Fréttir

Um helgina fór fram árlegt Nikulásarmót á Ólafsfirði. KA átti 6 lið í mótinu, 4 frá 7.flokki og 2 frá 6.flokki. Veður var eins og best verður ákosið í Ólafsfirði, ískuldi og norðanátt. En veðrið skipti engu því það var fótboltinn sem var í fyrirrúmi. Strákarnir allir sem einn stóðu sig með prýði og voru félaginu til sóma innan vallar sem utan. Einn bikar kom heim með 7.flokki, 

Leiknir hafði 2-0 sigur á KA-mönnum á Akureyrarvelli sl. laugardag. Pape Mamadou Faye skoraði bæði mörk Leiknis, það fyrra á 40. mínútu og seinna markið á 63. mínútu. KA-menn fengu sannarlega færi í þessum leik til þess að skora mörk, en eins og oft áður vantaði að klára færin. Næsti leikur KA verður á útivelli gegn ÍR nk. föstudagskvöld.

Við tökum á móti Leiknismönnum á glæsilegum Akureyrarvelli í 12. umferð Íslandsmótsins í knattspyrnu í dag og hefst leikurinn kl 16.00 stundvíslega.

Fannar Hafsteinsson, hinn stórefnilegi 16 ára  markvörður K.A. fer eftir helgi til fyrstu deildarliðsins Watford  og úrvalsdeildarfélagsins Tottenham til reynslu.  Hann mun dvelja í Englandi næstu 12 daga.

Elmar Dan Sigþórsson gekk í dag í raðir KA-manna og verður löglegur með KA í leiknum mikilvæga á móti Leikni á Akureyrarvelli á morgun. Elmar Dan hefur undanfarin tvö ár búið í Noregi og spilað með tveimur þarlendum liðum, síðast með 2. deildar liðinu Förde. Elmar Dan hefur nú flutt heim til Akureyrar með fjölskyldunni og er albúinn að taka þátt í slagnum sem framundan er með KA.

Þórir Tryggva stendur alltaf fyrir sínu og sendi að vanda myndir frá leik KA og Þórs í 2.flokki á miðvikudag. Myndir má sjá hér!

Ef smellt er á tengilinn að neðan er hægt að sjá myndir frá tapi KA gegn ÍA í síðustu viku. Myndirnar tók Þórir Tryggva Myndir hér

Annar flokkur tók á móti Þór í, eins og við var að búast, miklum baráttuleik þar sem bæði lið áttu lipra spretti og góð færi á milli harðra tæklinga og smá handalögmála. Leikurinn besta skemmtun og alvöru nágrannaslagur.

KA og Þór eigast við í ,,mini-derby" leik á Akureyrarvelli  í kvöld og hefst hann kl 19.30

Því miður tókst okkur ekki að sækja það sem við ætluðum vestur á firði í gær eða 3 stig.  Eftir að við höfðum haft  forustuna lengi tókst heimamönnum að tryggja sér sigur.