Fréttir

Gamla myndin að þessu sinni er tveggja ára gömul - Sævar hirðljósmyndari tók þessa mynd á Akureyrarvelli þann 18. júlí 2009 af Gunnlaugi Jónssyni, núverandi þjálfara KA en þáverandi þjálfara og miðverði Selfyssinga og Guðmundi Óla Steingrímssyni, þáverandi og núverandi leikmanni KA, að kljást um boltann. Selfyssingar sóttu ekki gull í greipar KA-manna í þessum leik því heimamenn sigruðu 2-0 með mörkum Bjarna Pálmasonar og Dávid Disztl. Selfyssingar fóru hins vegar rakleiðis upp sumarið 2009, en féllu aftur í fyrra. Eins og útlitið er núna stefna Selfyssingar aftur upp í ár og þeir færðust nær því takmarki með sigri KA í gær á Haukum. KA á eftir að taka á móti Selfyssingum í sumar - sá leikur verður á Akureyrarvelli annan föstudag - 19. ágúst kl. 18.15. Er ekki gráupplagt að endurtaka leikinn frá 18. júlí 2009 og leggja Selfyssinga að velli?

Ævar Ingi Jóhannesson, KA-maðurinn bráðefnilegi, skoraði eina mark Íslands og sigurmarkið í úrslitaleik Íslands 1 og Danmerkur á Norðurlandamóti U-17 landsliða, sem háður var á Þórsvelli í dag. Ævar Ingi skoraði markið í fyrri hálfleik og þar við sat. Þessi árangur drengjalandsliðsins er frábær og full ástæða til að óska leikmönnum og þjálfurum innilega til hamingju með Norðurlandameistaratitilinn.

KA-menn tóku öll þrjú stigin heim með sér úr leiknum við Hauka á Ásvöllum í gær. KA-menn skoruðu tvö mörk en Haukar eitt.

Fjölmennur hópur 3 flokks karla fór á dögunum í æfinga og keppniosferð til Austurríkis nárnar tiltekið til Gaflenz.

Haukar taka á móti okkar mönnum í 15 umferð Íslandsmótsins í fótbolta á heimaveli sínum á Ásvöllum og hefst leikurinn kl 16.00

Egill þjálfari 3 fl kvenna K.A hafði samband við pikkara í morgun og sagði fréttir af Norway cup og gengi liðsins á mótinu.

Norðurlandamót U-17 landsliða pilta hefst nk. þriðjudag, en mótið verður spilað á völlum á Norðurlandi, m.a. á Akureyrarvelli, heimavelli KA. Mótið er spilað í tveimur riðlum og eru átta þátttökulið; Ísland 1 og 2, Svíþjóð, Noregur, Finnland, Danmörk, Færeyjar og England. Athygli er vakin á því að ókeypis er á leikina og því er um að gera að fjölmenna á völlinn og sjá fótboltastráka framtíðarinnar á Norðurlöndum taka á því.  

Norski framherjinn Steinar Tenden gekk á nýjan leik í raðir KA í dag. Tenden gerði garðinn frægan með KA fyrir átta árum árið 2003, en hefur síðan spilað í Noregi, síðast með Förde, sama liði og Elmar Dan Sigþórsson.

2. flokkur lék nú fyrr í kvöld við KR-inga í A-deild 2. flokks. Fyrir leik mátti búast við spennandi leik, en annað kom á daginn. Leikur KA var fínn í fyrri hálfleik þrátt fyrir að vera 2-0 undir og átti liðið að fá vítaspyrnu en eins og fyrri daginn gengur erfiðlega fyrir KA að fá vítaspyrnu. 

Heimasíða yngri flokka KA liggur niðri eins og er. Unnið er að því að finna rót vandans og vonandi kemst síðan fyrr en síðar í loftið aftur.