leikinn og skoraði tvö síðustu. Á laugardag öttu strákarnir í 2. flokk kappi við Draupni. Þar lutu við í lægri hlut með 1 marki gegn 2 mörkum Draupnismanna. Soccerade mótið heldur áfram næstu helgi, frekari upplýsingar er að finna hér.