Fréttir

Nú þegar skólarnir eru í þann mund að byrja hefur tímatafla ynfri flokka tekið nokkrum breytingum og æfa flokkarnir frá og með mánudeginum næsta til 8.september eins og stendur hér að neðan:

Á morgun tekur 2.flokkur á mót ÍA í A-deild karla. Leikurinn hefst klukkan 14:00 á Akureyrarvelli og allir eru hvattir til að láta sjá sig eftir frábæran 3-0 sigur á Víking! Fyrri leikur liðanna fór 3-3 í hörku leik þar sem KA jafnaði á 93.mínútu og því má búast við hörku leik aftur á morgun. Liðin sitja í 5 og 6 sæti deildarinnar og eru Skagamenn með 19 stig einu meira en KA. Þannig allir á völlinn á morgun og styðjum KA!!!!

KA-menn tóku á móti Selfyssingum í fyrstu deild karla í kvöld í frábæru veðri á Akureyrarvelli. Eins mikið og mig myndi langa að skrifa langa umfjöllun er það bara ekki hægt, en þrátt fyrir 3 mörk gerðist EKKERT nema örfá dómaramistök.  

 Á morgun, föstudag, taka KA-menn á móti Selfossi á Akureyrarvelli. Spáð er draumaveðri til knattspyrnuiðkunar, 13 stiga hita, 3 metrum norð/austan og skýjuðu = ENGIN AFSÖKUN FYRIR AÐ MÆTA EKKI! Leikurinn hefst klukkan 18:15 og ALLIR VERÐA ÞAR!    

2. flokkur kk lék í gær við Víking R. að viðstöddum örfáum hræðum á Akureyrarvelli. Víkingar voru í öðru sæti deildarinnar fyrir leikinn og unnu þeir fyrri leik liðanna 5-2, en þeir sáu aldrei til sólar í leiknum og var gamli KA-maðurinn Davíð Örn Atlason, sem var á láni hjá KA fyrripart sumars frá Víkingi, þeirra langbesti maður.

Leik 2. flokks við Víking, sem fram átti að fara sunnudaginn 14. ágúst, hefur verið frestað um sólarhring og verður hann spilaður á Akureyrarvelli mánudaginn 15. ágúst kl. 17:30. Ástæða frestunarinnar er sú að Víkingar náðu ekki í lið eftir að hafa fengið 2 rauð spjöld gegn Þór sl. föstudag og meginþorrinn af liðinu var í útlöndum að skemmta sér, því var leiknum frestað þannig að Víkingar gætu náð saman í lið.  Það breytir engu fyrir KA-menn því þeir ætla sér sigur gegn toppliðinu. Leikurinn fer fram sem fyrr segir á Akureyrarvelli  og eru allir hvattir til að mæta og styðja strákana í baráttunni!

KA sigraði Þrótt á Fimmtudag eins og flestir vita og Sævar Geir var á vellinum og tók myndir. Ef smellt er á lesa meira, má sjá myndirnar og einnig 4.mark KA, sem er samsett úr nokkrum myndum sem Þórir Tryggva tók.

Það er spurning hvort KA-mönnum verði ekki mútað til að mæta á völlinn framvegis með góðum kræsingum, því fjöldinn allur af fólki mætti á KA-völl (hinn neðri) í kvöld og ber að fangna því! Húrra fyrir ykkur!

Í kvöld taka KA-menn á móti Þrótti í afar mikilvægum leik í 1. deildinni. Leikurinn fer sem fyrr fram á hinum iðgræna KA-velli niður í miðbæ, mikið verður um fínerí fyrir leik þar sem gulir og góðir KA-menn ætla að grilla pylsur fyrir KA-menn og aðra og fyrst um sinn verða gefnir sundboltar frá Nivea á meðan birgðir endast. Tendrað verður í grillinnu klukkan 18 en leikurinn hefst svo klukkan 19. Allir að henda í sig einni pylsu með öllu til að slaka á raddböndum svo hægt verði að þenja þau á meðan á leik stendur!

Á morgun, fimmtudaginn 11. ágúst, á meistaraflokkur KA heimaleik gegn Þrótti Reykjavík klukkan 19 á okkar iðagræna Akureyrarvelli. Þessi leikur er mjög mikilvægur fyrir okkar menn sem hafa hægt og sígandi verið að bæta fleiri stigum í sarpinn. Það er því afskaplega mikilvægt að allir KA-menn, stórir sem smáir, mæti á völlinn og hvetji strákana okkar til dáða.