Fréttir

Á laugardaginn sl. mættust KA-menn og Víkingar frá Ólafsvík í lokaleik sumarsins á flottum Akureyrarvellinum. Vitað var að með sigri myndi KA gulltryggja fjórða sætið og það gerðu þeir með 1-0 sigri. Þrátt fyrir aðeins eins marks sigur spilaði KA-liðið fínan fótbolta og óheppnin ein gerði það að verkum að mörkin urðu ekki fleiri. Umfjöllun með myndum.

Nú þegar sumarið er farið að líða undir lok og síðasta leikur tímabilsins handan við hornið er við hæfi að heyra í öðrum af þjálfurum liðsins, Steingrími Erni, og renna yfir farinn veg.

Á laugardagskvöldið eftir leik KA og Ólafsvíkinga fer fram lokahóf knattspyrnudeildarinnar á Hótel KEA og hefst kl. 20:00.

Á laugardaginn næstkomandi fá KA lið Víkings Ólafsvík í heimsókn á Akureyrarvöllinn. Þetta er síðasti leikur á þessu tímabili og hvetjum við alla KA-menn að skella sér á leikinn sem hefst klukkan 14:00. KA stuðningsmenn ætla að hittast á Allanum klukkan 12:45. Það er frítt inn fyrir alla og vonandi að sem flestir sjái sér fært um að mæta á þennan síðasta leik sumarsins.

Heimasíðunni bárust á dögunum fjölmargar myndir úr tapleik liðsins gegn Stjörnumönnum á föstudaginn sl. á gervigrasinu í Garðabænum.

Hinn feykiöflugi miðjumaður okkar manna, Arnar Már Guðjónsson, fékk á fundi aga- og úrskurðarnefndar KSÍ í gær eins leiks bann fyrir sex gul spjöld í sumar.

Nú þegar hafa átta lið boðað komu sína á árgangamót knattspyrnudeildar KA sem haldið verður föstudaginn næstkomandi (19.09.08).

Vetraræfingar yngri flokka KA í knattspyrnu hefjast fimmtudaginn 2. október nk. Æft verður í Boganum.  Nýir iðkendur eru sérstaklega boðnir velkomnir á æfingar og gefst þeim kostur á að æfa án endurgjalds í október. Sem fyrr er lögð áherslu á faglega þjálfun og að knattspyrnan er og á að vera skemmtileg.

Á morgun mætast KA og Þór í öðrum flokki á KA-vellinum og hefst leikurinn kl. 14:00. Þessi leikur verður að teljast sögulegir fyrir nokkrar sakir og vonandi mæta sem flestir til að sjá þennan erkifjendaslag.

Nú í kvöld spiluðu okkar menn við Stjörnumenn á samnefndum velli í Garðabænum. Áhorfendur voru fjölmargir í góðri aðstöðu á vellinum og týpískt haustveður var um að ræða. Aðstæður því með ágætu móti en leikurinn varð þó heldur bragðdaufur. Með sigri í leiknum áttu Stjörnumenn möguleika á að koma sér upp í annað sæti deildarinnar og þar með eiga enn góðann möguleika á að fylgja ÍBV upp í efstu deild. Okkar menn höfðu hins vegar ekki að jafnmiklu að keppa þar sem möguleikar á að komast upp sem og að falla voru úr sögunni. Svo fór að úrslit kvöldsins voru eins hagstæð Stjörnumönnum og hægt var. Á meðan að Fjarðabyggð lagði Selfoss unnu þeir heimasigur á okkar mönnum með marki Daníels Laxdal í lok leiks. 1-0 fyrir Stjörnuna.