Fréttir

Frá því að Janez Vrenko hætti að spila með KA sl. haust þá hefur Janez dvalist í Slóveníu og Austurríki vegna vinnu sinnar. Um s.l. mánaðarmót hafði Janez samband við undirritaðan og sagðist vera að koma í frí til Akureyrar í ágúst og óskaði eftir því að fá að æfa með KA þann tíma sem hann dveldi á Akureyri en þess ber að geta að Janez er skráður í KA.

Föstudaginn komandi ferðast KA-menn Austur, alla leið til Eskifjarðar þar sem þeir etja kappi við lið Fjarðabyggðar. Leikurinn verður spilaður á Eskifjarðarvelli og hefst hann stundvígslega kl 19:00

Leikmannaskiptaglugginn innanlands lokaði á föstudaginn sl. og voru nokkrar hreyfingar hjá KA í honum.  Einnig er farið yfir það helsta sem farið hefur fram undanfarið.

Í kvöld tóku KA menn á móti Leikni, í blautu veðri á Akureyrarvelli. Leikurinn var mjög bragðdaufur og frekar leiðinlegur á löngum köflum en leikurinn einkendist af mikilli baráttu.

Upphitun fyrir KA - Leiknir hjá Söggunum verður að vanda á DJ-Grill, þar sem boðið verður upp á veitingar á tilboði líkt og venjulega.

Þriðjudaginn næstkomandi, nánar tiltekið 28.Júlí taka KA-menn á móti Leikni R. Leikurinn verður háður á Akureyrarvelli, aðalvelli KA og hefst hann kl 19:15.

Það er mikil stemming í herbúðum 4. flokks karla í fótbolta en á mánudaginn munu þeir mæta Völsungi. Það eitt og sér er kannski ekki frásögu færandi nema að leikurinn fer fram á Akureyrarvelli og ríkir því eðlilega mikil eftirvænting meðal þeirra sem eiga spila en það er ekki á hverjum degi sem menn fá að spila á aðalvelli félagsins. Til að toppa allt þá mun yfirþula félagsins og skemmtikrafturinn Gunnar Níelsson mæta með micinn ásamt fríðu föruneyti. Við hvetjum alla sem eiga lausan tíma að mæta á Akureyrarvöll og styðja strákana, leikurinn hefst kl 17:00. Leik lokið - lokatölur 4 - 0 fyrir KA!

Strákarnir í 2. flokki KA léku við FH í gær í 8. liða úrslitum í Vísa-bikarnum. Því miður fór það svo að strákarnir þurftu að líta í lægri hlut fyrir FH-ingum en lokatölur leiksins voru fjögur mörk FH-inga gegn einu marki KA manna. Hægt er að fylgjast nánar með því sem er að gerast hjá 2. flokk hér.

Það var blíðskapar verður í 603 þegar KA sótti Þórsara heim. Leikurinn fór fram á Frjálsíþróttavellinum við Skarðshlíð en þetta var opnunarleikurinn á vellinum. Fyrir leikinn höfðu Þórsarar unnið 3 leiki í röð og KA menn unnu topp lið Selfoss í leiknum á undan, þannig fyrir fram mátti búast við hörku leik eins og er alltaf þegar að þessi lið mætast.

Okkar menn voru greinilega ekki alveg stemmdir fyrir leikinn í kvöld, sem tapaðist því miður með þremur mörkum Þórsara gegn tveim mörkum frá okkur. KA liðið byrjaði ekki vel og komust vinir okkar í Þór í 2-0 snemma leiks. Við minnkuðum svo muninn um miðjan fyrri hálfleik, jöfnuðum um miðjan seinni hálfleik en við sóttum stíft í seinni hálfleik. Það var svo á loka mínótum leiksins sem Þórsararnir tryggðu sér sigurinn með þriðja markinu.