Fréttir

Fyrsti heimaleikurinn okkar er í kvöld og þar sem menn vöknuðu upp við hvíta jörð í morgun verður hann leikinn inni í "hlýja" Boganum. Tekin var sú ákvörðun á vördögum að reyna eftir fremsta megni að skapa flotta umgjörð í kringum heimaleiki KA og ætlum við svo sannarlega að vera í úrvalsdeild í þeim efnum.

Hin árlega kynning á leikmönnum m.fl. karla í knattspyrnu fór fram í kvöld. Gunnlaugur Jónsson þjálfari fór yfir liðið og kynnti áherslurnar fyrir sumarið. Kvöldið var vel sótt af dyggum stuðningsmönnum félagsins. Sævar Sig ljósmyndari var að sjálfsögðu á svæðinu. Myndirnar má sjá hér.

Á morgun(föstudag) tekur KA á móti ÍR í 2.umferð 1.deildar karla í knattspyrnu. Þetta er jafnframt fyrsti heimaleikur KA á tímabilinu, leikurinn fer fram í Boganum eins og felstir vita enda mikið fjaðrafok verið útaf þeirri ákvörðun Þórs að leyfa ekki KA að leika á sínum velli.

Árlega velur dómnefnd, sem fer huldu höfði,  mann leiksins á hverjum heimaleik og alltaf hefur verið veglegur fengur í boði fyrir þann sem þykir standa sig best í hverjum leik. Búið er að skipa dómnefnd og gerður var samningur við Strikið, sem hefur undanfarin ár gefið gjafabréf og Nivea sem veitir stútfulla gjafakörfu af "beauty" vörum

Melar Sport bjóða nú upp á glænýtt námskeið fyrir 19 ára og yngri Námskeiðið er sjálfstætt framhald af fræðslunámskeiðinu AFREKSMAÐURINN og fjallar sérstaklega um hugarfar og íþróttasálfræði.

Nú kynnum við til leiks nýjan lið hér á KA - síðunni sem ber nafnið "Í þá gömlu góðu daga". Eins og nafnið gefur til kynna verður ferðast aftur í sögu KA sem er löng og glæsileg. Til halds og trausts eru bækurnar "Saga KA" sem allir KA menn ættu að eiga, en þær fást í KA - heimilinu. En nóg um það, við ætlum að hverfa 19 ár aftur í tímann til ársins 1992. Það ár lék nefnilega Páll Viðar Gíslason, sem er einn nafntogaðasti Þórsari bæjarins og nú þjálfari m.fl. karla Þórs, með KA!

Fyrsti heimaleikur KA á þessu keppnistímabili fer fram í Boganum nk. föstudagskvöld kl. 19.00. Andstæðingarnir eru ÍR-ingar, sem spáð hefur verið góðu gengi í 1. deildinni á þessari leiktíð.

Knattspyrnudeild KA efnir til kynningarkvölds vegna komandi sumars annað kvöld, fimmtudagskvöldið 19. maí, kl. 20.30 í KA-heimilinu.

KA og Magni léku æfingaleik í kvöld á Hrafnagili, þar sem bæði lið æfa þessa dagana en þetta er nánast eina grassvæðið í Eyjafirði sem er klárt undir fótboltaiðkun. Gulli var þarna að leyfa þeim sem minna hafa spilað að spreyta sig gegn sterkustu mönnum Magna.

Framkvæmdir við stúkuna á Akureyrarvelli eru í fullum gangi. Áæltuð verklok á öllu eru í ágúst en stúkan verður orðin góð að innan fyrir fyrsta leikinn sem spilaður verður á vellinum í byrjun júní. Stúkan verður öll hin glæsilegasta að innan, auk þess sem byggt verður við hana. Í viðbyggingunni verður aðstaða fyrir blaðamenn og lyfta fyrir hjólastóla. Við hér á síðunni fylgumst vel með gangi mála í stúkunni, hér er að finna myndir sem voru teknar í dag sem gefa góða mynd af umfangi framkvæmdarinnar.