Fréttir

Það er alltaf gaman að fá þá viðurkenningu að vera prúðasta liðið. Það sýnir góðan liðsanda, kurteisi og virðingu. Stelpurnar í fimmta flokki KA fengu þessa viðurkenningu á Pæjumótinu í Eyjum sem lauk í gær. Meðfylgjandi mynd var tekin af öllum stelpunum þegar þær veittu þessari viðurkenningu viðtöku.

Stelpurnar í A-liði KA í 5. flokki gerðu sér lítið fyrir í morgun og sigruðu Pæjumótið í Eyjum. Stelpurnar unnu mikinn baráttusigur á Breiðabliki í gær í riðlakeppninni og tryggðu sér sæti í úrslitum. Í morgun spiluðu stelpurnar síðan tvo úrslitaleiki þar sem þær sigruðu Stjörnuna 2-1 og Hauka 1-0 og stóðu þar með uppi sem sigurvegarar í A-liða keppninni. Og ekki nóg með það. KA var útnefnt prúðasta félag mótsins, sem ástæða er til að vera stolt af og Margrét Árnadóttir í A-liði KA var útnefnd efnilegasti leikmaður mótsins.

KA-menn tóku á móti Fjölni í blíðskaparveðri á Þórsvellinum fyrr í kvöld. Fyrir fram mátti búast við hörkuleik en raunin varð önnur.

Á morgun tekur KA á móti Fjölni í 1.deildinni á ÞÓRSVELLI, leikurinn hefst klukkan 18:15 og allir eru hvattir til að mæta því strákarnir þurfa stuðning núna eftir tvo tapleiki í röð. Leikurinn verður að öllum líkindum í beinni útsendingu á netinu, en það er fátt sem kemur í veg fyrir það. Mun ég þá sjálfur annast lýsingu á leiknum. Vegna tímaskorts verður upphitunin ekki lengri að sinni en allir eru hvattir til að mæta!

Umfjöllun um leik KA gegn Þrótti Reykjavík á Valbjarnarvelli í gærkvöldi sem endaði með 1-0 tapi í leik þar sem KA liðið náði aldrei að sýna sínar réttu hliðar.

KA sótti ekki gull í greipar Þróttara á Valbjarnarvelli í kvöld. Þróttarar höfðu sigur 1-0 og eru nú komnir með 10 stig í öðru sæti á eftir Skagamönnum sem verma sem fyrr toppsætið með þrettán stig eftir stórsigur á Bí-Bolungarvík 6-0. KA situr í fimmta sæti deildarinnar með sjö stig.

KA fer suður í dag og fer þar í heimsókn á Valbjarnarvöll, heimavöll Þróttara. Leikurinn hefst 19:30 og eru allir hvattir að mæta sem tök hafa á. 

Næsti heimaleikur KA, sem verður gegn Fjölni nk. föstudag kl. 18.15, verður á Þórsvelli. Ástæðan er sú að ekki er unnt að hleypa leikmönnum og áhorfendum inn á Akureyrarvöll vegna þeirra framkvæmda sem þar eru í fullum gangi.

Knattspyrnuunnendum verður í júní boðið upp á 10% afslátt af bókinni: 100 ára saga Íslandsmótsins í knattspyrnu, fyrra bindi. Hér er um að ræða glæsilega bók upp á 384 blaðsíður, sem segir sögu knattspyrnunnar á Íslandi í máli og myndum. Í bókinni er sagt frá upphafi knattspyrnunnar á Íslandi frá 1870 fram til að fyrsta Íslandsmótið fór fram 1912 og er sagt frá þróun knattspyrnunnar á Íslandi til 1965. Seinna bindið (1966-2011) kemur út 11. nóvember 2011. Afsláttarverð bókarinnar, fyrra bindi, er kr. 7.900.      

Þá er komið að næsta manni á dagskrá í "Hvar er hann nú?" og það er hinn ávallt góði Örn Kató Hauksson sem er uppalinn hjá KA en yfirgaf liðið árið 2005 og spilaði eftir það með Val, Fram, Fjarðabyggð og Aftureldingu en hann spilaði þó ekki mikið vegna mikilla meiðsla. Hann snéri í millitíðinni heim á láni frá Val og var í byrjunarliði gegn Þór í bikarnum 11. júní 2007. Hann fór útaf illa handleggsbrotinn eftir 9 mínútur.