Fréttir

Það var vel mætt í svifrykstank Akureyrar eða Bogann eins og sumir kalla hann í kvöld þegar KA tók á móti Grindavík í 32ja liða úrslitum Valitor-bikarsins. Eins og flestum er kunnugt spila Grindavíkingar í úrvalsdeild og þóttu sigurstranglegir þrátt fyrir að KA hafi sýnt að það búi margt og mikið gott í þessu liði.

Í vikunni rúlla Íslandsmótin af stað hjá 5. flokki karla og kvenna og 4.flokki karla.

Á morgun, miðvikudaginn 25. maí tekur KA á móti úrvalsdeildarliði Grindavíkur í 32ja liða úrslitum Valitor - bikarsins. Gæti orðið mjög áhugaverður leikur og ALLIR eru hvattir til að mæta, 1000 kr. inn fyrir 16 ára og eldri og ATH að ársmiðar KA gilda ekki á bikarleiki. Leikurinn hefst klukkan 19:15

Leikur KA og Grindavíkur í 32ja liða úrslitum Valitor-bikarsins nk. miðvikudag hefur verið færður inn í Boga, þetta staðfesti KSÍ í dag. Fyrirhugað var að leikurinn yrði á Þórsvelli en honum hefur einfaldlega verið lokað. Leik Þórs og FH, sem vera átti í kvöld, hefur verið frestað og leikur Þórs og Leiknis F í 32ja liða úrslitum Valitor-bikarsins færður í Bogann. Meðfylgjandi er auglýsing fyrir leikinn gegn Grindavík sem hefst klukkan 19:15 á miðvikudagskvöldið, 25. maí. Verð aðgöngumiða er kr. 1.000, frítt fyrir yngri en 16 ára. Athugið að ársmiðar á leiki KA í 1. deild Íslandsmótsins gilda ekki á leikinn.

Stelpurnar í Þór/KA spiluðu sinn annan deildarleik í dag þegar þær sóttu heim Grindavíkinga og höfðu sigur, 1-2. Sigurinn var kærkomin eftir afleita byrjun, en sem kunnugt er töpuðu stelpurnar illa heima í fyrsta leik gegn ÍBV 0-5.

Strákarnir í 2. flokki urðu að játa sig sigraða í öðrum leik sínum í Íslandsmótinu þegar þeir sóttu heim KR-inga í Vesturbæinn í dag. KR-ingar skoruðu tvö mörk gegn einu marki okkar manna.

2. flokkur karla hóf í dag leik á Íslandsmótinu. Strákarnir fóru suður á Akranes og kepptu þar við heimamenn í ÍA og gerðu við þá jafntefli í hörkuleik, 3-3.

KA sigraði ÍR í gær 3-0 eins og alþjóð veit, en ég var á staðnum ásamt Frey Baldurssyni og tókum við leikinn upp, ég setti það svo saman í skemmtilegt myndband, eins og sjá má þá hefðu KA getað skorað u.þ.b 5 mörk á fyrstu 10 mínútunum

KA tók á móti ÍR í Boganum í kvöld og fyrir leikinn mátti búast við hörkuleik. Svo ég vitni í spá Páls Viðars Gíslasonar fyrir leikinn segir hún allt sem segja þarf um leikinn: “KA-menn eru með hættulega framherja og þeir verða illviðráðanlegir í þessum leik í Boganum. Þeir vinna þetta örugglega 3-0.” Það er spurning hvaða náðargáfu Palli er gæddur en hann hafði á hárréttu að standa, KA voru illviðráðanlegir í leiknum og unnu mjög svo öruggan 3-0 sigur. Spurning hvort Palli taki við af nafna sínum, kolkrabbanum Páli, sem spáði fyrir um leiki á HM. 

KA sigraði ÍR-inga örugglega með þremur mörkum gegn engu í Boganum í kvöld. KA leiddi í hálfleik með marki Daniel Jason Howell og í þeim síðari skoruðu ÍR-ingar sjálfsmark og Howell bætti síðan við þriðja markinu undir lok leiksins.