Fréttir

Fyrsti tapleikurinn á tímabilinu var staðreynd s.l. föstudag og fyrsti tapleikurinn á heimavelli varð staðreynd í kvöld þegar okkar menn töpuðu fyrir HK. Með sigri hefðum við væntnalega skotist í annað sæti deildarinnar en við sitjum nú í því fimmta með 17 stig. Lokatölur leiksins voru 1 - 3. Nánari umfjöllun og myndbönd af mörkum leiksins væntanleg síðar. Næsti leikur er svo gegn Selfyssingum sem sitja á toppi deildarinnar með 26 stig á laugardaginn kl 14:00. Við hvetjum alla KA menn til að mæta á þennan leik sem er gríðarlega mikilvægur! Mörkin í leiknum. 1-0 David Disztl ('37) 1-1 Ásgrímur Albertsson ('46) 1-2 Almir Cosic ('60) 1-3 Rúnar Már Sigurjónsson ('75)

Vinir Sagga ætla að sjálfsögðu að mæta galvaskir á leikinn gegn HK á þriðjudag og ætla þeir að hita upp saman á DJ Grill.

Þriðjudagskvöldið 14. júlí taka KA-menn á móti HK-ingum, Leikurinn byrjar kl 19:15 og að vanda verður leikið á Akureyrarvelli.

KA lék í 10. umferð 1. deildar karla í kvöld við Viking í Reykjavík. Fyrir leikinn voru KA menn í 3. sæti og áttu möguleika á að komast upp fyrir Hauka í 2. sætið með sigri á heimamönnum sem aftur voru í 10. sæti.

Okkar menn þurftu því miður að líta í lægri hlut gegn Víkingum í kvöld. Lokatölur leiksins voru 1 mark Víkinga gegn engu frá okkur. Nánari umfjöllun er að vænta síðar. Þess má geta að leiknum var lýst í beinni á Vefútvarpi KA sem var sett af stað í gær. Þökkum frábærar viðtökur en geysi mikil hlustun mældist þetta fyrsta kvöld og fór hún fram úr björtustu vonum.

Í kvöld er gerð tilraun með beina lýsingu í Vefútvarpi KA. Sent er út frá viðureign Víkings og KA sem fram fer í Víkinni í Reykjavík. Hlustaðu með Windows Media Player með að smella hér Hlustaðu með Winamp með því að smella hér Hlustaðu með iTunes með því að smella hér

Á morgun, föstudaginn 10.júlí fara KA menn suður og mæta Víkingum í Fossvoginum. Leikurinn hefst klukkan 20:00 á Víkingsvelli. KA menn í Reykjavík ætla að hita upp fyrir leikinn og hittast á veitingastaðnum á Sprengisandi, Pizza Hut klukkan 19:00. Við hvetjum alla KA menn að mæta.

16 liða úrslitum bikarkeppni KSÍ lauk í dag með þremur leikjum. KA-menn sóttu Val heim að Hlíðarenda en Valsmenn eru sem stendur í 6. sæti Pepsi deildarinnar á meðan KA sitja í 3. sæti 1. deildar. Þetta var hörkuleikur og réðust úrslitin ekki fyrr en eftir 120 mínútna leik.

KA menn í Reykjavík ætla að hita upp fyrir leikinn gegn Víkingi á föstudag. Það er Eiríkur Jóhannesson KA maður sem fer fyrir hópnum. Ætla menn að hittast á veitingastaðnum á Sprengisandi, Pizza Hut, á föstudagskvöldið klukkan 19:00 en leikurinn hefst kl 20:00. Við hvetjum alla KA menn í Reykjavík og bara alla KA menn sem verða staddir í Reykjavík á þessum tíma til þess að mæta og taka þátt í gleðinni!

Því miður þurftum við að líta í lægri hlut gegn Völsurum á Vodafonevellinum í kvöld. Þetta stóð þó tæpt því að leikurinn var framlengdur en Valsarar skorðu á síðustu mínótum framlengingar eftir mikla pressu reyndar.